اختي ان ما تعانيه هو من قلة الثقة بالنفس صدقيني اهم شئ تكوني واثقة بنفسك وانسي شكلك انا عايشة هان في بلد اوروبي والله اللي يعجبني فيهم انهم ما يهتموا للشكل زي في بلادنا وبتلاقي سبحان الله واحد زي القمر ومتجوز واحدة يعني الواحد ما بيقدر يتطلع فيها او العكس طب ليش لانهم بيهتموا باشياء اكثر اهمية وبيكون كل واحد واثق من نفسه وله شخصيته المستقلة وما بيهتم هذا ايش بيقول عني حلو او لأ زي تفكير البعض في الدول العربية
المهم اذا ما اقتنعتي وما قدرت تتخلصي من هذه العقدة فحاولي اللجوء لعمليات التجميل لتجميل الملامح التي تظنين انها السبب في نفور الناس منك والذي اعرفه ان هذه العمليات منتشرة وتجرى في نفس اليوم
تمنياتي لك بالتوفيق

انا يا أخت متمردة متأكدة ان شكلك مو شين للدرجة هذي ..... ويمكن ماحد ينتبه له.. بس انتي باين كبرتي الموضوع وخليتيه شغلك الشاغل ..... حتى وصلتي للي انتي فيه الآن .....

عموما انصحك ان تكونين واثقة من نفسك .... ولابد يكون فيك اشياء حلوة حاولي تبرزينها وتشدين انتباه الناس لها ..مثلا تفوق في التعليم او اي مهارة او فن ...فالجمال ليس كل شيء
.........................
واذا استمرت حالتك فلا تترددي في الذهاب الى اخصائي نفسي مشهور

اسأل الله تعالى ان يزينك وايانا بالايمان والخلق الحسن ...

السلام عليكم ورحمه الله وبركاته
اختي المتمرده ليش امعيشه عمرج في جو الحزن والتعاسه
حبيبتي لازم تعرفين انه انتي احلى واجمل في عيون الناس اذا عاملتيهم بالزين وكنتي طيبه وياهم وبعدين انتي تقولين انج ما تحبين تيلسين مع الناس ترا هاالشي يزيد من مشكلتج
حاولي تختلطين بالناس جربي على الاقل مره وحده زوري حد من اهلج وحاولي تثقين بنفسج وانسي سالفه الجمال..دوري على الاشياء الحلوه اللي فيج لازم بتكون فيج مميزات مب موجوده في بعض الناس واتمنى تغيرين نظرتج لنفسج.. ولا زم نحمد الله دوم على نعمه
والله يسعدج ويوفقج انشاالله
ابا اسمع اخبار طيبه عنج
:27:

ما شاء الله عليكم .. فرحتوني بتجاوبكم الله يسعدكم و يحققلكم كل أمانيكم
ــــــــــــــــ
مــــــــــــلاك2004
الرضا بالقضاء و القدر واجب لكن حالتي عبارة عن مرض والله أمرنا نتوكل عليه و ناخذ بالأسباب .. وهذا اللي سويته أنا آخذ بالأسباب ، يمكن مشكلتي أكبر من انها تنعرض في منتدى لكن انا جربت الاخصائية النفسية مع اني ما كملت معها لكن ما حسيت انها راح تفيدني ..
احيانا الانسان يشعر انه يبغى يفضفض و يقول اللي في صدره مهما بدى غريب أو شاذ ، مشكلتي عزلتني عن الناس و خلتني وحيدة ما عندي صديقات مقربات اقدر اصارحهم ، يمكن ما القى في المنتدى حل جذري لكن مجرد فضفضتي هذه أحس انها تخفف عني شوي ..
بالنسبة للقصة التي أوردتيها ما أقول الا الله يسعدهم و يوفقهم ، يمكن تستغربين كلامي يا ملاك لكن صدقيني ساعات أتمنى اني أكون مشوهة بسبب ظاهر و لا أكون مشوهة بسبب خفي لأنه هذه هي المشكلة اللي متعبتني .
مشكورة و ما قصرتي
والله يجزاك خير
ـــــــــــــــــــــــ
مع الايام
بالفعل أفكر أسوي عملية تجميل عشان أحصل على " تناسق " في ملامح الوجه لكن ما راح اقدر اسوي العملية ( اذا كنت راح اسويها ) الا بعد فرح اختي ، و خايفة من العملية لكن مثل ما قلتي أستخير والله يكتب اللي فيه الخير و يخلصني من اللي انا فيه و يفرج عن المسلمين أجمعين
شكرا لك
و ما قصرتي
الله يجزاك خير
ـــــــــــــــــــــــ
ام صيته
صدقتِ حتى الجميلة يتكلمون فيها ، لكن صدقيني يا ام صيته انا اللي يهمني نفسيتي تتحسن و تقوى ثقتي في نفسي و اتقبل نفسي ساعتها ما راح يهمني كلام الناس ، انا الحين لوحدي لما اوقف قدام المرايه ما اتحمل اطالع وجهي !!!!!! احس بالنقص و بالخوف و ابكي ، حاولت لسنوات اني اتجاهل شكلي و احتك بالناس ما قدرت ، كانوا دايما يعايروني بسكوتي و خجلي و ضعف شخصيتي ، و النفس عزيزة ما اقدر اتحمل سخرية و استهزاء ! يمكن انتي ما جربتي لما الناس يعاملونك على انك اقل منهم ! والله لا يحطك في موقف مماثل ان شاء الله ، بس انا اقولك انه موقف مخيف و راح يخليك تكرهين الناس و تنعزلين عنهم .
( الكمال لله ) ما اختلفنا و انا ما ابغى ( كمال ) ، المرأة بطبيعتها لازم تحس انها جميلة او على الاقل مقبولة ، و انا بكل صراحة ما اقدر اتقبل وضعي في المجتمع بين البنات اللي في سني ، احس اني مالي مكان بينهم .
مشكورة على مداخلتك
والله يحفظك و يوفقك
ـــــــــــــــــ
عصفورة الأحلام
مشكورة و ما قصرتي
راح اقولك نفس الكلام اللي قلته لملاك
صدقيني لما تكون المسألة مسألة ( حروق ) أو ( كسور ) أو ( شلل ) أهون بكثير من القبح الخَلقي ، على الأقل بالنسبة لي أحس ان الامر هكذا .
أشكرك و أسأل الله يسعدك دنيا و آخرة
ــــــــــــــ
nana balie
صدقتِ و بالضبط هذا ما أرمي اليه من وراء اختياري اسم ( متمردة ) ، و فعلا هي الخطوة المهمة اني اتقبل نفسي ، و انا تعرضت في طفولتي و من الاقارب للاسف الى استهزاء و سخرية على شكلي و طريقتي في الكلام ، وحدة من خالاتي الى اليوم ما اقابلها الا نادرا في السنة مرة لانها اكثر وحدة اذتني و حطمتني اكرهها و ما اطيق اسمع صوتها ! انا ما ادري كيف بعض الناس ما يستحون يحطمون نفسية الآخر ؟؟!!!!! و اختي هذي اللي بتتزوج كمان للاسف كل ما يحصل بينا سوء تفاهم و نتخاصم تبدأ تعلق على شكلي و هي عارفة انو هذا الشيء يؤلمني و بعد ما تنفس عن حرتها تجي تعتذر ! وش يفيد فيه الاعتذار ذيك الساع !!! يعني من ضمن الكلمات اللي تقولها لي ( انتي بخشمك ذا ! الخشم الكبير دليل الحماقة ! ) ، طبعا هذا ما يحصل الآن ، هذا كان يحصل زمان يوم كنا صغار ، يعني في السن اللي كان المفروض انهم يساعدوني ابني ثقتي في نفسي و اعزز شخصيتي كانوا يسون العكس و يحطموني و يستهزئون بي ! و الى الآن يستهزئون بطرق غير مباشرة ، دايما اتمنى اني ولد عشان اخرج و اسافر و اعيش لوحدي بعيد عنهم ، الحين ايش استفدت منهم ؟ عقدوني في شكلي ! نعم انا انسانة معقدة اعترف ، حياتي ماني قادرة اعيشها يمكن تشوفون السبب تافه لكن هذا الواقع ، حتى الزواج افكر ما اروحله ماني قادرة احس اني راح اتفشل .
