بسم الله الرحمن الرحيم
اكتب لكم يا بنات وانا ما اقدر اقاوم سيل الدموع ... ويوم جلست على سجادتي زااااااااادت علي الحاله
كنت رايحه اخذ نتيجة التحليل عند الدكتوره ونفس الوقت ابي اسوي سونار واشوف جنس البيبي!!
وطول الطريق وانا مشغووول بالي ... يا ربي وشو اللي فبطني ؟؟ بنت ثالثه او ولد ...!!
وما بين عيوني الا مواضيع البنات اللي متضايقين يوم قالوا لها عندك بنوته ... يا ترى بصير زيهم , او بفرح بالولد ؟؟ واذا كانت بنوته بشكر نعمة ربي او
اكفرها؟؟ يا ربي ثبتني ...
دخلت المستشفى قالوا لي الدكتوره مسافره ... قلت خيره من ربي ... مابي اعرف الجنس من الحين اخاف ما يوضح واتضايق ... اصبر اسبوعين عشان
يبان اكثر ...
اخذت نتيجة التحاليل ... ودخلت على دكتوره عامه .. ابيها تقرا لي نتيجة التحاليل:
- جرثومة الحمل
- تحليل عن مرض ما اعرف اسمه ... لكنه يطرد الجنين من الرحم .. وما يثبت لك حمل!!
- الحصبة الألمانية
- تحليل دم بما فيه هيموقلوبين وصفائح دمويه وووووووو
لو انتي استلمتي النتيجه , و كانت ايجابيه ... في مرض او عدة امراض ... وش راح تكون ردة فعلك ...؟؟
اكيييييد بيطير نومك ذيك الليله وبتدعين وتلحين على ربي في الدعاء ان ربي يشفيك ويبعد الشر عن اللي في بطنك .... اهم شي يطلع سليم معافى
لو كانت عاشر بنت او عاشر ولد
رجعت بيتي والعبره تخنقني .... سبحان الله وش هالامراض اللي نجاني ربي منها انا وكثيرررررر من الحريم اللي اعرفهم وما اعرفهم
- كم وحده ما قدرت تحمل اصلا وتعالج عشان تحصل البيبي ؟؟
او حتى تتمنى الحمل لو ما تم من اول مره ؟؟
- كم وحده حملت اكثر من مره ... وكل ما تفرح بحملها يصيبها احد هالامراض وتفقد فرحة عمرها ؟؟
- كم وحده تم لها الحمل واثناء الولاده مات طفلها ؟؟
- وكم وحده قرت عينها بشوفة طفلها ... لكن مجرد لحظات او ايام ... ثم فقدته ؟؟
- كم وحده عاش معها طفلها وشافته شاااااااااااب وتتمنى بس لو يقدر يخدم نفسه ... فهو معاق وما تقدر تطلع من بيتها لانه محتاج رعايتها ؟؟
كم وكم ....
يا ربي لك الحمد ,, نِعَم تستوجب الشكر ...
و أعظم منها انا ننجب اطفال اصحاء ونشوفهم يكبرون قدام عيونا وما فيهم الا العافيه ..
ويمكن ربي فضلهم على غيرهم من الاصحاء بنعم ما عمرك تفكرتي فيها !!
او فضلك انتي على غيرك بحسن تعاملك وتربيتك لهم ؟؟!!
او رزقك زوج عاقل و مقدر هالنعمه ومربي عياله احسن تربيه !!
ليه اتشرط على ربي واجحد نعمته واتضايق اذا قالوا لي بنت او ولد ؟؟
ربي اعلم بحالي وبالاصلح لي ... وهو الوحيد اللي بيده الخلق والرزق ... وما وكله لاحد من خلقه ... ولو بيدنا نختار كان ما شفنا بنات على وجه الارض
ليه اتضايق من نظرة الناس لي ... وما ابي اسمع كلمة ام البنات ؟؟
والاعظم منها اني لما اشوف وحده اكثر خلفتها بنات اطالعها بدونيه واحس انها اقل من غيرها؟؟ يعني حملها وولادتها وتربيتها اقل من الولد ومالها اجر على تعبها ؟؟
{ من عال جاريتين حتى تبلغا جاء يوم القيامة أنا وهو هكذا وضم إصبعيه }
من يعاف مجاورة الرسول صلى الله عليه وسلم في الجنه؟؟
صحيح اني راضيه تمام الرضى بكل ما كتبه لي ربي ... وكنت ادعي قبل لا اتزوج اني بكريتي بنت وبعدها بنت ...وربي ما ردني خايبه
وكلمات التذمر اللي قلتها ما تعبر عني انا ... لكن من كثر ما سمعت وقريت في هالقسم عن هالموضوع
ليه ما نشوف النعم من الجانب الايجابي ... ليه دايم نحاول نقلل من شأنها
