ما قدرت انام بسب هذه التلميذة الصغيرة وجيت احكي لكم عنها

يا بنات لي ساعة احاول انام ماقدرت

قلت لازم افتح عالمكم الجميل هذا عشان تقولوا لي اي شي

عندي طالبة صغيرة بصف ثالث

هي ممتازة بس فيه شوية اهمال ما القيت له بال

طول الترم وهي تغيب كثير وما احنا عارفين سبب الغياب

طبعا واجباتها ناقصة ودفاترها وكتبها ناقصة بسبب الغياب المتكرر

وطبعا كنت اخاصمها احيانا واخليها تكمل عندي بالصف

والله شكلي كنت ازعلها

يا ربي والله اني اكتب لكم ودموعي نازلة

اليوم واحدة من المعلمات سولفت معاها تستفسر عن غيا بها المتكرر

قالت ابوي اذا استلم بالليل يرجع الفجر تعبان ينام ومايسمع المنبه

عشان كذا نغيب ماحد يصحينا

قالت المعلمة طيب وامك ليش ماتصحيكم



















قالت امي ميتة يا ابله ؟؟؟؟؟؟؟؟؟؟؟؟؟؟؟؟؟؟؟؟؟

انصدمت زميلتنا وسكتت شوية قالت متى قالت في رمضان ماتت

وجات زميلتنا تقول لنا والله يا بنات ماتتصورون قديش انا حزينة عليها

وعرفت منها بعدين انهم كثيرين ماشاء الله واختهم اللي بالثانوي صارت تدرس

منازل عشان تتفرغ لرعاية البيت والغسيل والطبخ ورعايتهم

يا بنات مدري انا ليش قاعدة اكتب لكم

لاتحسبوني قسيت عليها في يوم واني حاسة بالذنب ابدا لان معاملتي مع طالباتي

ولله الحمد زي ما اعامل اولادي اذا خاصمتهم على شي لازم اصالحهم بعد شوية وفي

نفس الحصة

بس ماني قادرة انام لمن اتذكرها

الله يخيلكم ادعوا لها ولاخوانها ان الله يجيرهم في مصيبتهم ويخلفهم خيرا منها

ويعوضهم عن امهم خير ويصبرهم ويسخر لهم عباده الطيبين ويرحم امهم ويجعلها في الجنة امين