ما هذة الاعراض ؟حمل دورة اجهاض ؟

سلام عليكم .
اسفة لو هطول عليكوا بس هشرح بالتفصيل عشان انا خايفة و محتارة .
انا متزوجة بقالي ٥ شهور بس متفقين ناجل الحمل عشان لسة بدرس و مش حابة حمل الفترة دي .
انا عادتا تيجي الدورة بعد ٢٥ -٢٨ يوم بس بقالها فترة منتظمة علي ٢٦ يوم ، بعد اخر دورة ب ١٧ يوم حصل جماع بيني و بين زوجي بس نسينا نعمل احتياطتنا فا زوجي اسفة في اللفظ بس مش عارفة اوضح ازاي ( لم يقذف داخل المهبل ) و من يومها و انا بحس ب الم بسيط في اسفل البطن قلت يمكن عشان مش المتعودين علية ، بعد ٧ ايام كدا نزلت مني افرازات مثل اللبن بيضاء و سائلة لدرجة اني افتكرة الدورة جت لان احيانا يحصلي كدا قبل الدورة بس لقيت لسة باقي عليها ٥ تقريبا و كان في وجع اسفل البطن و وجع شبه وجع الدورة مع امساك فكنت اشرب قرفة و اخذ مسكنات و طوال الفترة دي اعاني من امساك ، جية اليوم ال ٢٥ دا في الصباح شربت نسكافية و جاية اكل بيضة معجبتنيش ريحتها و بعد ما نزلت و انا في الشارع حسيت بغثيان و فعلاً تقيأت زي ما يكون النسكافية و في نص اليوم نزل في البانتي بقعة بني فاتح مايلة الي الصفار ف عملت احتياطاطي و حطيت فوطة صحية و بعدها بكام ساعة نزل نفس اللون البني الفاتح دا بس خط رفيع بطول الفوطة كل دا و اظن ان دا عادي اعراض الدورة و اشرب مشروبات دافية و سوائل، و بعدها و في اخر اليوم بمسح بمنديل لقيت في المنديل دم احمر فاتح و فيه زي نقط مثل الجلد او الخيوط لونها بني فاتح مائل للصفرة او اخري حمراء و مسحت تاني نفس الشي فضلت كدا لبليل ما ينزل شي في الفوط لكن بالمنديل دم فاتح و ملوش ريحة اوي و بينزل مع الدم زي كتل كدا او شعيرات دم بس بتكون رقيقة و رفيعة بتبان في التويلت اخر اليوم نزل الدم في الفوط بس قليل حتي تاني يوم غير بردوا دم البريود ، نازل قليل غير طبيعة الدورة عندي و رائحته مختلفة شوية بس مش قوية و الي الان اشعر بالام اسفل البطن لكن القئ ما حصلش غير مرة ، انا اسفة جداً للاطالة بس انا زوجي مسافر و اخاف احكي ل امي عشان بتقلق بسرعة . انا عايزة اعرف الدم دا ايه ؟ حمل ولا بريود ؟ ولا كان في حمل و دا دم اجهاض عشان شربي للسوائل و الادوية مع الحركة الكتيرة ؟ ارجوكو افيدوني و اسفة علي الاطالة بس مستنية زوجي يرجع غداً و اسوي تحليل . شكراً