ما اعرف احط مكياج وعندنا عرس قريب امانه ادخلو يابنات

حبيبتي انا ماعرف مرة بس حبيت افيدك
حطي مرطب من بدي شوب في بشرتك
بعدين حطي خافي عيوب ع هالات العين اللي هو الكونسيلر وفي اي مكان فيه عيب او تبغين تخفينه
وحطي كريم الاساس اللي هو الفونديشن وارسمي حواجبك والكحل انا فاشلة فيه احط رسمة بسيطة جدا عشان ماتهور وخذي مسكرة تكثيف عشان تكثف رموشك
وحطي بلاشر مناسب للون وروج طبعا مايحتاج اعلمك
بالنسبة لي ماحب احط الظل ابد

فيه عندي ماكس فكتور حلوة ورخيصة من كونسيلر وفونديشن وبودرة الاضاءة والمسكرة مرررة حلوة
و عندك الكحل فيه من سان لوران وفيه شانيل مرة حلوة
الارواج الصراحة كل الماركات ارواجها مرة حلو بس اختاري اللون وحطي مرطب فيتامين E ع شفايفك عشان ماتشقق
احب ارواج ماك وارواج دولتسي جابانا

ثمة فرح? مشكوره حبيبتي ع الرد واستفدت والله

ياعمري اول شيء واهم خطوه لنجاح المكياج تهياين بشرتك لازم لازم
قبل المناسبه بيومين او 3 سوي تنظيف عميق ببشرتك ..
تغسلين بشرتك بغسول ثم تتعرضين لبخار حار بس مو تقربين وجهك لا يعني خلي مسافه اهم شي تحسين بالبخار بس مايلسعك قوة لان مو زين ع البشره
خلي البخار 5 د ثم امسحي وجهك من البخار وحطي سكرب ستيفز بالمشمش النوع اللي يفتح مكتوب عليه لان هذ1 لاحظت من تجربتي له انه يعطي نضاره وينظف من قلب طبعا خراط لايفتح ولاشيء بس تنظيفه وازالته لللخلايا الميته اقوي من العادي
بعدها تفركين باصابع يدك بنعومه ع وجهك ورقبتك ماعدا الهالات حتى شفايفك عادي سكربيها بشويش .. خليه من 3 الى 5 د ثم اشطفيه بمويا دافيه ثم فاتره .. وحطي ماسك ..
وانا افضل ماسك البيل اوف اللي ينزع يعني ..
اي ماسك حطيه ماحدد نوع بعدها خليه ينشف ثم انزعيه بشويش بعدها اشطفي بشرتك بمويا بارده لغلق المسم ثم رشي ماء ورد وجففيه بشويش واستخدمي مرطب ..
وخلال اليومين اللي قبل المناسبه رطبيه كويس ورشي عليه ماء ورد وحطي حمايه للشمس خاصه عند التعرض لحرارة او شمس
بيوم المناسبه سنفري وجهك قبل المناسبه بساعتين بسنفرة الناعمه اللي ماتخدش زي سنفرة كلين اند كلير الناعمه عشان لو فيه قشور غير مرئيه لك تنزل ..
بعدها حطي ماسك ..
وبعدها ازيليه وحطي مرطب ..
اجلسي ساعه ثم حطي برايمر ( بيس )
استخدمي نوع جيد انا ارشح لك برايمر دييغو دالا بالما موجود بمحلات المكياج الكبيره
وزعيه كويس ..
انتظري 5 الى 7 د عشان يثبت زين وتتشربه البشره .. وظيفة البيس يكون وقايه بين البشره والميك اب عشان الميكب لايخرب البشره .. يثبت الميكب عشان مايتمسح ولايتشقق ويخفي الحفر والندوب والمسامات بالعربي يخلي بشرتك مخمليه
ثم ابدي حطي الاساس ..
بما ان عندك مناسبه ارشح لك اساس ماك ستيديو فكس
وزعيه بفرشه لان هو سايل مانصحك بالاسفنجه لان بتمتصه
بعدها لين دمجتيه كويس ثبتيه ببودرة وانا احب بودرة قيرلان جميله جدا تعجبني ومناسبه للسهرات وتثبت الاساس عدل وتعطي لمسه مخمليه للبشره
بعدها ارسم حواجبك اذا مبتدئه بقلم محدد حواجب وادمجيه كويس حاولي تشوفين مقاطع يوتيوب فيه لرسم الحواجب
واذا تعرفين ترسمينها بالفرشه يكون افضل استخدمي جل حواجب انستازيا او ايلف كلهم حلوين وخذي الدرجه اللي تناسبك يعني نفس لون شعرك او بني غامق لو لون شعرك اسود
بعدها حطي شادوو وحاولي توزعينه زين مايكون ملطخ ارشح لك اي شادوات نيكد 2 و3 حلوين
ثم ارسمي عيونك بالفرشه او فيه كحل ذا بالم اسود فاحم ثابت مايسيح وجميل ممتاز وبيعطيك نتيجه حلوه وانا احب رسمة الكحل من فوق فقط او الكات ايز
بعدها كحلي جوا عينك بكحل نيود ( يعني بيج ) عشان يعطي كبر للعين ويجملها