ليه نشوف الاعلى منا ولا نطالع الاقل منا ؟
"انظروا إلى من هو دونكم ولا تنظروا إلى من هو فوقكم فإنه أجدر أن لا تزدروا نعمة الله عز وجل "
ليه كل ما يعطينا ربي نعمه نجحدها وندور غيرها!؟
وليه ما نفرح بهالنعمه ... اللي نسويه هو رضاء بالقضاء ... لكن من يشكر ربي من قلبه وهو فعلا يحس انها نعمه خصه الله بها ؟
كثييييييييير ما نردد عبارة ... رضيت باللي كتبه لي ربي ... وآمنت بالله ... وتوكلت على الله
لكن وين التطبيق العملي؟
معنى الايمان القبول والرضى والتسليم , واحنا لا رضينا ولا سلمنا
نقول توكلنا على الله ... وما حققنا معنى هالكلمه
لو نوكل شخص على شي من اعمال الدنيا ,بنختار الافضل ونسلمه الشغل واحنا متطمنين وواثقين
لكن لما نتوكل على الله في رزقنا نكون خايفين انه ما يكون موافق لرغبتنا .. وانه ممكن ما يختار لنا الافضل!! (بنظرتنا القاصره)
(لو انكم توكلون على الله حق توكله لرزقكم كما يرزق الطير . تغدو خماصاً وتروح بطاناً)
ياليت ترجعون تقرون الحديث اكثر من مره وترجعون للتفاسير ...وشوفوا كيف وضعكم الحالي
سبحان الله راح يفتح لكم باب رزق وطمأنينه ورااااااااحة بال ما عمركم تخيلتوها
والله اني مجربتها واشوف نتايجها سواء في هالموضوع او غيره .... توكلي على ربك وحققي معنى هالتوكل ... وبتشوفين النتائج
وما يحتاج اذكركم بالدعاء والالحاح على الله فيه ... الى جانب التوكل
خلونا نتعاهد على انا نحقق هالعبادات القلبيه اللي تزيد حياتنا سعاده وفرحه وتنور طريقنا وتريحنا من الهموم والامراض ... ونعلمها عيالنا من صغرتهم ,
وهذا ما يبيله محاضرات او اسلوب حتى , من يبدا الطفل يفهم ويستوعب اللي حوله تقدرين تغرسين فيه الايمان بالله والتوكل عليه ومحبته وطاعته
وحسن الظن به
وانا والله افرح كثييير لما اشوف بنتي واثقه وتقول لي : انتي بتجيبين ولد ...
وانا اقول : يمكن ولد ويمكن بنت
وترد علي وتقول : لا انا دعيت ربي كثييير وخلاص ربي بيستجيب دعائي ....
الحمد لله معناها انها محسنه ظنها بربي ومحققه معنى الايه(وقال ربكم ادعوني استجب لكم)
وفيه حديث لكن ما اتذكره الان
ولا اوصيكم احرصوا على انكم تشركون عيالكم في الدعاء ... لأن ما عليهم ذنوب :)
ووش نبي من هالدنيا غير عيال صالحين يرفعون درجاتنا عند ربي وتشفع لنا تربيتهم واعمالهم الصالحه
وتقر عيونا بصلاحهم في الدنيا قبل الاخره؟
بعد كل هالكلام اقول لكم اني من وصلت لبيتي سجدت سجدة شكر ... وسبحان الله ما قدرت انطق بكلمه
عجزت عن التعبير والله .... حسيت اني مخلوق حقير تافه , وقاعد يتشرط على ملك الملوك ...
والله اني استحيت من ربي من كثر نعمه ومن كثر كفري بها .... يا ربي اعفو عني
جمله وحده قدرت اقولها وهي ... اللهم لك الحمد كما ينبغي لجلال وجهك وعظيم سلطانك
اعذروني على هالكلام المخربط ... لكن هذي مشاعر عشتها مع ربي ...
ولي اكثر من ساعه احاول اعبر عنها واوصلها لكم ومو قادره ... تمنيت انكم تجربونها كلكم ...
تذكري كل النعم اللي انعم بها ربي عليك ... وحطي مقابلها وش سويتي من عبادات وذكر وثناء وشكر لله ... طبعا ما فيه مجال للمقارنه
اللهم لك الحمد كما ينبغي لجلال وجهك وعظيم سلطانك
اللهم اعنا على ذكرك وشكرك وحسن عبادتك
اللهم اجعل لي لسانا ذاكرا , وقلبا شاكرا
اللهم ما اصبح بي من نعمة او بأحد من خلقك فمنك وحدك لا شريك لك ... فلك الحمد ولك الشكر
الحمد لله الذي بنعمته تتم الصالحات

