ما تدرون ؟ رحت البر انا وانتوا <<<ابوك ياتسخين خخخخخخخخخخخخخ

ونركب الموتر...
طبعاَ انا السوااااقه<<اللي مو عاجبها لا تقراء >>اخس ياالاخلاق الشينه انطمي وكملي ..
مياسه مشخصه بجنبي ..اميرة الاحساس + ذكرى +شموخ +العيووووون في المرتبه الوسطانيه
ام العيال +دلع الحبايب +شيخه في المرتبه الاخيره ..
والخروف ورى في الاخير <<<اهم شي الخروف هع هع هع


واشغل الموتر وادعس <<<يوووووي سنايدي ياهات وربي مبسوطه وانا اسوق
وبينما كنت اسوق <<اموت ياللغه هع انتابني مغص شديد لا يحتمل ..
واوقف عند اطرف مسجد وانزل ****وسهلها ربي عليّ <<وجع وسخه
وارجع السياره وانا احس باحراج شديد ولكنه لم يستمر <<مفسول وجهها بماء
ومشينا ودقايق وصلنا الثماامه<<<اموت عليك يالثمامه ..


انا : انزلو وصلنا
هم : احلفي
انا : والله على نياتي ياحليلي
شمووووخ: الله يازين الربيع يهبل ياخذ العقل <<صدق مو شايفه خير خخخخخخخخخ
انا: يالله بنات ننزل الاغراض <<<مسويه فيها راعيتها وتوجيهات انا وفيسي الجميل
هم : ياله يالله يالله ومسوين زحمه والبر مو فاضي هع
دلع الحبايب: يوه مافيني والله اسوي شي
شيوووخه: تحط ايدينها على خصرها وتقول والله حتى انا مابسوي شي اذا ما بتسوين شي انتي
انا: احححححم
دلع اند شيوخه : طيب لا تدفين
انا : في نفسي اقول احلى يالشخصيه لو سو مثل شموخ كان تركتهم الدلخات <<اسفه على التعبير

المهم نزلنا الاغراض وسوينا رواقين من يمين الجمس وعن يساره<<ليش الواقين وحنا نسوق سيارات يمكن عاده هع هع هع ..... وحطينا البساط وقعدنا
ووناسه لا يعلى عليها وافطرنا على حوالي الساعه تزززززعه ونص <<الاخت زوله هع هع احترامي للشعب السوداني
بعدها قامت شموخ وذيكو ونزلو الخروف وربطوه بالسياره في حبل طويل علشان يقدر يروح ويجي قبل ما يقتلووونه حلوه يقتلون هع <<رحومات على غفله

وبنظرة شفقه من باقي البنات على الخروف وفرحته بالربيع ..
شوي تبكي ميسووووو وتقول : لااااااا حرااام حرااام
انا: وجعه لابليسك وش فيك
ميسووو : حرام لا تقتلونه
وبمداخله سريعه خفيفه من اميرة الاحساس وتقول :
ايه والله حرام شوفو مسكين ياكل حرم نقتله
انا : بعد تفكير استمر لثلاثه وثلاثين ثانيه صح صادقين حرام ^
^
^
المقطع الي فوق مقتبس من فلم هندي ههههههههههههه
ابو الاحساس في الافلام الهنديه

العيون ام العيال شموووخ ذيكووو نظرات تخوف وصوت يفجع
يقولون : اقول انتي واياها اتركو الاحساس على جنب الخروف بنقتله وناكله
طبعاً بعد هالنظرات قلنا لهم حاظرين وعلى امركم خفنا ياكلونا
8
8
8
المشهد اللي فوق مسروووق من فلم امريكي هع

عاد مدري وش اللي نقز بمخيخ شيوخه وتجي هالفكره في راسها
شيوخه عند اميرة الاحساس وقالت : وش رايك اروح انا مع دلع نشغل الرباعي المجرم
وانتي مع مياسه تروحون تفكون الخروف وتخلونه الين ينحاش ونقولهم انحاش محد فكه
وبعدين تجي اهات تصارخ وتقول وين الخرف وبكذا يروح الخروف ولا يطيح بيدين هالسفاحات هع هع
اميرة الاحساس : تم ياعسسسسسل

وبينما كان الرباعي يلعبون بلوت <<<ابوك يالعربجه كع كع كع ..
راحت شيوخه ودلع يشغلونهم وتمت عملية تهريب الخروف على خير
وقد ترتب على هذا الفعل الانساني زعل الرباعي لمده لا تتجاوز عن الثلاث دقايق <<<عسى ما تكلفو بس هع هع هع هع
بعدها رجع جو الوناسه والرجه والدجه
اهات شيخه يسولفون في مواضيع خاصه << حركات
العيون ذكرى شموخ يندبون حظهم ما بين الفينه والاخرى على الخروف المنحاش <<لغه
دلع وام العيال يغسلون مواعين الفطور واحلى سوالف وهم يغسلونها
ميسو واميرة الاحساس ساكتات من الجووووع هع هع هع

مياسه تصارخ وتقول: جووووووووعاااااااااانه ياليتنا ماهربنا الخروف
<<تستاهلين مسويه اخلاق اول
شيوووخه : حمر وجهها من الخوف لانه صاحبة الفكره <<<توهقت
دلع الحبايب : تصرف الموووضوع بربكه وخوف شديد

عدت السالفه من غير ما يدري الرباعي المتوحش هع هع هع

المووووهيم بعد كذا قالت العيون
العيون : بنات يمدحون الرز الابض المسلوق
انا : هههههههههههههه يمدحونه والا ما يمدحونه ما معكم الا هو
شموخ : يالله انا بسويه <<<من حبها في الطبخ هع هع هع
دلع اند اميره يقطعون السلطه
شيخه اند ميسو يرتبون الجلسه
انا اشرف على البنات خخخخخخخخخخخخخخ<<مريحه عمري
ام العيال منسدحه تلعب بجوالها<<ما نستغني عن جوالك هع هع

شوي وتدق امي على جوال ام العيال
امي :السلام عليكم
ام العيال : هلا وعليكم السلام
امي : وين اهات
ام العيال : تصرف امي وتقول مشغوله الحين
انا :يالدووووبه عطيني اياها لا تصرفينها
ام العيال: تقنز من مكانها وبتوتر والله ولو تموتين الصرفيه عليّ
انا :امي اللي داقه الصرفيه عليها
وبمحاولات اقناع من البنات تم بحمد لله تم اقناع ام العيال وعطتني اكلم امي
خخخخخخخخخخخخخخخخخخخخخخخ

امي : سلام <<من دون نفس تسلم
انا : وعليكم
امي : وين شريط البلايستيشن اللي كان تحت مخدتي امس
انا: الله يهديك يومه داقه علشان بلايستيشن
امي :ايه طفشانه ابي العب اخلصي انتي وجهك وينه
انا : طيب شوووفيه فوق المكتبه
امي : عمن يعميك وشوله حاطته هناك الحين وشلون اوصل له
انا :خخخخخخخخخخ خوذي كرسي وارقي (اطلعي )فوقه
امي :طوط طوط طو طو طوط <<<سكرت السماعه بوجهي
انا :لا سلامتك يومه ما ابي شي مع السلامه يااهلا <<ما ابي البنات يضحكون علي خخخخخخخخ

للمعلوميه فقط ترى امي من جد تلعب بلايستيشن خخخخخخخخخخ

شوي الا تقول شموخ :
اهات وجع وين الملح ناسينه
ذكرى : يالله الحين كيف ؟
انا : مياسه روحي قولي لهذوليك اللي هنكا اذا عندكم شوية ملح عطونا <<<طرارين
راحت مياسه اخذت لها لفه حول رواقنا وجات مع الرواق الثاني وتسالني عندكم ملح عطونا شو ي
انا عرفت ان البنت شاربه ماء <<قلت ماء انا مو اي شي ثاني هع هع هع

الموهيييم اكلنا الغدى من دون ملح ويازينه زيناه له طعم خاص <<امحق من طلعه
بعد الغداء قمت انا وذيكو غسلنا مواعين الغداء والباقين متسدحات
وشوي يذن العصر ونصلي ونقوم نمشي شوي علشان نهضم <<نتجهز للشاي

شيخه تصلح الشا ي وتقهوينا والمكسرات والعلوم الزينه <<ايوه
وانبسطا بسطه عند الله خبرها ..
ولما قرب المغرب قررنا نمشي
والله ونلم العفش ونركب السياره
انا : شموخ دلع شيوخه ام العيال العيون ميسوووو ذيكووو اميرتي <<<تعدهم علشان لا تنسى احد هع هع

شينا وانا اللي اسوق وشوي شموخ تقول

شموخ : والله تسوقين يااهات
انا: انتفخ راسي ايه ما يمديكم
دلع : بصراحه سواقه في حياتي ما شفت مثلها <<تتطنز وانا مصدقه خهخه خه
تدخل سريع من العيون : ايه خبره
انا : بتميلح قدامهم واظهر مهاراتي والف السياره يمين وشمال
وما دريت الا انا داخله في جبل <<ابي اعرف وش جاب هالجبل في الرياض >>متعوده على مكه

وماتوا كل البنات ومابقى الا انا << ابوك يالنذاله
كع كع كع كع كع كع كع

ما يستفاد من اعلاه..<<احلى ياعلاه اول مره اقولها خخخخخ

*اذا كانت الكشته مكونه من بنات بس لا تفكرون تاخذون معكم خروف يمدحون الخضار:42: .
**لا تمدحون السواق اكثر من الازم علشان ما يجيب فيكم العيد .
***ما كل ما يقال في واحة الدجه والرجه صدق .

والعذر والسموحه على التطويل
اللي مالامينه داعي بس وش اسوي فيني كلام <<<يعني ابي اتكلم خخخخخخخ


تحياتي
آهات مجروووحه