كحلي خط الرمش السفلي بلون مغاير للاسود ومناسب للون فستانك والميك اب يعني زي كحلي نيلي درجات الاخضر او البني
وفيه الكحل اللي يجي لماع برضوا نقي درجه مناسبه وحطيها
بعدين جيبي كحل القلم الاسود وكحلي جوا عينك بس مو تحت لا من فوق يعني جوا الجفن ع خط الرموش العلويه عشان يعطي كثافه للرموش
بعدها جيبي مسكرا تطول وتكثف الرموش ..
انا احب ريميل اللي لونها احمر تكثفها وتطولها تخليها كاني مركبه رموش .. او ماسكارا الوبريه برضوا حلوه ..

وحطي المسكار ع رموشك العلويه طبقتي او 3 لاتكثرين عشان ماتتلطخ وشوي حطي ع الرموش السفليه مجرد طبقه خفيفه

اخر 3 خطوات جيبي بلشر مشمي او وردي هادي او البلشر اللي يناسب مكياجك \ بلشرات ماركة ايلف جميله جدا ومتوفره هالالوان عندها
وحطيه ع عتفاحة الخد بفرشه بس حطي طبقتين لاتكثرين

بعدها ارسمي شفاتك بمحدد وحطي روج اللي تبينه

اخر شيء جيبي اضاءه
بحط لك كذ1 نوع
اضاءة ايلف منها 3 الوان ع بيج وع برونزي وع وردي
انا دايم استخدم اللي ع بيج وترا رخيصه ب 40
او اضاءة ماري لو من ذ1 بالم هذي غاليه تقريبا ب 100 وشي

او اضاءة بنانا الصفرا ب 80
حطي شوي تحت الحواجب
وشوي ع تفاحة الخد وشوي ع ارنبة الانف
وشوي بين الفجوه اللي فوق الشفه

اخر شي جيبي مثبت مكياج انا استخدم ماك فكس بلس وارش منه هذا يثبت المكياج
ويعطي مظهر ديوي رائع


وبس

انا حطيت لك خطواتي بالميكب مو ضرووري تجيبين كل هالاشيء
بس الاساسيه تجيبين برايمر واساس وبودره وشادو وكحل ..
يعني مثبت المكياج فكس بلس ترا مو بالضروره ..

اتمنى شرحي واضح لك اي حاجه ممو واضحه استفسري واوضح لك اكثرر..

بسالك الكونسيلر اخذه اغمق من لون وجهي اللي احطه تحت العين وفي الاماكن اللي فيهها عيوب ولا اخذ افتح مني بدرجة