السلام عيكم اخواتي المغتربات وغير المغتربات


حبيت اشاركم في الموضوع بخصوص الشغلات

بصراحه لفت نظري رد اخت من الاخوات عندما قالت
بصراحه انا اشوف انها مو شر لانه وبكل بساطه فيه مثل يقول ايش رماك للمر قال الي امر منه
ثانيا لماذا اصبح الان في اغلب البيوت توجد الخدم رغم انه امهتنا وجدتنا ماكان لهم من يخدمهم
السبب بكل بساطه هو ((((( عقلية الزوج)))

نعم اصبح كل زوج يلحن لزوجته لحن الزوجه الثانيه لمجرد ان يرها قد اهملت في شكلها او رائحتها متناسي انه السبب في شكلها المنبوذ هو العمل على تنظيف البيت وطبخ مالاا وطاب له
بصراحه ماعندنا في ديارنا تثقيف للزوج نعم لايوجد تثقيف للزوج كيف يعامل زوجته
بس عندنا كيف الزوجه تهتم بشكلها لارضاء زوجها والكلام في هذا الموضوع يطووووووول في الحلقات وفي الندوات بينما لايكثر القول في معاملت الزوج لزوجته والتماس العذر لها في اخطائها وان كانت هناك ندوات عن معاملن الزوجه تكون يا في حلقات نسائيه لاتصل الى مسامع الزوج او في ندوات علميه يدفع لها المبالغ لتسجيل بها وطبعا لايوجد قبول من الازواج لمثل هذه الندوات
وبصراحه هناك بعض ((( بعض)))

الندوات تثقيفيه للازواج لكن محدوده وفي السنه مرة ((وكلامي هذا من شدة ماهي قليله لكن لاتخونه بالحرف ))0

اصبحت الزوجه تطالب بوجود الخادمة لتصرفات الازواج يرد منزل نظيف وملابس نظيفه ومكويه ومطبخ نظيف واطفال نظيفون واكل متنوع ولذيذ وهو هااالك زوجته بعدد الاطفال كثييير يعني عندها سته او خمسة اطفال ورا بعض ماعندها فرصه تشوف نفسها علشان زوجها

وبكذا يرضخ الزوج للزوجه ويقدم لها الخادمة بس للاسف فيه مشكله ثانيه

اهتمة الزوجه بشكلها وبشكل اطفالها لكن المشكله ان الزوج غايب عنها
(((((((((((او ))))))))))))))
اهله يتدخلون في شؤن ابنهم الزوجيه ويقلون له لاتصير سكان زوجته انتبه عطها القااااز
وبهذا الزوجه تتحطم نفسيا فتحصلونها هات يا اهنات في الشغاله وتحملها فوق طاقتها وهذا تصرف نابع عن نفسية الزوجه

وطبعا هذا التصرف من الزوجه لايعذرها عن تصرفها المشين في حق تلك الانسانه
ودنا نتخلص منهم مانيبهم بس المشكله مارح تنحل اذا مافيه تعاون من ازوجنا

كانت عندي خادمه كانت تعمل عند احد الاسر الامريكيه قالت لي
انها نفسيا هي مرتاحه مع العائله الامريكيه لانها قل ماكانت تعتني باصغارهم
وايضا كانت تنظيف المنزل مره واحده بعد ذالك ان اتصخ المنزل بسبب العئلة التي تعمل معهم كانو هم يقمون بتنظيف المنزل يعني الزوجه واطفالها واذا اتصخ المنزل بسبب حفله هم اقاموها كانت هي والزوجه يعتنيان بلمنزل لكن القسم الاكبر من التنظيف تتحمله الخادمه
وكانت تلك الامريكيه تمتلك من الاطفال ثلاثة في اعمار مختلفه

بس قالت لي صراحه انها لم تتمكن من جمع الكثير من المال لانهم كانو يجعلونها تنفق مالها في كل متطلبتها مثل ملابس ، فرش الشعر، فرش الاسنان، الشامبو، حتى الفوط الصحيه، اون ذهبت معهم في رحله تنفق من مالها على ماتاكل في تلك الرحله
وهذا ماجعها تتركهم وتفكر في ان تعمل لدى عائله عربيه مسلمة

