.......

وعليكم السلام ورحمة الله وبركاته


البيت الكبير، لابد افراده يتعاونون لو كانوا شباب !
خلي عيالك الكبار ، بالتناوب عليهم كنس الصاله




انا اخوي شاب ومن سن المراهقه حريص على تنظيف غرفته "حسب مدح امي "
وحقيقه مدح امي هو اللي أثر عليه ، فحتى الان وهو ابو ٣٤ اللهم بارك حريص على نظافة المكان بعده




واذا جونا ضيوف !!
نلاقيه ماخذ المكنسه يكنس مجلس الرجال
الامر عادي ..


---
فالتنظيف اليومي / غرفهم / الصالات ارضياتها وترتيبها خليها عليهم ..
وكل واحد ينظف اللي عقبه بالاكل ..


--


اما باقي البيت فالغرف الاساسيه ، ( غرفتك ، وحمامك ، الصاله ، المطبخ )
حطي لكل غرفه يوم ، ونظيها تنظيف عميق ، بتاخذ منك ساعتين فقط بالكثير
تمام ؟؟


شغلي محاضرة دينيه واسمعي خلال الشغل ، او درس علمي ..
والوقت ماشي ، او حتى قران ورددي معه لين تخلصين🌟


..
خلي يوم خاص للثلاجة والفرن ..
وعموما كلما كان بيتك نظيف كان تنظيفه سهل
التراكم هو اللي يعسر ..
--


طيب .. في غرف ماتستخدم دايمًا ، مثلا الصاله اللي فوقيه تكون زي الممر !
نظفي مره بالشهر تنظيف عميق
الدرج اللي يودي للسطح ..
--
في اماكن مو سلسه ، زي تحت الاثاث ، الستاير ، الكنب ، السجادات وتحتها
هذي مره كل ٦ شهور


-----------------------
ويعتبر هذا النظام الحد الادني في التنظيف ⭐️🌟
يعني لاتنزلين عنه ابدًا ..
ولو كنتِ مريضه ، استعيني بأحد يساعدك

كل يوم راح اجيب الشركة ؟