ما عارفة كيف اتعامل مع زوجي

السلام عليكم ورحمة الله وبركاته
اخواتي عندي مشكله ومخنوقة كتير ماعارفه لمين بدّي اشتكى
انا جديدة معكون وبدي مساعدتكم حتى اتخذ قراري
أنل متزوجة من ٢١ سنه تزوجت صغيرة بالعمر
١٩ سنه وزوجي بيكبرني ب ٢٠ سنه وهو مغترب
انا حبيته وأعجبت فيه وتمنيت إنّو يكون من نصيبي
المهم صار النصيب وسافرت عندو والله رزقنا بثلاث اولاد
عشت معو بفرح وانسجام لدرجة لغيت رأيي وشخصيتي
وكنت اقتنع برأيه وكنت حس إنّو هو عندو الرأي الصائب وانا ماعندي هالخبرة يلي عندو ياها
بعد من خمس سنين اشتغلت والحمدلله وشغلي ممتاز
ومدخولي أحسن من مدخوله صرت حس إنّو متدايق وصار عصبي بشكل ماعم بقدر أتحمل عصبيته عليي وعلى الأولاد
بالرغم من هيك كل معاشي بياخدة هو وباخد من ماعاشي مصروف يادوب يكفيني وانا ساكته وبقول هيدا زوجي وأبو ولادي وهو اكيد رح يصرف المعاش تبعي ع مصاريف البيت . طلبت منو أني انزل زور اهلي ببيروت كل سنه
هو رافض قال انا عم فضل أهلي عليه وعم يغار لان عم زور اهلي بالسنه مرة وحدة بس
حاسه حالي مخنوقه وتعبانه نفسياً لدرجة عم فكر بالانتحار لاخلص منو ومن حياتي يلي كرهتها بسببه
عم يتحكم فيني متل كأني بنتو جتى بنتو بيعاملها أحسن مني بيعاملهي كأني بلا قيمة
ممنوع استقبل حدا الا بأذنه ممنوع اعمل أيا شي الا لازم خبرة حتى على أتفه الأسباب
بدّي روح عمرة وهو كان واعدني نروح عمرة سوى غير ورأيه
زوجات أصحابه رايحين عمرة قلتلو خليني روح معهم اول شي رضي بعد كم يوم بيقلي مني موافق تروحي معهم
انتي رح تروحي غصب عني
اتصلي واعتذري منهم
كل شي بيفرحني بيمنعني عنو حاسه إنّو مخلوق ليدايقني ويعذبني حاسه حالي خدامه حتى الخدم لهم حقوق انا ما الي أيا حق
بتمنى منكم النصيحة لان ماعندي حدا اشتكي آلو
حسبي الله ونعم الوكيل فيه