سامحيني طولت عليك
لكني محتاجه افضفض و ماني قادره ارتب افكاري و كلامي
لا تؤاخذيني
شكرا لك
و جزاك الله خير
ـــــــــــــــــــــــ
ماوية
مشكورة و بالنسبة لعمليات التجميل فماني متاكدة من حكمها لكن حسب علمي ان التشوه اللي يأثر على نفسية الانسان للدرجة التي توصله للانطواء و العزله يجوز تعديله والله أعلم ، عموما أنا اذا عزمت على العملية فأكيد اني ماراح اسويها قبل ما اتأكد من حكمها .
اشكرك على مداخلتك و ما قصرتي
الله يحميك و يوفقك
ــــــــــــــــــــ
ساكنة القلوب
مشكورة و ما قصرتي
انا اخاف و ارتبك لما احد يطالع بوجهي ، نفسي اكون واثقة و اقدر احافظ على هدوئي و اقدر اطالع بثبات في عيون اللي يكلمني ، يعني لو اني قبيحة و واثقة في نفسي كان ما اهتميت ، لكن المشكلة اني اخاف و ارتبك و هذا مو بيدي ، اتمنى تكوني فهمتيني
الله يسعدك دنيا و آخرة
ــــــــــــــــــ
ام عتريس
صدقيني لو اني واثقة في نفسي ما يهمني لكن ..
مشكورة و ما قصرتي
والله يجزاك خير
ـــــــــــــــــ
معسولة
انتي فهمتيني ، بالفعل المشكلة اني ما أقدر أخبي تأثري من نظرات الناس و تعليقاتهم ، لو كنت اقدر أظهر كاني طبيعية و مافيني شي كان ما صارت عندي مشكلة اصلا ، و كنت عشت حياتي من احسن ما يكون ، لان الناس بمجرد ما تعرف انو الواحد خجول و لا ضعيف ما تتركه في حاله و تضايقه و تحرجه .. ، الاغلبية يعرفون عني اني خجولة و ضعيفة و هذا اللي يضايقني .
انا جلست مع نفسي و قلت لازم اثق في نفسي و اتخلص من مشكلتي ، حاولت اتقبل شكلي ما قدرت ، و يمكن السخرية و الاستهزاء اللي تعرضت له كثير هو اللي مصعب علي اني اتقبل شكلي هو اللي حطمني و افقدني ثقتي في نفسي ، عشان كذا احترت و ماني عارفة وش اسوي ؟ مشكورة و ما قصرتي
و لا تشيلين هم عشاني
تسلمين لمحبيك
والله يجزاك خير
ــــــــــــــــــــ
e7sas
مشكورة و ما قصرتي
امنيتي اني اقدر اتكلم مع الناس من غير ما ارتبك و لا اتلعثم و الخبط الكلام و انسى و اتفشل
بس ماني عارفة كيف احقق هذي الامنية
احس لما اتكلم مع الناس انو العقبة هي شكلي
هذا احساس لا ارادي
نفسي اكسره
نفسي انسى شكلي
تصدقين اني احيانا افكر البس شاش على وجهي و اقول للناس ان بشرتي محروقة او اي شيء اجيب لهم اي عذر ! بس شي يكون زي الحاجز بين وجهي و بين نظراتهم !
اكيد بتقولون عني مشكلتي مستفحلة و مكانها مو منتدى مكانها مصحة نفسية
لكن هل لمشكلتي علاج ؟؟؟؟؟؟؟؟؟؟؟؟؟
الاخصائية اللي رحتلها و ما كملت معها ما شجعتني ، احس انه مافي علاج " نفسي " لمشكلتي
و الصراحة اللي خلاني اكتب هنا هو حاجتي للكلام و سماع الآراء و التعليقات من ناس طبيعين مثلكم هنا في المنتدى ...
يعني احسن من اني أكتم في نفسي لاني معد اقدر اتحمل
مشكورة احساس و ما قصرتي
الله يجزاك خير
ـــــــــــــــــــــ
لانتيما
مشكورة و ما قصرتي
و النفس تمرض كما يمرض الجسد ..
الله يرزقك سعادة الدارين
ــــــــــــــــــــ
قمر O الليل
أشكرك على مداخلتك
نفسي انسى شكلي نفسي
الله يوفقك في حياتك
ـــــــــــــــــــ
بنت الشعبة
بالفعل انا لو اقدر اتغلب على مشكلتي ، يعني لو كان ما يهمني شكلي ، لو اقدر انساه لما اتكلم مع الناس كان يا سلام ، لكن كوني اتذكره و يشغلني معناته في الم و هذا مو بيدي ..
النفس مثل الجسد تمرض مثله ، يعني الحين الواحد لما شي في جسمه يؤلمه لازم يعالجه عشان ينتهي الالم مو يقعد يحاول ينسى الالم .. اتمنى تكونوا فهمتوني
مشكورة و ما قصرتي
والله يكتبلك الخير و يوفقك
ـــــــــــــــــــ
ورده بيضاء
صدقيني مو بيدي ، ما يكفي اني اخرج مع الناس عشان تنتهي المشكلة ، انا عشت مع الناس و احتكيت بيهم لكن هذا " لوحده " ما يحل المشكلة ، يعني كنك تقول لواحد مشلول : امشي ! ، لازم اتحرر من المشكلة عشان اقدر اواجه الناس و ما ارتبك و انسى علومي قدامهم
مشكورة والله يحفظك و يوفقك
ـــــــــــــــــــ

