اليوم بسوي أعواد الدجاج بالسفن آب:( اخذته من وحده من العضوات)جدآ رائع لاني جربته.
أمس كان مشخول دجاج. مع سلطة زبادي..
واللي قبله سباكيتي باللحمه المفرومه. مع سلطه فتوش..
واللي قبله كبسه حمرا بالرز الامريكي..
وان شاء الله التزم معاكم عالجاي.

اختكم ام شــــــــــــــوق:26:

بسم الله

امس غدانا برياني سمك هامور + رز ابيض وسمك مقلي ودهن والحلو مشمش

اليوم رز ابيض ودجاج بالفرن وصالونة خضرة + فريكة دجاج + مجدرة برغل مع الروب يم يم

نسيت اقولكم غالبا على الغدا او العشا بطاطس مقلي
والتنويع يكون دائما في العشاء ...اجرب منها اطباق منتدى حوا ...اذا كان عندي وقت
ومرات الشغالة تسوى
معكرونة بالباشميل __كوسا بالباشميل _ مكرونة اسباجتى بالصلصة _ معكرونة صينية _ كشري _ كرواسون بالجبن _ ومرات اكل من برا امس كان بيتزا ....يعني كله حسب الظروف ..لان الطقس متغير فالمزاج يتغير

السلام عليكم
مشاء الله على الافكار الحلوة التى تطلع منك روعة اتا احب اعمل الاكلات الشعبية مثل المجبوس المربين التشريب عادى على حسب الظروف ولازم كل اليوم مع الوجبة سلطة واستغنى عن الحلو لان ارجع من الدوام متاخرة واعملة فى يوم الاجازة اما العشاء احب اعمل معكرونة والصوانى والمحاشى حسب رغبة اعيالى :26:

السلام عليكم .. تسلمين ياام تامر على افكارج الحلوه .. انا احب اسال اخواتي في البيت شو اتحبون تاكلون باجر وناخذ بالاجماع هههههه اكثر ايام الاسبوع نفضل السمك على الغداء ولازم الرز كل يوم على الغداء ..
اليوم اتغدينا صالونه سمك مجفف رهيبه مع رز ابيض وسلطه خضراء والعشاء صينيه دجاج بالفرن بخلطه رهيبه مع سلطة الطحينيه...
باجر انشاء الله صيادية سمك مع تبوله ... والعشاء ..والله ماشي في راسي اكله محدده ... الله يحينا ...
مع تحياتي
المهيريه

رويم
الف شكر عمري على الطبق الحلو:27: :26:

ام شــــوق
مشكوره عمري على ردك وعلى فكره انا جربت طريقه الدجاج بالسفن وبالفعل شيء طيب ومرتب

MISS_CHEF
ماشاء الله عليك صاحبه همه طبخ بالليل وبالنهار الله يعين نحنا عكسكم بالغدى منعمل طبخ لكن بالليل منتعشى نواشف مثل الفطور يعني ساندوش جبنه او لبنه مع كبايه شاي او فاكهه

هناء_الكويتيه
الله يعطيك العافيه بس بيني وبينك احلى انك تعملي الحلى مره بالاسبوع عشان اذا تعودتي تعمليه كل يوم مصيبه لاجسامنا من غير شيء رايحين بالعرض من كثر ما منعمل حلوايات هههههه
واذا مافيها ازعاج ياريت تعطينا طريقتك بالمجبوس المربين ؟

المهيرية
وعليكم السلام ورحمه الله وبركاته
الله يسلمك عمري وجيتي على الوتر الحساس انا من عشاق السمك يم يم يم
:26: