موضوع مهم جدا ومنتشر بقوه بس عندي ملاحظه وياليت تتقبلينها بصدر رحب ؟؟
أولا يااختي مو كل من تدرس برا عندها بوي فرند ع قولتك في بنات رايحين للدراااسه واعرف كثييييرر بنات كذا
اما الي رايحبن للعب هذولا خليهم ع جنب
وبالنسبه للمحرم ,,, في كثير مبتعثات لوحدهم بدون اخ ولا اب ولا زوج لاسباااااااب !!!! مافي حد بيهمل بنته وبيتركها بدون سبب
مثلا ممكن طبيعه عمل الاب-الأخ-الزوج تحكم عليه انه ما يسافر كثيير او له اجازات محدوده !!!
او ممكن البنت تدرس بدوله بعيده والأب عنده ظروف تمنعه انه يسافر كل فتره
وصدقيني كل اللي مسافرين بدون أهلهم ,, أهلهم مرتبين وضعهم من سكن وفلوس ووووالخ كل الأشياء اللي يحتاجونها
ويكونون ع تواصل داااايم معاهم
واخر شي صدقيني حبيبتي,,,,,,,,,,((( المتربيه واللي تخاف الله والله لو تقعد بين الرجال بتظل متربيه وملتزمه))) !!!!!!
واللي ما يخااافون الله كثاااار وذكروا البنات اللي ردو قبلي النوعيات هذي!!
وبالاخير تعتبر وجهه نظر ,,,لا تزعلين,,, انتظر ردك ع كلامي هذا
موفقه
موضوع مهم جدا ومنتشر بقوه بس عندي ملاحظه وياليت تتقبلينها بصدر رحب ؟؟
أولا يااختي مو كل من تدرس...
فرح يستمر هالاحتقار للمبتعثات وظلمهم
على فكرة انا انسانة مبتعثة لي 6 سنوات
أعداد المنحرفين من المبتعثين الشباب يفوق اضعاف مضاعفة أعداد البنات
وفسقهم لو تشوفوه تقولوا هذا ماشم ريحة الدين بحياته , ومعروفين بين الكل وش يسوون ونشوف بعيننا على فكرة يعني مو افتراء مني
بنفسي أعرف بنت وأخوها البنت ملتزمة بحجابها وبصلاتها ومجتهدة بدراستها
أما اخوها فلا صلاة ولا عبادة ويشرب خمر وبارات ومراقص وعنده جيرل فريند ساكن معها بفلوس المرافق
وللعلم البعثة للبنت مو لاخوها حتى هو المحرم المرافق !
واحدة ثانية كذلك دكتورة جات مع زوجها ومشغولة بدراستها وعلمها
زوجها كل يوم بالبارات مع بنات وشرب ورقص
وكثير جداً كذا
فعيب تعممي وتقولي هالكلام وتقولي فقط للدكتوراه وماعرف وش
هذا هم شوفي المحرم اللي تتكلمي عنه وش سوى
وواحدة ثانية البنت تكرف وتتعب ومبتعثة وتدرس طب واخوها محرم معها
اخوها ماحصل قبول وله قصص عشق وغرام كل الكلاس يعرف عنها وهذا المفروض المحرم حقها للعلم اخوها اكبر منها !
وغير اللي تدرس وتتعب ويجي زوجها او اخوها المرافق " المحرم " سكران من برة ويعصب عليها ويهاوشها ويسبب لها مشاكل
هذا هو المحرم اللي تبينه ؟
وللعلم في بنات كثير حدتهم ظروفهم انهم يكونون بدون محرم
لأنه المحرم لازم يتنازل عن شغله وبيته ووقته لهالبنت , وهالشيء صعب
اعرف كثير بنات مالها الا ابوها ومايقدر يقعد عندها دايما واضطر يتركها ونفس الشي مع الاخ وغيره
واللي محرمها اتوفى واللي محرمها ماطلع له قبول جامعي والي واللي ظروف احمدي ربك انك ماطحتي فيها بدال نبرة الكلام هذا
التربية هي الاساس وانا لله الحمد لي 6 سنوات وعلى فكرة انا أعيش لحالي وشرعاً مو حرام اني اعيش لحالي المحرم في السفر لاغير وليس بالاقامة
" فإذا أوصلها المحرم إلى موضعها الذي تسكن فيه رجع ـ إن أمن عليها ـ ولا يشترط لإقامتها في بلد آمن أن يقيم معها محرمها، ففي فتاوى الشيخ ابن باز ـ رحمه الله: فإقامة المرأة في بلد بدون محرم لا ضرر فيه ولا حرج فيه، ولاسيما إذا كان ذلك لا خطر فيه
وأمّا الإقامة في بلاد الكفار لضرورة أو حاجة معتبرة مع أمن الفتنة والتمكن من التزام أحكام الشرع: فهي جائزة، وانظري الفتوى رقم: 23168."