سامحوني يا بنات طولت عليكم
لكني أشكركم وحدة وحدة على وقتها اللي عطتني اياه عشان تقرأ و تعلق ، ما تتصورون فرحتي و سعادتي بردودكم من جد أثلجتم صدري ، يكفي انكم حسيتوا فيني و ما تجاهلتوني ..
ما راح انسى ادعيلكم ان شاء الله يسعدكم و يوفقكم ربي و يهنيكم في حياتكم

اذن نتفق الحين انو لازم اول شيء اتخلص من المشكلة بيني و بين نفسي ، اذا نجحت هذه الخطوة اقدر ساعتها اتخلص من المشكلة بيني و بين الناس ..

كيف اتخلص من المشكلة بيني و بين نفسي ؟
مع الظروف اللي تعرضت لها و اللي ما زلت اتعرضلها صعب لكن بإذن الله مو مستحيل
برغم اني حاولت لسنوات و ما خرجت بنتيجة لكن راح استمر في المحاولات
اول شيء الاعتماد على الله و الرضا بالقدر مثل ما قلتوا
و بعدين الأخذ بالأسباب


والله يوفقني و يوفق المسلمين أجمعين
لا تنسون تدعولي ......


صادق مودتي ..

متمردة

:27:

هلا والله ومليون مرحبا قسم بالله اني يوميا افتح على الموضوع ابغى اسمع ردك لانك ماتتخيلين وش كثر تالمت
من موضوعك اسمعي انا اعرف وحده خشمها كبير حتى قسم بالله ان جااتها عقده من الناس لاكن بعد فترة
استطاعت انها تتغلب على هذا الشي قولي معي كيف 1-قصت شعرها قصه تناسب وجها.2-المكياج 24ساعه
يعني بالعربي مااشوفها الا وحاطته.3-بين فتره وفتره تصبغ شعرها.4-جسمها اهتمت فيه وطلع روعه حتى
ملابسها اتغيرت.
فانتي حاولي اتغيرين من الشكل اللي اهو يعتبر ثاني شي والاول طبعا ان تلجئين الى الله واتغيرين الي في
نفسك واتحاولين اتعززين ثقتك في نفسك.
وشوفي يابعد عمري اعتبريني صديقه واخت وكل الي انتي تبغين وقسم بالله اني مااقول كذا مجامله او
رياء وبكذا اقولك انشاء الله ويارب اساعدك في الخروج من هالحاله .
اتمنى من الله انك تقرائين كلامي واتبشريني .