وبي المختصرالصريح
الحل في المشكله لاتكمن فقط في كيفية المعاملة لااااااايضا يشترط للتخلص منهم
هو :
((((((((((تثقيف الوزج في تحمل اعباء الحياة الزوجيه)))))))))) وليس اعباء العمل فقط هو رجل ولهو القوامة اذا عليه التحمل اعباء الحياة الزوجيه العمليه لان فيه بعض الازواج يضنون ان الاعباء الزوجيه هي فقط في تحمل تكاليف الاسره الماديه




اسفة على الاطالة

اختي العزيزة بشاير كفيتي ووفيتي و قلتي كل الكلام إللي كان ودي أقوله تسلمين ياعسل :27:

حرم الدكتور الله يعطيك العافية ويخليلك أمك ذخر :)
ذكرتيني بأمي وبجدتي الله يخليهم لي كانوا دايما يكرمون الشغالات وماينسونهم بشي إذا طلعوا للسوق حتى لو كان شي بسيط وكانوا يزعلون منا إذا خانقناهم أو طلبنا منهم شي في وقت نومهم هذا لما كنا صغار وغشمان :30: :D .. علمونا نحترم ونقدر الكل عشان الآخر يحترمنا ومانقلل من قيمة أحد مهما كانت وظيفته وما أظن إني لو أظهرت إحترامي وتقديري لأي شخص بيكون رده لي بالأذيه حتى ولو كان هو من الأساس كاره الشغل معاي طبعا كلنا نشتغل مع الشغالات في بيوتنا هم لهم الراتب وإحنا لنا أشياء ثانيه...
إرحموا من في الأرض يرحمكم من في السماء وترى الدنيا دوارة وغدارة الله لا يغير علينا إلا للأفضل ويهدي الجميع وييسر لنا الخير وين ماكان :)

بالنسبه للي ذكروه البنات ان الشغالات يشتغلون 24 ساعه فهذا اجحاف في حق الناس لانه ما يحصل ولا حتى من الفجر الى الساعه 3 صباحا الا في حالات نادره جدا
وبعدين 8 ساعات غير كافيه
بتقولون ليش ؟؟
لان الشغاله عااااادة تصحى من بدري يعني نقول 7 او 8 صباحا وهذي طبيعتهم اساسا
خليهم يشتغلوا 8 ساعات
يعني على 3 او 4 العصر وهي مخلصه دوامها!!!!!!!!!!
وبعدين؟؟؟ في ايش تقضي باقي الوقت؟؟؟؟ ومن يهتم بالبيت والاولاد والضيوف اللي يجونك من المغرب وطالع؟؟؟
بالعكس من الضرر عليها انها تخلص بدري لان مصيرها الى غرفتها!!! والا تبغبنها قاعده فاضيه ومقابلتك انتي وزوجكو عيالكم والضيوف اللي يجون بعد المغري؟؟؟؟؟؟!!!!!!!!!!!!!!!!!!!!

ويكون في علمكم
بحكم انها تنظف اول باول فالشغل ما ياخذ في يدها كثير وهذا شي يعرفونه اللي ما عندهم شغالات وترى احنا اللي ما عندنا شغالات شغلنا يكون طوااااال اليوم بشكل متقطع وما عندنا نص عافيتهم
ومن ناحية كرف وما كرف
فيا عزيزاتي هم ناس اجسامهم قويه لانهم من ينولدون وهم يكرفون في بلادهم ماهم مثلنا الشغل هم بالنسبه لنا
وبالعكس امي عندها شغاله وما يجي الضحى الا هي مشطبه تنظيف وبعدها تساعدها في الغدا والعشاء وطلعي قهوه او شاهي وخلصنا باقي الوقت الحرمه طفشانه تنقر سنونها وتنبش اظافرها
واختي كذلك عامله وعندها 4 اطفال الله يحفظهم والشغاله ما هي عارفه وش تسوي من الطفش والفضاوه لان ما فيه شي يشغلهم مع ا نها تترك لهم الدش يتفرجون عليه واختي دقيقه جدا في التنظيف يعني بيتها يلق ما شاء الله لا قوة الا بالله
بس قلة الشغل وما فيه ناس تتسلى معاهم تطلع لهم قرون لان الشغل يشغلهم والوحده تطفشهم هذا غير الافكار اللي يوسوسون فيها مع الوحده!!!!

