ما نبغا أمي تعيش معانا !

السلام عليكم


بداية موضوعي و باختصار
احنا اخوات و اخوان و امنا منفصله من ابونا من كم سنه و كلنا رافضين انها ترجع تعيش معانا بالبيت و هيّ مصره ترجع لنا
بعد الانفصال تزوجت امي مره ثانيه و انفصلت


البيت تحت ادارتها كان مفكك
كانت تحرش الاخوان على الاخوات و الاخوات بين بعض

يمكن تقولون ابالغ و ما تصدقوني
لكن هذا الي كان قبل ما تنفصل من ابوي


كانت اسرار البيت مفضوحه عند الناس و كانت تتكلم فينا حتى في الشرف و تخلي ابوي يشك
وصلت لحد انها تقول ان انا حامل و انا كنت بنت !
لا شك انها مريضه لكن وجودها بالبيت راح يدمر العايله


ابوي قرر يرجعها للبيت مش كزوجه ترجع كأم بس لكن امي تعاني من خلل في الأمومه


لما بعدت و انفصلت كلنا اتلمينا و رجعنا اخوه و استوعبنا اش كان صاير


الاذيه وصلت منها لحد دخول بعضنا المستشفى من قطع سكين و غيره
امي عند اهلها لكن تعيش لحالها في بيتها
ما رضت تسكن مع جدي او جدتي و هي مقاطعه خوالي و ما تختلط مع احد






كارهين وجودها بينا لان امي ما تختلط باحد و تحب تكون لحالها حتى و احنا معاها



و الي تقول الأم و حق الأم ..الله سبحانه ما يرضى الظلم في عباده


كم سنه عشناها بدونها و قاطعتنا و قاطعناها و راسلتنا رسايل جدا جارحه و كأنها مو هي الي اختارت تنفصل بعد ضرب و كلام بذيء مع ابوي


و من عاداتها دايم تخلي ولدها و هو صغير سنه عمره و تروح لاهلها و تخليه و سوتها 3 مرات مع اخواني الي تركتهم


انا خايفه تجينا و كل الذكريات الشينه ترجع


ما تتخيلون قد المشاكل الي صارت لحد ان حتى الخوال و العمام تقاطعو


الي يقول هي في حاجتنا الحين ..
انا اعرف امي تبغا السفر و الوناسه و الاستعراض بس


امي عايشة مرحلة الشباب للحين و مو راضيه تكرس وقتها كأم
تقول " انا ما انخلقت خدامه لكم "
مسؤولية البيت ما تبغاها
امي تتعامل بالسحر و حاولت كم مره تسحرنا و تسحر ابوي حتى تتحكم فيه


دايم تكلم رجال بغرض السحر لما كانت معانا و لما بعدت زادت دخولها بهالامور
كانت ترسل لابوي انتبه على بناتك راح يسوو فضيحه و ابوي وسوس و شك فينا


كانت تجيني رسايل و ارقام غريبه و احلم بكوابيس


انا متضايقه من دريت انها يمكن تجي احنا كبرنا الحين و اذا سوت معانا الي كانت تسويه راح تكبر المشاكل


اش الحل ؟!
ما نفع تواصلي معاها بالطيب تقلب علي ثاني يوم و تدعي علينا


اخواني يمكن يطلعو يعيشو برا البيت بس حتى يفتكو من المشاكل


احنا البنات اش نسوي





استغفر الله العظيم و اتوب اليه