يابنات تذكروا الآية هذي : ( فَمَنْ عَفَا وَأَصْلَحَ فَأَجْرُهُ عَلَى اللَّهِ }

سامحنهن لوجه الله سبحانه وتعالى يمكن تدخلن الجنة بسبة هالمسامحة


أنا عن نفسي يوم كنت برابع معلمة الرياضيات كانت تقول اكتبوا هالقاعدة واحفظوه
وأنا لا أحفظ ولا أكتب ليش لأنه مافكرت تسمع ولا تشوف الدفتر
مرة فجأة قالت لبنت جمعي الدفاتر وحنا تقريباً بنص المنهج يعني كل اللي قبل ماشافته الأخت
وأنا ماكاتبت إلا يمكن أربع قواعد بس كانت تصحح آخر الحصة الثالثة بالفصل الثاني صفرت
وطلعن البنات فسحة وقالت لبنت ادعي فلانة ودعتن وأنواع الخوف��
قالت ليش ماكتبتي القواعد وما أرد لو بقوله أصلاً مافكرتي بهن كان وش بيجينن
وتعيد كلامه ولا أرد وهي وتقول طيب سمعي شوفي
القاعدة مكتوب عنده حفظ ليش ماتسمعين؟؟
تبدأ تعطي كفوووف وتشد الخد بعد والله إني كنت هادية بالحيييل
ومستواي زين الحمد لله بس عنده بالرياضيات وسط بس هدوء البنت لو أنا مكانه يشفع له
المهم يوم خلصت من كفوفه وهي تقول بكرى إن شاء الله أشوفه كااامل تفهمين؟؟قلت إييه وأنا
أبلع سعابيلي أبي الفكة�� نزلت بتفسح والله الأكل ينشب بالحلق مايروح للمعدة خلاص شوي وأنفجر
خصوصاً إني ما أحب أصيح قدام الناس وبنت تسألن وشبك وشبك و أهز رأسي مابي شيء��
كتبت القواعد وماسألت عن الدفتر الظاهر من بكرى جت بعد يومين شكله نستن
وهي تقول لبنت اجمعي الدفاتر وصححت الدفتر وكان فيه لعبة انسان حيوان جماد ماقطعت أوراقه
والبنت تجمع الدفاتر وتشد دفتري بتاخذه قلت له رجعيه ياحبي لك بقطعهن قالت لا وتضحك الله يسامحه هالبنت
وللعلم للحين تدرس معي وبقاعتي بالجامعة بس مسسامحته بزران كنا
جت جابت الدفاتر وتشوف لي قالت هذا دفتر للواجبات مو للألعاب قلت الله يستر إذا ماجتن كفوف بعد بس لا الحمد لله سلمت
هذي مسسسستحييييل أنساه وياااارب تكون هنا بالمنتدى وتذكرن يارب يارب خصوصاً
بس مرتين الحمد لله تلفعت المشكلة إني حلفت ما أسسسامحه و والله ودي أسامحه
بس يصير علي كفارة أنا أبي اللي عند رب العالمين ومو عشانه
طبعاً أمي ما درت بالسالفة إلا العام ماودي أقول لأحد كنت مجررررروحة��

ونكون منصفين والله فيه بعض المعلمات تحسين إنه أمك
أبد والله العظيم فيه معلمات حبيتهن من كل قلبي لنقاء قلوبهن الله يجزاهن عنا كل خير
بس ألحين للأسف انقلبت الآية بدن البنات يتلفظن على المعلمات ويقللن من شأنهن عيييييب

سبحانك اللهم وبحمدك نشهد أن لا إله إلا أنت نستغفرك ونتوب إليك

قلبتي المواجع

الله المستعان
كلنا عانينا من مدرساتنا زمان
حتى المتفوقات لهم أثر في أنفسهم من قسوة وظلم بعض المدرسات
صراحة بشكرهم أنا من كل قلبي ب
قبل الشكر أقول منتم مسموحات وأتكلم عن نفسي
منتم مسموحات حاولت والله أسامحكم
عيت هالنفس تسامح ماأدري ليه
قسم عجزت قسم عجزت ،،،الله يسامحني

شكراً على كل دمعة ذرفتها عيني بسببكم
شكراً على كل لحظة خوف عشتها بسببكم
شكراً على كل قسوتكم وظلمكم وجبروتكم في حقي وحق كل بنت شفت قسوتكم عليها
شكراً على كل كف عاش فيني من لحظة من خذيته لهاللحظة
شكراً على القهر وحرقة القلب اللي حملتها معي سنين عمري
شكراً لكم


حسبي الله ونعم الوكيل

في المقابل
كل الحب والإحترام والتقدير والإجلال لمدرسات عاشوا فيني للحظة ذي
ومستحيل أنساهم
ويشهد الله إني أحبهم
لأنهم أعطوني حقي كإنسانة وتعاملوي معي كبشر
بالحب والابتسامة والمدح وطيبة النفس والسماحة
ربي يطول في عمري من هي فيهم على قيد الحياة والله يسعدهم ويوفقهم ويبارك لكم في عمرهم وعلمهم وعملهم وذريتهم ويرزقهم من خيري الدنيا والآخرة

أما من كانت سببي في ممارسة التشبيح وهذا أقل وصف ممكن ينوصفون به مدرسات زمان
فالله حسيبنا نعم المولى ونعم النصير

وأقول لبنات هالأيام
حبيباتي احمدوا الله إنكم ماعشتم زماننا كان صح تكرهون الدراسة والمدرسة وسنينها
أعوذ بالله قسم كأني كنت أسوق نفسي للموت سوق بسببهم وشايلة هم مايعلم به الا الله بسببهم
وعلى أعصابي بسببهم
ياربي اش هالحياة اللي كانوا معيشاتنا فيها ،،،خوف من أول حصة لآخرها
إن ماكان من المدرسة فهو من المديرة
وإن كان ماهو من المديرة فهو من الاداريات
خير خير خييييييير
والله أنا أحترم عقلي إنه مازال محتفظ بالشوية اللي فيه

ياللا مآسي في مآسي
العوض إن شاء الله ببناتنا وأولادنا
ومدرسات هالأيام ،،، لاتصيرون نسخة من مدرساتنا زمان
أدري إني طولتها وكثرتها
بس لو ماردت الله أعلم اش كان راح يصير فيني
فيني بركان غضب وفرغته بذا الرد
مع السلاااااااااامة