هذا ما ينفي ان فيه ناس يكرفونهم ويبغالهم يتقون الله فيهم لانهم بشر بس انا اتكلم عن الغالبيه

بالنسبه للراتب ياحبيباتي
ياليت تفكرون ززززززززين 2000 ريال وش تسوي لكم؟؟؟
2000 ريال تعيش اسره سعوديه كامله في الشهر!!!
2000 ريال هي رواتب معظم الشباب اللي متوظفين حديثا لان ما فيه اكثر من كذا الان الا ما ندر!!!
2000 ريال تقصم ظهر حسابكم البنكي شهريا!!!!

و600 ريال تعيش الخادمه ملكه في بلدها لمده طويله جدا فما بالكم ب 600 ريال شهريا هذا غير الاكراميات والعيديات والصدقات وفضل العمره والحج وغيرهاااااا

ترى المبلغ مو قليل وتقدرون تسالونهم وش اشتروا وش سوو برواتبهم وراح تنجنون
لان احنا اللي قاعدين ندفع لهم هذا الراتب غير قادرين على شراء ارض او بناء بيت او الذهاب في اجازه محترمه الا بالدين او الاقساط او بالضغط على الميزانيه في احسن الاحول!!
فعن ماذا تتكلمون؟؟؟؟؟


لا احد يجرؤ على التقليل من قيمة المعامله الحسنه لانهم مسلمين اولا واخيرا وبشر لا ينقصهم عنا شئ ولكن الشروط هذي الشروط تعجيزيه وهم الخسرانين!!!!!!!

السلام عليكم

اخواتي والله اني فرحت رغم ان كثير زعلان بس مصائب الاندونيسيات شيء يقلب الكبد انا ياوحده عانيت من الشغالات وربي ماكتب لي الي فيها الخير وعلى قد مانكرمها تهينك وتركب على رؤسك

الاخت بشاير ماذاقت منهم كان قالت غير كذا وترى الشعب السعودي كريم ورحوم على الخدم الا فئه اتوقع قليله

انا جتني شغاله اندونيسيه ولابغتني لان زوجي ما يكلمها ولاتطلع تكب الزباله الله يكرمكم واغطيها كل مارحت بها لاحد جتني بوزها مادته شبرين ومن بكره تعالي شوفي الحركات
وبعد شفت ان بنتي الصغيره تصيح طول الليل تقولي شوفي الخروف وتصيح ومتنوم وانا اقرى عليها واسمي بس نبهتني وحده من زميلاتي قالت حركه منها علشان تبيعينها دايم انا ابغى اروح بيت ثاني

واعطيناها ولد خالته وكملت المده وسافرت بعد كذا قالولنا ان ولدنا دايم يشوف الخرفان في السطح صارت نفس خرفان بنتي لا وقالت بنتي انها تقفل الباب وتروح بس ماندري وين تروح وكانت دايم تقول بابا يقول لازم مدام يعطيني اسمها وصورتها وكل يوم تحن بابا يبغى صوره والخافي اعظم
وبعدين غيرت الى سيريلانكيه

السريلانكيه ما عندها طاري سحر وغش بس يدها طويله وشوي غبيه عامليها زي البزران تنجح الطريقه

أخر القرارات في هالموضوع

انه لم يستجاب لمطالبهم الا في نقطه واحده

انه تاخذ الشغاله يوم إجازه في الأسبوع

وإذا حبت تشتغل يوم عطلتها

يكون المقابل 25 ريال