ريف الرياض @ryf_alryad
محررة برونزية
يلزم عليك تسجيل الدخول أولًا لكتابة تعليق.

ام حصوصي222
•
اللهم لك الحمد كما ينبغي لجلال وجهك وعظيم سلطانك


روح آفله
•
الله عليك ياريف
زي ماعرفناك راقيه ورائعه
وفعلا يجب علينا الاتكال على رب العباد والالحاح بالدعاء
انا عندي 2 من سلفاتي ماجابو اطفال وحده لها 25 سنه والثانيه 13 سنه
والله اني بدعيلهم لاني حاسه باحساس الامومه وعارفه كيف الوحده شعورها لما تتمنى طفل اي طفل ولد او بنت
وفي بنات كثير هم الي شالو اهلهم مو عيالهم
فالواحد يدعي ان ربي يصلح ويهدي له ذريته
موضوعك كبيررر وكثير بقيمه
ياعسانا ماننحرم منك
زي ماعرفناك راقيه ورائعه
وفعلا يجب علينا الاتكال على رب العباد والالحاح بالدعاء
انا عندي 2 من سلفاتي ماجابو اطفال وحده لها 25 سنه والثانيه 13 سنه
والله اني بدعيلهم لاني حاسه باحساس الامومه وعارفه كيف الوحده شعورها لما تتمنى طفل اي طفل ولد او بنت
وفي بنات كثير هم الي شالو اهلهم مو عيالهم
فالواحد يدعي ان ربي يصلح ويهدي له ذريته
موضوعك كبيررر وكثير بقيمه
ياعسانا ماننحرم منك

كلاااااااااااااااااااام منا لصميم لصمييييييييييييييم
كنت مثلك اتمنى بنوته وووو لما قالت لي ولد ماانكر ان لكل فعل ردت فعل ومعت عيوني بس ري حمدته شوكرته على الصحه والعافيه
ومتعلقه فيه وابغى اشوفه وانا وياه بصحه وسلامه
يمكن لاني من زمان ابغى احمل ولما حملت ولما تعلقت بالحمل سقطت وكانوا تووم امنيتي بس عرفت انها خير
ومن يومها ونا مؤمنه وموقنه ان كل شي خيره حتى ول بدا لنا غير هالشي
اللهم لك الحمد ولك الشكر كما ينبغى لجلال وجهك وعظيم سلطانك
ومن يومها وانا الحمد لله افكر ابجابي بهالولد بس مايمنع شوقي للبنات شوقي مو اعترااضي
والله يجبه بالسلامه وتقر عيني بشوفته
كنت مثلك اتمنى بنوته وووو لما قالت لي ولد ماانكر ان لكل فعل ردت فعل ومعت عيوني بس ري حمدته شوكرته على الصحه والعافيه
ومتعلقه فيه وابغى اشوفه وانا وياه بصحه وسلامه
يمكن لاني من زمان ابغى احمل ولما حملت ولما تعلقت بالحمل سقطت وكانوا تووم امنيتي بس عرفت انها خير
ومن يومها ونا مؤمنه وموقنه ان كل شي خيره حتى ول بدا لنا غير هالشي
اللهم لك الحمد ولك الشكر كما ينبغى لجلال وجهك وعظيم سلطانك
ومن يومها وانا الحمد لله افكر ابجابي بهالولد بس مايمنع شوقي للبنات شوقي مو اعترااضي
والله يجبه بالسلامه وتقر عيني بشوفته

معك حق ريف الرياض بكل كلمه قلتيها
حنا وش نبي غير اطفال سليمين اصحاء ولاعجب ان نتمنى فبني آدم مجبول على التمنى والحلم.
فأنا مثلا عندما اتكلم واقول ابي بنوته خاطري ببنوته هل معناه اني اتشرط او انو لاجاني ولد راح ارميه بالعكس ...
شوفي اصغر عيالي كنا متوقعينه بنوته وزوجي لما درى بالمستشفى عن طريق السونار انه ولد مشى حزين وابتعد عني .
واليوم لو تشوفين هالصغير يأمرنا امر ولا كن عندنا غيره الكل بالكل سبحااااااان الله من شدة تعلق والده فيه لليوم ينام بيننا ووسطنا يحضن ابوه وينام .......
الخلاصه الأماني مابها شي اهم شي اننا واثقون بان الخيره فيما اختاره الله وان كل مايجي من الله حياه الله.....
تسلمين ريف ع الموضوع جد حسيته طالع من قلبك ربي ينولك مرادكـ........
حنا وش نبي غير اطفال سليمين اصحاء ولاعجب ان نتمنى فبني آدم مجبول على التمنى والحلم.
فأنا مثلا عندما اتكلم واقول ابي بنوته خاطري ببنوته هل معناه اني اتشرط او انو لاجاني ولد راح ارميه بالعكس ...
شوفي اصغر عيالي كنا متوقعينه بنوته وزوجي لما درى بالمستشفى عن طريق السونار انه ولد مشى حزين وابتعد عني .
واليوم لو تشوفين هالصغير يأمرنا امر ولا كن عندنا غيره الكل بالكل سبحااااااان الله من شدة تعلق والده فيه لليوم ينام بيننا ووسطنا يحضن ابوه وينام .......
الخلاصه الأماني مابها شي اهم شي اننا واثقون بان الخيره فيما اختاره الله وان كل مايجي من الله حياه الله.....
تسلمين ريف ع الموضوع جد حسيته طالع من قلبك ربي ينولك مرادكـ........
الصفحة الأخيرة