حائرات @hayrat

عضوة جديدة

ما أحب شكوى أمي المستمره/استوفى الرد

السلام عليكم و رحمه الله و بركاته

أخواتي موضوعي أعرف أغلبكم راح تلوموني فيه بس لازم أطلع اللي في قلبي
أكره تصرفات أمي , و شكواها المستمره عن رجلها و ركبها و تشكي للناس و كذا
و ما أقدر و أسمع الكلام مكرر 1000 مره خلاص حفظته , بدل ما تقول الحمدلله فيه
ناس حالتهم أسوء مني هي لا بس تتشكى , و كأن الشكوى راح تفيد او تعالج شي , الشكوى
للناس مذله و لا تسأل حاجتك عند الناس لان حاجتك عند الله ... أمي أرمله و توفي أبوي من فتره
أحيانا تفقد نفسها للحياه و تقول أرتاح أبوك و أريد ألحقه بترتاحي مني و انا خربانه و متكسره و عجوز
ووووو ... تعبت من هالشكوي و لما أخبر أخواتي يقولن صبري لصبر حدود و يقولن ماراح تحسي
بقيمتها إلا بعد ما تصيري أم ..!

كان قبل تأخذ دواء عن الرجفه و كان يعمل لها هلوسات كنت أكره أيامي و جلوسها بغرفتي ما أخذ
راحتي فيها أبدا مث قبل , و تقوم تصرخ و تنازع أقوم أنا فزعانه و ما يجيني نوم و علي دوام
أحيانا أتجاهل تناديني أتجاهلها تعبت ليش أتحمل أحس نفسي بجن معاها الحمدلله لما تركته راحت
هالتهئيات , كنا مفكرين فيه حسد أو سحر لا سمح الله و الحمدلله طلع بس من تأثيرات الدواء ..

تقول ليش ما تخبريني , أنتي مخبيه شيء علي .. بصراحه ما أرتاح أكون قريبه منها و اخبرها
اللي يصير معي , مباشره الخبر عند أختي الكبيره ..! , أنا أنسانه كتومه و أحيانه أحس اني ما أستحق
حنانها و لا خوفها علي , و أفضل أني أكون بعيده و أكتفي بالعلاقات السحطيه حتى مع الناس , أحس أني عاقه , و بنفس الوقت أقول مثل ما أنا أراعيها لازم تراعيني , أفضل أجلس أحيانا لحالي أفكر

لكم حريه قول أي شي , سمعت الكثير من الكلام الجارح ..

13K

هذا الموضوع مغلق.

اسأل الله الثبات • 10 سنوات

الله يشفي امك ويعافيها ويفرج همك

متى يتحقق منايا • 10 سنوات

حرام هذا أمك وكبيرة ،،،،وفي ناس كذا طبعهم يشتكون على طووول ،،،،اصبري واصبري عليها ولاتخليها تلمح الطفش والزهق في وجهك ،،،،

بلوزة • 10 سنوات

الله يشفي امك ويعافيها....وإذا تشكت عادي خليها تتشكى لين بكرة...اهم شي راحتها

ولاتنسين لمى كنتي صغيرة تحملت بكائك وازعاجك ...وتوصخين الله يكرمك ويكرم لقارئين وتروح تغسلك وتنظفك وهي مبسوطه ماتشكت ولاتضايقت

اغلب كبار السن يتشكون..احيانا البنات الصغار يتشكون ويدلعون كيف كبار السن...

ورضا الله في رضا الوالدين

امى جنتى • 10 سنوات

اصبري والله لوتشوفين صبﻻك ببناتك احسنى اليها هى من حملتك وهى من اطعمتك اسئل الله ان يشفيها ويهديك لبرها بالتوفيق اختى..♡

جامعية ذوق • 10 سنوات

هاذي امك ..ونتي طفله كنتي تجين تشتكين لها لما تتمرضين ولما يضربونك الاطفال..لاتعبتي ونتي طفله سهرت عليك ..هي صبرت عليك ..اصبري اصبري ..اقلها ردي لها الجميل ..حتى انا امي تجيني وتشتكي واقول لها كله بأجر..وناحزينه ومهمووومه وداوم وخواتي الله يهديهم حاطات كل الحمل على راسي وعادي صابرة ذي امي وحبيبتي ودنيتي اغلى من كل البشر ماهمني شي اهم شي رضاها وراحتها ..الله يهديك ويصبرك لاتزعلين من كلامي ي الغاليه ...