لا حول ولا قوة إلا بالله

الله يهدي النفوس و يسخركم لبعض..

اخوي المهموم ..

الله يزيل همك ويشرح صدرك ..

اخوي احلى كلمه كتبتها ( خير الخطاءين التوابين ) وانت انسان ومو معصوم من الخطى ..

انت وزوجتك فرحتوا الشيطان فيكم كثيييييير .. كل واحد فيكم غلطان .. والضحيه اكيد الطفلين ..

دامك وافقت على الشروط فحمد الله انحلت نصف المشكله من جهتك ..

والباقي عند زوجتك ..

اخوي نصيحه زي ما قلت لك لا تفرح الشيطان وتعوذ منه واعطي زوجتك مليون عذر لتصرفها

ممكن يكون فيه احد يزن على راسها .. ممكن خايفه تتكرر نفس المشاكل من جديد ..

ممكن ولا تستبعد تكون حصلت فجوه في قلبها تجاهك من كذا موقف سابق ..

يعني بختصار محتاجه وقت ..

ابقولك حادثه فيه اخوين لهم 15سنه وهم متقاطعين حاول كثير من الاهل والمعارف يصلحون بينهم ما قدروا

وبعدين تصالحوا في يوم بسبب احد المشايخ الله يجزاه الف خير لسانه حلو ويعمل محاضرات سمع بسالفتهم

فحاول يتوسط وصار يحدث عليهم ويذكر الايات والاحاديث والقصص الي تعظم حرمة قطع الرحم ..فتصالحوا ..


انا من رأيي تبعد انت شوي وتطلب من اختك

انهاتحاول تسأل عن ارقام بعض المعروفات بالخير والي يعملون محاضرات

تكلم وحده منهم وتقول انه في خلاف بين زوجين من غير ذكر التفاصيل ونبغى تذكرين الزوجه وتنصحينها ..

ويروحون زياره لاهل زوجتك ويذكرونها ..

صدقني انا شخصيا اعرف نساء معروفات بالخير ويعملون محاضرات وعندهم كامل الاستعداد لعمل كل خير

ومنهم من تدخل في موضوع فهد الفرحان والمتوفي القاضي ..

انا ممكن اعطيك كذا اسم اذا حاب والله انهم من اروع النساء في ها البلد وصدقني التذكير و النصيحه خصوصا

اذا جت من شخص لسانه حلو و قريب من ربه صدقني ان شاء الله انها ممكن تحل مشكلتك ..

والله يكتب ما كان خير فيه ..




..

الله يعينك .. اللهم آمين

اخي الفاضل..اسمحلي انك حبيييييييب ..مرررره

الاخوات الي قالوا ليش ما توديها للدوام والمدرسة .. هل يعلمون انه يقدر يقولها ممنوع الوضيفة واقعدي في بيتك وعند اولادك
اكيد بتقولون : والله ظالم ؟ مع انه من حقة الشرعي انه يقولها كذا ز. وهو الي سعى لها بالوظيفه
طيب ليه ماصارت الزوجة ظالمة بتعديها على زوجها؟؟ واهمالها بيتها وحقوقها الزوجيه..

لو كان الزوج ضربها ولا جلدها ولا ( بصق في وجهها ) كان الكلام سوف يوجة للزوجة بالشكل هذا : حاولي تلينين قلبه وحاولي تستعطفينه و..و...تجملي وتزيني ..الخ الخ الخ
لكن لما كان الزوج هو الي يحاول الاصلاح وهو الي يطلب منها ان يسمح كل انسان للأخر..تقولون انك ظالم وانك وانك ؟؟
وبعدين اللين المطلوب من الزوج مو زي اللين المطلوب من الزوجة...

صراحة ما كنت اتوقع ان الردود..بهذا التحيز الأنثوي الكبير..وأستثني الاخت مفعوصه وبعض الاخوات الكريمات الي تعودنا من ردودهم الإنصاف.. ( وإذا قلتم فاعدلوا )

عموما اخي الفاضل .. تفعيل الرسائل الخاصة عند غير متاح..اسمح بالخدمة هذي ويكون خير

أثبت لها صدق حرصك عليها

تتركها بالشهور وبعدين ترسلها رسالة

واذا زعلت وراحت لاهلها حتى كلمة فقدتك مافيه لكن العفش بتفقده...؟
والأخت الي قالت طنشها ولا تسأل فيها انتي قريتي وش يقول سبع شهور عند أهلها بدون سؤال
طول فترة الحمل الي محتاجة لزوجها جنبها مافكر فيها
في فترة الضعف أهملتها..
والله معذورة..ماتصدق كلامك
وشي الحياة الزوجية اذا ماكان البيت هو الملاذ والملجئ
اذا كنت صادق أثبتلها ندمك دق عليها كل شوي
وأهم شي أقنعها انك متمسك فيها
أعتقد انها فاقده لاحساسك فيها والله ماألومها واعذرني ان تجاوزت حدودي..
لكن احس من كلامك انها ماهمتك
حط نفسك مكانها حتى قدام أهلها معطيهم صورة انها ولاشي تجي ولاماتجي نفس الشي
لا ياأخي
(ماكان الرفق في شئ إلا زانه وما نزع من شئ إلا شانه)
الله يهدي النفوس ويسخركم لبعض
********************************