موضوع رائع ويستحق التميز
والله أنا بديت أشيل هم الرجعة على اننا باقي لنا وقت ان شاء الله
لكن من تزوجت وأنا برا وحتى لما أرجع أٌعامل على اني مغتربة يعني فترة قصيرة وراجعة
والكل يقدر ظروفي الله يجزى الجميع بالخير
لكن الرجعة النهائية لازم نتهيأ لها ونعرف وش بيواجهنا من زين وشين
أنا أشوف ان لها إيجابيات كثيرة رغم وجود بعض السلبيات أكيد
أهم الإيجابيات هي:
القرب من الأهل وفرصة للواحد يبر بوالديه ويصل أهله ويصير جنبهم في أفراحهم وأتراحهم ..!!
مجرد اني أفكر بقربي من أمي وأبوي وبقية أهلي يخليني أشتاق للعودة السريعة
لا مجال للمقارنة في هذه النقطة من وجهة نظري
بالنسبة للقرب من الزوج .. أعتقد ان الوضع بيختلف كثير في الوطن
خصوصاً في الفترة الأولى بيكون الموضوع صعب السيطرة عليه
لكن بعد الإستقلال والإستقرار بترجع الأمور زي ما كانت ان شاء الله
تربية الأولاد
يكفي انهم بيتربون في بيئة إسلامية وحتى لو قلنا اننا برا نحرص عليهم أكثر
ونتمسك بالدين أكثر، لكن وجودنا في مجتمع إسلامي يسهل علينا المهمة بحول الله وقوته
وما دام اننا تأقلمنا بسرعة في الغربة وهي الأصعب ، فحنا ان شاء الله راح نتأقلم أسرع في الوطن
وبتصير الغربة ذكريات حلوة فقط، وان شاء الله ما نتمنى الرجوع لها
المهم في الموضوع اننا نحاول دائماً نستحضر نعم الله علينا
ومثل ماقلتي يالغالية يجب أن نرى الجزء الممتلئ من الكأس
و حبيت أختم بكلام خير المرسلين فقد قال عليه أفضل الصلاة وأزكى التسليم:
"من أصبح منكم معافى في جسده آمنا في سربه عنده قوت يومه فكأنما حيزت له الدنيا بحذافيرها"
الراوي: - المحدث: الشوكاني - المصدر: فتح القدير - الصفحة أو الرقم: 2/44
خلاصة الدرجة: صحيح
موضوع رائع ويستحق التميز
والله أنا بديت أشيل هم الرجعة على اننا باقي لنا وقت ان شاء الله
لكن...
انا راح احكي عن تجربتي وممكن تكون مختلفة شوي لاني تقريبا طول فترة زواجي مغتربة ياداخليا او خارجيا مالي في الرياض الا اربع سنوات فمرة فرحانة فيها وبالجمعة والاهل عقب ايام الغربة ...وبما ان للغربة محاسن منها الاعتماد علي النفس وتعلمك كيف تكونين ست بيت سنعة عقب دلع الاهل والشغالات والخصوصية بين زوجك وعيالك وعدم تدخل احد في اختياراتكم ومشاكلكم وطريقة تربيتكم لعيالكم الا انها لها مساوئ كثيرة اهمها بعدك عن حضن امك اذا ضاقت الدنيا في وجهك،اخواتك ووقفتهم جنبك اذا احتجتي ابسط شي، فزعت اخوانك اذا احتجتي لهم، هاذي كلها ماتتعوض بالدنيا انا في غربتي الاخيرة زوجي سوا عملية بسيطة وابني الصغير كمان سوا اسنانة بتخدير كامل مع ان عندي صاحباتي وزملاء زوجي ماقصرو معنا ابد وكانو زي الاخوان واكثر الله يجزاهم كل خير بس لما كلمتني امي ماقدرت امسك نفسي حسيت اني ضعيفة مرة مع انو ولدي وزوجي طيبين مافيهم الا العافية بس امك واهلك غير ......
الوحدة لما ترجع تحاول انها تاخذ الشي الحلو من الغربة بحيث انة يمشي مع ظروف مجتمعها زي ماذكرت اوليف اويل ربي يسلمها الابتسام والمساعدة الصراحة انقهر لما امشي في سوق ومحل في امريكا وكل واحد يناضرك يبتسم لك ويسلم واذا احتجتي مساعدة بسيطة يخدمك فيها واحنا هنا الله يهدينا اذا احد ابتسم في وجة واحد مايعرفة قالو وش يبي ذا مع انها سنة عن الرسول صلي الله عليه وسلم ....
.انا توقع انو الاندماج بعد الغربة سهل بس يبيلة متابعة علشان ماتنسين الاشياء الي استفدتيها ولا تخلين المجتمع الي حولك يغيرك عن شي انتي مقتنعة فية بس الي مايعجبني انو الواحد يكرة بلدة وشعبة علشان بلدغربتة وانه حبها اكثر ..
ادري طولت حكي بس معليش تحملوني.....