ما أدري تنفع هالطريقة أو لا ؟؟

السلام هذا أولاً

وثانياً عندي طريقة بس ما أدري أخاف وحدة منكم تطلع لي وتقول لي هذا نفاق والله هذا كذب و.. والخ من كلام ..

أنا أقول هالقصة بعد ما قالت لي اياه صديقتي .. وحسيت لحظة اشكثر صديقتي حكيمة ..

.
.
.

تعالو اقول لكم القصة ..

.
.
.

أم صديقة بينها وبين زوجة أخوها مشاكل ..

مالها أول من آخر

وصديقتي لاعت جبدها من هالمشاكل .. لا تقدر تروح بيت خالها .. ولا بنات خالها يقدورن ييون بيتهم ..

قامت صديقتي .. قالت حق أمها ترى فلانة( زوجة خالها واللي متهاوشة معها أمها) اتصلت فيني وقالت لي إنها شكثر تحبج ومدحت فيج اشكثر وقال كل الكلام الزين عنج ..

ونفس الشيء اتصلت حق زوجة خالها وقالت لها إن أمي اشكثر تحبج ومدحت فيج وتقول عنج كل الكلام الزين .. وتنعت في تربيتج حق عيالج .. والخ من أمور زينة ..

كل وحدة فيهم تشققت من الفرحة ..

ومن بعدها صارت علاقتهم بعد ما كانوا عدواة صاروا صداقة وكل ويا بعض ..

هل يصلح نطبق هالطريقة مع شخصين ندري إنهم ما يحبون بعض والله بينهم مشاكل ؟؟!!

أعتقد إنها طريقة حلوة .. في تصليح العلاقات الإجتماعية مع اللي نحبهم

والدتج مثلاً مع زوجج

خالتج ام زوجج مع والدتج