السلام عليكم ورحمة الله و بركاته....
بنات ادري انه هالموضوع.....كثير ناقشتوه...و انا كثير اتابع مثل هذا المواضيع..
بس اليوم وصلت حالة من الاحباط.:icon33:....ما ودي اوصل لمرحله اني اصير اعامل ولدي بقسوة بس و الله ما فيني حيل
ولدي عمره سنتين و ثلاث شهور...مشكلته الاساسية الحين هي ( تعليمه على الحمام)..صار لي من بديت اعلمه الحين اربع شهور...بديت معه بالتدريج.. وصعبني بالفترة الاولي..لحد ما بدا يتحكم بعضلات المثانه..كنت اوديه و ارجع من الحمام و هو ما سوا شي و دقائق القيه بلل ملابسه...ومع الوقت بدا يعرف ..و يتبول عزكم الله... بس فيه عناد مو طبيعي ما يرضى يروح الحمام..ابدا ..الا بطلوع الروح كله ما اريد ما اريد..
حاليا البسه الحفاظ بس بالليل.. بعد ما يصحى افطره و انتظره يعمل الكبيرة واذا ما سواها بعد فترة اروح انظفه و اشيل الحفاظه..ويبدا المشوار كل ساعه او اقل الحين بالشتاء اوديه للحمام بس ما يرضى كل مره يروح و لا اضغط عليه مرات اصر عليه مرات اقول مو مشكله احاول فيه بعد ربع ساعه
بس مع هذا و لا مره من بديت اعلمه قال اريد اروح الحمام.. كله فملابسه مقهورة
حاولت فيه بكل الطرق..
** اولا بالتشجيع و لما يسويها بالحمام انواع التصفيق:2thmup: و الاحضان و التبويس
** بالكلام اللين و حبيبي و عمري و انت شاطر و انت بطل
** لما يكون معه احد من الاطفال و ابي اوديه الحمام..اجلس اقول شوفوا ( عزوزي) شاطر يروح الحمام وما يسويها بملابسه..و صفقوله..واحسه يفتخر بنفسه لما اسوي كذا
** جبت علبه فيها انواع الشوكلت قلته اذا قلت تبي الحمام او وديتك و سويتها فالحمام اعطيك منها و اخليه و حده يختار..يومين وصار يقولي مابي شوكلت:icon810: مع انه يموت على الشوكلت
** جربت احرمه من شي يحبه بس ما احس في سن يفهم الحرمان لسه
بنات انا جدا مضغوطه من هذه السالفه..اولا لاني حامل و بنهايه السابع و صرت ثقيله و ما فيني مثل اول ذاك البال الرايق..مع اني و لا مره ضربته ابدا
هذا من جهه و من جهه ثانيه عايشه فبيت اهل زوجي .وكثير ضاغطين علي يتقززوا مثل اذا سوها فملابسه و لمس اي شي اضطر امسح كل شي وراه او لمسه...كثير كثير عندهم من هالوسواس
و الله اليوم بنات طفح الكيل :( قبل لا يتغدا حاولت فيه يروح الحمام ما رضي فيه عناد مو طبيعي قال ما فيني بول ما اريد..عطيته يتغدى على اساس اوديه الحمام بعد الغدا.. يادوبني الم اصحن اوديه المطبخ رجعت لقيته بلل ملابسه و جيت امسح ولا بعد بقولي فيه فالكرسي:angry2: يعني و ربي فاااااهم و قلته ليش ما تقول الشاطر اللي يقول و اكلمه و انا منزله نفسيي لنفس مستواه و اشوفه فعيونه ..بدلتله نومته و رحنا ننام الظهر قمت اريد اصلي العصر وهو كان قايم قلت له قوم الحمام ما رضي قلت اصلي لا يتاخر الوقت علي و اوديه بعد ما اصلي خلصت مصليه القيه عملها ( الكبيرة و الصغيره) انقهررررت...واقول ليش يا ماما ..واكله بكل لطف..وربي احس نفسي تعبت
للعلم:
ابوه كثير متساعد معي يحاول يساعدني يشوفني تعبانه من الحمل..يوديه مرات يرضى و مرات يصيح ماما توديني
بس فيه مشكله اذا اضطرينا نروح مكان بالسيارة يكون شوي مشوار يطول ما يرضى نشله معنا بدون حفاظه
بنااات وش بعد اسويله ما سويتله لا تقولا لسه صغير انا ما بديت معه الا لما حسيته يفهم..و مضطرة ابدي معهلاني حملت ولازم ابديي معه..وحتى لو ما يصير ارجع للحفاظه الحين كاني ما سويت شي ..
يمكن عندكم حل انا غفلت عنه
ما ادري ياريت تساعدوني؟؟
رتـــاج @rtag_10
عضوة نشيطة
يلزم عليك تسجيل الدخول أولًا لكتابة تعليق.
بنت النور تالا
•
اصبري معه أن شاء الله يفهم ولاتستغربين لوزادت الحاله بعد ماتولدين لأنه نفسيته بتتأثر بالطفل الجديد ويقوم يعملها على نفسه أهم شي ماتضربينه
ياحبيبتي كل الي بنقوله عملتيه ، هذا يعني لسا ماجاء وقت الحمام والاطفال موزي بعض هناك فروق فردية بعضهم من سنتين وبعضهم من اكبر ليه مستعجلة ريحي نفسك من الهم والتعب وعدي الشتاء عالاقل يكون كبروفهم شوي لمن يكون مستعد حيتعاون معك ، والله يحفظه لك ويقومك بالسلامة
ياحبيبتي كل الي بنقوله عملتيه ، هذا يعني لسا ماجاء وقت الحمام والاطفال موزي بعض هناك فروق فردية بعضهم من سنتين وبعضهم من اكبر ليه مستعجلة ريحي نفسك من الهم والتعب وعدي الشتاء عالاقل يكون كبروفهم شوي لمن يكون مستعد حيتعاون معك ، والله يحفظه لك ويقومك بالسلامةياحبيبتي كل الي بنقوله عملتيه ، هذا يعني لسا ماجاء وقت الحمام والاطفال موزي بعض هناك فروق فردية...
نصيحة اذا عديتي شهر مافي اي تقدم ارجعي لبسيه انا كذا حصلي من بنتي وصارت عنيدة رغم كل المحاولات بس بعد ماقريت كتاب عن تعليم الحمام للاطفال والله نسيت اسمه من زمان استفدت منه كثير
وارجعي علميه بعدين يعني على الثلاث بترتاحين هو بتحمس من نفسه يمكن بخمسة ايام وتنتهي الحكاية
وارجعي علميه بعدين يعني على الثلاث بترتاحين هو بتحمس من نفسه يمكن بخمسة ايام وتنتهي الحكاية
الصفحة الأخيرة