شوفي حبيبتي اولا وقبل كل شي توكلي على الله واحتسبي الاجر وبالنهايه هذا شغلنا ومسوؤليتنا ولازم نبتعد عن التذمر عشان ما يضيع الاجر .. ثانيا : شوفي نفسج انتي اذا كنتي واثقه من نفسج ومن قدراتك ( حتى لو كنتي نوعا ما تعبانه او مجهده ) وتذكري نفسج داااااااائما انه عندج القدره على مسك زمام الامور وانه باذن الله ما راح تستسلمي وانه هذا الشغل في البيت عااااااادي وسهل وبسيط ( هونيها وبتهون كبريها بتبكر ) يعني باختصار : خلج مسيطره على نفسيتج الداخليه انج قااادره وانه كل الشغل عادي( الثقه ) .
ثالثا : شوفي نفسج اذا كان البيت كبير والاطفال يحوسون بالمكان علميهم كل واحد مسؤول عن اي مخلفات يتركها وبعد التذكير مره ومرتين تبدا مرحله العقاب الخفيف مثلا : اللي يرمي لعبه يشيله يرجعها مكانها واذا تكرر الغلط وما التزموا خذي اللعبه ودسيها كنوع من العقاب - اللي يرمي كتابه او اي غرض خاص فيه اذا تكرر الغلط شيلي الكتاب وهكذا بيصيروا يتعلموا انه اغراضهم الشخصيه ما تظل متكركبه والا بتروح منهم.. ونفس الشي بالمطبخ اللي ياكل شي يرجع الصحن على المجلى والاكواب وغيره .... الخ
بخصوص التنظيف والتنظيم خصصي يوم بالاسبوع للغسيل او يومين مثلا الثايب البيضاء يوم والملونه يوم وباخر الاسبوع الشراشف والفوط الخ ..وطبعا تخصصي يوم بالاسبوع للكوي وبالنسبه للكوي وانتي تنشفي الملابس بعد الغسيل ( تنشريهم ) علقيهم بعلاقات الملابس على المنشر << تسهل الكوي وممكن ما تحتاجي للكوي بعد بخصوص الفوانيل والملابس البيتيه ..
بخصوص المطبخ تعودي على نظام الفرزنه وهذا يشيل من الجهد والتعب ويخلي الطبخ اسهل : شوفي مواضيع الفرزنه بالقسم
وانتي بالمطبخ حاولي تخلصي كل يوم شي معين يعني يوم رتبي درجين مع فتحه دولاب بالاغراض الي فيهم وبكرا درجين وورا بكره درجين على نهايه الاسبوع بيكون المطبخ كامل مرتب داخليا وبيبقى المسح الخارجي وهو من الاعمال اليوميه .
حطي داخل سله الزباله وانتي بكرامه جريده قبل وضع الكيس ( تمتص السوائل والروائح ) بدليها دوريا مع كب الزباله << يسهل عمليه تنظيفها
سفطي اكياس المقاضي بشكل مرتب يسهل استخدامها وقت الحاجه - خلي الثلاجه مقسمه بحيث يسهل الوصول للاشياء يعني استخدمي سلات لحفظ الخضار والفواكه ..
الحمامات وانتي بكرامه اغسليها كل 3 ايام غسيل كامل ( الجدران والاحواض والمغاسل ولا تنسي مره بالاسبوع تحطي منظف البلاعات عشان الروائح )* وباقي الايام حطي مرش فيه ( كلور - ماء - لينور -ديتول ) وخليه بخي كل ما دخلتي الحمام وامسحي .. وانا استخدم مناديل التنظيف الرطبه امسح المغاسل والاحواض يوميا على السريع والارضيه شطف بماء وكلور وديتول ومسح بس .. واستخدمي كور الروائح بالحمام عشان الريحه وداخل السيفون حطي المكعبات الخاصه بالتعقيم ( انواع منها كلوركس )
هذا اللي يحضرني وان شاء الله البنات ما بيقصروا..
دعواتج لي بالحمل السليم المعافى والولاده الميسره وصلاح اولادي
الصفحة الأخيرة
اللي سوى اندومي يخمر الطوى ويرمي الكيس في مكانو مايستنى حدا ينظف وراه عوديهم .. مرة طنشي ومرة ذكريهم ..
اللي سوي كاسة شاي بس لما يشرب الكاسة يوديها المطبخ بالحوض مايحطها عالمجلى عشان يكون منظر المطبخ عالاقل رايق ..
وافضل حاجة لكي انو تسوي تعزيل غرفة غرفة ...
يعني تمسكي الصالة وتعزليها من كل حاجة زايدة هنا ولا هنا بصير حتى الاغراض الموجودة واللي مكركبة الصالة لما ترجع مكانها كل شي يترتب لانك معزلة ..
المطبخ اختاري يوم ماتكوني طابخة فيه ورتبي داخل الخزن .. يوم تاني مسح خارج الخزن .. بعد كده مسح المرطبانات وتشوفي البهار الكويس خليه واللي قدم كبيه .. بعد كده يوم للثلاجة .. اكياس السميد والجوز هند والمكسرات والطحين حطيها بدرج التلاجة استخدمي تبوريرات هادي للفاكهة وهادي للخضار .. افرشي نايلون في كل ضلفة بالثلاجة .... يصير لما تنظيفها لبعدين يكون اسهل .. ماتاخد منك وقت ..
اذا حابة المطبخ بدو شغل كتير جيبي الشغالة اللي تيجي يوم بالاسبوع ب4 ساعات .. وحدديلها مثلا تنظف صالتين وحمام والمطبخ ..
مرة ثانية غرف الضيافة والبلكونة والحمام والمطبخ ..
لان شغل البيت يخلص الا المطبخ .. والله يوفقك يارب .
انا صراحة برضو كل يوم في بالي اسوي غرفتي لكن اكسل اقول بكرة وبعدو لاني ناوية اعزلها ان شاء الله ادراج وخزانة وجرايد
شجعتيني الصبح بسويها ان شاء الله .. لانه نومي متلخبط وصراحة مااحب ارتب الا وقت الصبح يكون هدوء والتعب مايروح تفرحي على البيت انه تنظم وغير كده يكون الوقت فيه بركة ..