والحمدلله امارس كافة حقي بالعبادة وبالحجاب ولا علي ضرر وعارفة ربي ولله الحمد اعطيت دروس بالقران والتلاوة واحاول اكون صورة مشرفة عن بلدي وديني
وغيري كثير جداً كذا
فما لأحد حق بعد كل هالتعب اللي نشوفه ومع كل هالفتن اللي احنا صامدين قدامها بسبيل دراستنا ومستقبلنا انه يجو ناس يحكمو علينا من فئات سلبية شوهت الصورة
والله اني ماعرفت قيمة ديني وماقربت لربي الا بعد مابتعثت , وصرت احس بطعم كل عبادة وجهدها وكيف أنه العبادة اللي ميسرة لي ببلدي في هناك مسلمين انسجنوا وانحبسوا وطلعوا مظاهرات ودخلوا محاكم فقط عشان بهالبلدان يمارسوها بحرية ,
حسيت فعلاً انه بدال مايكون ديني مجرد ماولدت عليه حسيت بقيمته وكيف هالاجنبي الي تربى ببيئة مختلفة تماما يسلم ويؤمن وافكر سبحان من هداه
وعلى فكرة , في كثير جداً هنا بنات مواليد هالدول وسط كل هالانفتاح على قولتكم والله انها اتقى مني ومنكم
سواء لبس سواء اخلاق سواء تعامل سواء عمل مسلمة حقيقية واتمنى اوصل منزلتهم ,
طول ما احنا حاصرين الدين بأنفسنا وحاصرين الدين بنطاق عادات وتقاليد مارح نشوف جيل متربي ومقتنع
ترا بهالدول ناس مسلمة ومساجد وجاليات مسلمة وبمجرد الابتعاث يعلموك اماكن المساجد والمراكز الدينية
الدين ليس سعودي فقط ! وكونكم تسبون وتقذفون المسلمات هذا اثم عظيم
الاولى لو الدين هامكم لهالدرجة تدعون لهم بالهداية وتفكرون بحل فعلي شلون ممكن تساهمون فيه
مثل انه كل مبتعث لازم يمر بدوره دينية ويكون بكل دولة ابتعاث دعم من مركز ديني يتابع الشباب ويناديهم لندوات ومحاضرات وحتى يخلوا حضروها والمشاركة فيها شرط اساسي لاستمرار البعثة
للاسف احنا بمجتمع كل واحد يتكلم وكانه ضامن الجنة
ونبرة احتقار " كشف الوجه وعبي ملونة إلخ " .. يمكن هذه عند ربي احسن مني ومنك
وعلى فكرة ملاييين المسلمات بالعالم بمختلف الدول من ماليزيا اندونيسيات تركيا الخ كلهم كاشفات ووجههم ومايلبسون عباية سودا
فهل هذول كلهم فاجرات ونعيب فيهم ونسبهم ؟
لازم الواحد يفكر بكلامه قبل لا يتكلم
ومين قال الدراسة مو صعبة ؟ الا صعبة لو مو صعبة ماكان اعداد فعلية ترجع بسبب صعوبتها وماكان في اعداد اكثر ماتحصل قبولات
وماكان في اعداد اكثر تطول بمدة دراستها ,
وثانياً انا مو فاهمة نظام : مب لازم تدرس مب لازم تروح خليها تقعد فشخرة الخ ؟
مين يعطيك الحق انك تتحكم برغبة شخص ثاني ؟ مين يعطيك الحق انك تتحكم هو وش يدرس ووين يدرس ومتى يدرس ؟
محد ولي على الثاني بلاش حتى تدخلوا بقرارات الناس انتي مايعجبك هالشيء لا تسوينه مانتي مجبورة
لكن مالك حق تقولي لأحد لا انت مو لازم تدرس برة ادرس جوة هذا شيء شخصي مافي لأي مخلوق الحق اانه يساومني انا وش أبي اسوي بحياتي وقراراتي
أساس الموضوع ماله داعي بأي شكل من الأشكال ..
مو عاجبك الابتعاث لا تبتعثي ولا تخلي عيالك يبتعثون انتهينا
تتفشخري انك متدينة ووو وضامنة الجنة ماشاء الله خلاص ادعي لغيرك بالهداية وربي عيالك على هالشيء
لكن الموضوع كله انتقاص وقذف وسلبية وازدراء !