ما اصبر على شيء

اختي الهديه المغلفه انا بعد كانت عندي هالمشكله المتفاقمه <<<حلــــــــــــــــوه

المهم والسبب اني اذا قمت الصبح احرم نفسي واصبر لين المغرب احيانا
وبعدين يجيني جوع غير طبيعي واخرب الدنيا اللي فوق لتحت واللي تحت لفوق ههه

صرت اذا قمت الصبح اشرب كاس حليب وبيضه واكمل لحد المغرب على الماااااااااء

وبالنسبه للمدرسه خلي بيدك دايم قاروره مويه اشربي وشاركيهم الشرب :)

او اشتري لك عصائر بدون سكر وخليها للمدرسه

والله معاك :)

عادي كل واحد وزنه زايد عنده هذي المشكله بس اللي صج يبي يخس راح تجيه الاراده وما يهمه الاكل ......... الشي الثاني ليش ما تشتركين بالمسابقات هني صدقيني شوي شوي تحمسين ويقل اهتمامك بالاكل والسالفه تبي لها صبر

جربي تنظمين تمشين على ريجيم فيه وجبات مو تحرمين نفسك طول اليوم حتى هالشي يخلي وزنك يثبت وماينقص
انا الأخصائيه سوتلي ريجيم خمس وجبات 3 اساسيه و2 وماتحسين بجوع عادي واذا تحبين اشربي نسكافيه كثير تراه يخليك تنسين الجوع

حبيبتي الهدية المغلفة انتي اذا تبين تضعفين لازم على طول تفكرين بالرشاقه يعني حطي هالهدف قدامج خليه هدف رئيسي في حياتج لأنه صج الرشاقه والصحه مهمه وايد للبنت وحاولي تتخدمين نظام السعرات صدقيني ما بتجوعين بس شوفي دليل السعرات الحرارية و حبي الأكل الي تاكلينه في اليوم بحيث ما يتجاوز 1000 سعرة وصدقيني راح تضعفين وما عليج من البنات في المدرسة اخدي اكل من البيت صحي ويشبع وعلى فكره الافطار ما يمتن ومهم جددددا صدقيني انا كنت نفسج ما عندي اراده بعدين من كلام الناس وتعليقاتهم صارت ارادتي حديد و قلت لازم اثبت اني اقدر اكون رشيقه ....هااااا تحمستي ولا بعدج:)

حبيبتي... حطي الرشاقة هدف، ولازم توصلين له، صدقيني بعدها بتتغلبين
على كل شيء... وفكري فيها... رجيم لمده شهر أو شهرين، بعدها راحة
لمدى العمر.. وحطي في بالج، في وقت الرجيم مافي شيء بيتغير حالـــه
يعني المطاعم عمرها مابتسكر، والأكل عمره مابينقرض... فكـــــري في
كلامي... وصدقيني بعدها بيتغير الوضع..