ماهي افضل هدية تودين الحصول عليها بمناسبة زواجك؟

عليكم السلام ورحمة الله وبركاته

إذا كنت محتار لي هالدرجة ياخوي ،،،،

تقدر تقدم لها مبلغ عشان هي تختار هديتها على ذوقها أفضل حل !

وإن شاء الله اكون ساعدتك

أسألها شو لين ألحين ناقصج ؟؟

يعني ساعه جلد باريس غاليري مليان اكسسوارات

خصوصا الماركات

وعليكم السلام ورحمة الله وبركاته

اولا مبروك لاختك العرس ..الله يوفقها ويرزقها الرجل الصالح والذريه الصالحه ..
اخي الكريم حياك الله ..

قبل الاقدام على شراء اي هدية ..شوف اختك هى من اي شخصيه معينه تحب ...او من اي هواية ..

والله انا اشوف بنات هالزمن ماعاد يبغون الا اخر صيحه في عالم الموضه ...

وعلى حسب نوعية اختك هى من اي صنف ...؟؟؟؟؟؟

اذا كانت تحب الموضه ...فاتجه على طول الى
ياتشوف لها اخر صيحه في عالم الجوالات ...
او تشوف لها طقم كلاسيكي خاص للمراة العصريه وهو عباره عن حقيبة يد مع حذاء اكرمك الله مع اكسسورات مع عطر ومكياج .. طبعا غاليه راح تكون ..لكن جميله ومميزه من عند باريس غاليري ومنغو وزارا وووووالخ

في عندك هدايا طقوم ملابس النوم الفخمه ........واخر صيحه ..من عند نعومي .. وسيدتي الجميله ...لانجري

طقم عطور وعود ومسك فخمه من عند عبدالصمد القرشي .. تلاقيها بالفين واكثر ..على حسب النوعية..

اذا هى من هواة التصوير جيب لها الكاميرا الجديده الديجتال الرقميه اللي بشاشه .. الصراحة رهيبه ومريحه بالنسبه لها مع جهاز التحميض بالمنزل ..تلاقيه عند كوداك سمير للتصوير العرض كله بالف ريال و400 تقريبا مع الاضافيات مثل البطاريه والشريحه الاضافيه وووالخ....( تلاقي الشرح الكامل عندهم )

عندك كاميرا الفيديو سوني الصغير جدا بشاشه طبعا ........عشان تستفيد منها اذا سافروا بررره للعسل....السعر بالفين ومافوق..من عند حقين السوني او ناشيونال

عندك طقم الماس ولولو........على حسب الحجم من 3 الاف ومافوق عند ابن داود للذهب ولازوردي ..


عندك طقم خاص للاستحمام تلاقيه عند زهور الريف او عند ذي بودي شوب يجي طقم استحمام كامل في سلة كامله بحوالي مابين 400 الى الف ريال ....او اكثر مع اضافات مثل العطورالباريسيه....

اذا هى من هواة البيت وتحب البيت جدا وبالذات الطبخ .....
يعني تميل للمطبخ شوف وش ناقص لها واعطيها مثلا
اعطيها طقم مطبخ من قدور وصحون سفرة حلوووووة..
عندك طقم سفرة الضيوف خاص... ....
مكرويف فخم مع قدور فخمه....
.طقم ترامس قهوة وشاي رووووعه مع الصحون طبعا
طاولة طعام فخم ...مع الدولاب تبعها

يعني مرّ على اماكن الاثاث وشوف وش الزين ..


وفي هدايا ....الغرف نوم
عندك طقم غرف النوم مثل المفارش وغيرها ...
ومكملات لغرف النوم ...تلاقيها عند ايكيا ...

تكمل لها مثلا فرش المجلس النسائي مثل سجادة جميله جدا او برواز جميل جدا ...او تحفه جدا رووووعه ومميزه طبعا تكون غاليه ...يعني من الف ومافوق ... في مداخل البيت رووعه ورهيبه تلاقيها عند حقين الاثاث اللي بالعليا( اذاانت بالرياض ) مثل محلات المطلق والبيت الانيق...ومحلات اخرى جدا رووووعه طول مانت ماشي على طريق الامير عبدالله
تجي اشكال...... و في على شكل مداخن زينه روووعه... هى غاليه بعض الشيء لكن راح تبقى ذكرى لها طول عمرها .....

ممممممممممممممم والله احترت الهدايا كثيره وبالذات اذ كانت صاحبة الهدية غاليه على الشخص.....

ومن الافضل تسالها او تعطيها بيدها المبلغ اللي تستاهله وانت وكيفك
وهى حرررررررررره..


والله انا عندي خبره بالهدايا ...بس على حسب الحاله وعلى حسب نوع المناسبه وعلى حسب قرابة الشخص لي ...

بس اهم شيء من هى اللي راح اهديها على حسب شخصيتها ..


عسى اني افدتك ...
وشكرا ..

انا اقول اشتري لها طقم حليوووووووووووه من العطور والكريمات

من بودي شوب ولا نكتار ..


والف الف مبررروك لها ...

يعطيكم مليون عافية :)

شكر خاص جدا للاخت غيم2000 على ردك الكافي والوافي باذن الله

دمتم برعاية الله