ما عندك شغاله تحسين بالآلام تعالي اخفف عنك

بسم الله الرحمن الرحيم

السلام عليكم ورحمة الله وبركاته


غالياتي العزيزات جمعه مباركه عليكن جميعا ..

الموضوع واضح من عنوانه ...


ملاحظه : ان الموضوع متجدد شوفي الصفحات الباقيه

عشان تتم الفائده بشكل كامل من الموضوع وشكرا لكن


اليوم راح اتكلم عن بعض النقط الي ممكن تساعدك بالبيت


وكمان ممكن ان يخفف عنك التعب ويبعد عنك الكسل ..


بعض الربات يحسون ان خلاص حياتهم منحصره بين العمل بالبيت


وتلبيت طلبات الاطفال والزوج ..

وزادت الشكاوي بالقسم من ناحية كيف اوازن بين الاثنين

وكمان كيف اقدر اني اوفر الوقت لنفسي و للزيارات ..

اعملوا بالخطوات الي راح اكتبها وصدقيني راح تحسين الفرق بحياتك

وراح تزيلين تعب اليومي وثقل العمل اليومي ..

.......


إن كنتي تحسين بتعب او كسل بأول النهار ..

أولا ..

حبيبتي خلاص انتهينا من اول نقطه وهي تنظيم وقت النوم

اكتفي بــ 7 ساعات يوميا من النوم براحتك

وان كان عندك اطفال صغار سبق تكلمت بموضوعي الاول عن كيفية السهر مع الاطفال

وكمان تأديت واجباتك ليلا ..


لكن اليوم ابتكلم عن الي ما عندها عذر لا اطفال صغار رضع بسن اقل من سنه

ومع ذلك تسهر وتسهر الطفل معها ..

والسبب الوحيد لأنها ربت بيت لا تعمل ولا تدرس


أكثر من وصية النبي صلى الله عليه وسلم

ماذا تريدين اثبات على صحة النوم ليلا والقيام منه بالصباح ..

في ربات بيوت تقعد الصباح بس ما لها نفس تعمل بالبيت


والسبب الكسل والملل والطفش من الجدول اليومي الروتيني ..

إليك بعض الحلول

اولا الاستحمام

استحمي غاليتي قبل كل شئ وبدأ من اي شئ

آخر سوف تعملينه ..

حركي الدوره الدمويه حتى تشعري بالانتعاش وكمان

تبعدين عن نفسك الكسل

ليفي نفسك بشكل دائري بحركات بطيئه ثم سريعه

خففي من دفئ الماء تدريجيا حتى يصبح بارد قليلا حتى تحركي الدوره الدمويه

ولكن انصح الكثيرات منكن ان ما يغيروا حرارة الماء فجأه لأن ممكن يسبب

جلطات لا سمح الله فكثيرا ما اسمع من الربات والفتيات انهن بعد الاستحمام

فجأه يستخدمن الماء البارد حتى ينتعشن وفعلا ممكن يسبب لك حاله من النشاط

ولكن طبيا غير مسموح فيه مع تكراره ..


ثانيا ....


بعد الاستحمام

خصصي لنفسك وقت ..

مثلا ساعه واحده قبل البدأ بالعمل

لنفسك فقط ..

ليه ؟ عشان ما تحسين ان هاليوم مثل باقي الايام قاعده

عشان تأدين واجباتك وهذا انتي حياتك وبس عمل بالبيت

واليوم الثاني نفس الشئ حسسي نفسك اول ما تقعدين انك انسانه مو مكينه

لك حق بالاستمتاع ولو بشكل متقطع باليوم نبتدي من الصباح حتى تزيلي اثار

احساسك ان اليوم بدأ واعمالك كما هي ما راح يتغير شئ ..

مثلا تحبين مراجعه الايات القرآنيه الي تم حفضها يلا هذا وقتك وانتي حره

تحبين الجلوس ومتابعة المواضيع بالمنتديات كمان ممكن

ممكن انك تسوين لنفسك كوب من الكوفي ويلا هذي الساعه لك فقط

ولكن فيه شرط

هاتي تلفونك ووقتيه على نهاية الساعه

لو كانت الساعه السابعه صباحا

خلي المنبه ينبهك على الساعه الثامنه بالضبط

لما تسمعين المنبه

اعلمي انك اعطيتي نفسك حقها من الاهتمام الصباحي

شور منعش وكمان ساعه من الراحه ..

لو كان عندك اطفال صغار يصحون بدري معك

وقتي ساعتك قبل صحيانهم من النوم عشان تهتمي بنفسك اولا

ولما يصحون ممكن انك تهتمين فيهم

بعض الانانيه لنفسك ما هو عيب ابدا ..

......


ثالثا ..

ابتدي عملك اليومي اولا

شوفي ايش راح تسوين على الغداء وطلعيه عشان يفك عنه الثلج


بعدها ابتدي الترتيبات

فري من غرفة الى غرفة كل ما تشوفين شي

عدليه رتبيه وحطيه مكانه

يعني ترتيبات سريعه اهم شي ان كل غرفة تكون مرتبه

قبل البدأ بالتنظيف ..

لكن بنفس الوقت

لاحظي لو كان عندك مثلا العاب كثيره للاطفال

وكل يوم يسبب لك تعب انك تلمينهم

هذا يعني انك لازم تسوين لنفسك حل جذري لهم

مثلا تقليلهم ..

هاتي صندوق او كرتون و لمي بعض منها وابعديه عن نظرهم

راح تلاحظين ان عدد الالعاب الي كنتي تلمينهم يوميا قل و بالتالي بتخلصين بسرعه

بعد فتره هاتي الصندوق ورجعي الاغراض الي فيه

واخذي الي كان موجود عندهم عشان تحسسينهم بالتجديد

لما تبعدين اي شي عن نظر الطفل مده طويله وبعدها تطلعينه

راح يحس ان اللعبه جديده بالنسبه له وراح يهتم فيه ..


او مثلا ..

ملابس الاطفال يتم رميها بشكل فوضوي يوميا

او الدواليب يطيرون تعبك وترتيبك

لازم ما يمشي عنك كل شي مرور الكرام

يا إنك تنبهينهم بشكل جدي

او انك تقفلينه بشكل نهائي عنهم

وانتي تكونين مسؤله عن الدواليب وقت تغيير الغيارات اليوميه لهم

اي شي يا اخواتي تلاحظين


انه يتعبك يوميا شوفي له حل ولو يكون مؤقت

عشان ينسون اطفالك هالعاده الي تعودوا عليها ..


في اشياء كثيره ممكن تستوقفك مع تكرار عمله اليومي

هذي نصيحه لك شوفي الاشياء الي متكرره وشوفي لها حل

عشان يخفف عنك لا تقولين ما راح تفرق الا كل شي لو خففتي من ضغطه عليك

مثلا الملابس الالعاب الكتب

المجلات الاقلام والتلوين تبع الاطفال

الغسيل الكوي كل هالاشياء لو تم تخفيفه و شفتي لها حل يرضيك راح يعطيك مجال كبير جدا انك تكونين مرتاحه


يوميا بعملك اليومي ..

..........

الموضوع متجدد إن شاء الله


الى اللقاء في وقت لاحق ..

مع بعض الامور الي راح تخفف عنك بعمل البيت ..