ما صدقت الي شفته بعيني يا بنات

السلام عليكم اول شي 😁

امس شفت خالتي
هي بعيدا شوي ما اشوفها الا كل 3 اشهر
ما صدقت الي شفته

خالتي كان وزنها 85 صار عندها سكر

والدكتور قال لها لازم تنزل وزن

خالتي اذبحيها ولا تقولين لها سوي رجيم 😂

قامت تأكل وجبه وحده باليوم للي هي الفطور

نشويات و أجبان و بروتين و خضار

اعطتني مثال
تقريبا 5 توست او 3 خبز
صحن خضار
بيضتين او 4 على حسب اليوعه على قولتها
7 حبات تمر
وكوب حليب
لازم تمر بس ما تأكل اي حلو غير و تمشي نص ساعه باليوم
وباقي اليوم ماي و شاي اخضر
بس

تعرفون كم صار وزنها ما صدقت الا يوم قلت لها وزني جدامي
هي أصلان ما كانت تعرف وزنها بس اهم شي السكر يروح


وزنها صار 62
ب بشهرين و16 يوم بالظبط قعدنا نص ساعه نحسب الوقت للي اخذته ههههههه 😌

عمرها 24
طولها 159
وفصيله دمها A+

ادري بتسالون هل اسئله
أنا اذكر جربت رجيم الوجبه الوحده باليوم من سنه تقريبا
نزلت عليه وايد بس كان الكل يذمه
بس هل مره خلاص مليون بالميه بجربه باجر