يامرحبا بالمقبلين ... يامرحبا بالمقبلين ... اللي حضر والغايبين ... اللي حضر والغايبين .. لللللللللللللللللللللللللللللل لللللللللللللللللللولي ..
منذ فجر الزمن وانا ودي اكتب لكم وش اللي صار وش اللي حصل ..
اليوم مفاااااااااااااااااااااجأه لم تعهدوها من قبل ....
بناااااااااااااااااااااااااااا ااااااااااااااااااات ..
انا ..
انا..
انا ..
انا انخطبببببببببببببببببببببببببب بببببببببببببببببببببببببببببب بببت ..
لللللللللللللللللللللللللللللل لللللللللللللللللللللللللللللل للللللللللللللللللللللولي كللللللللللللللللللللللللللللل للللللللللللوش :icon28: بالله سمعوني زغروطه بكل لغات العالم هاهاهاهاهاهاي يافرحتي من قدي والله اني اسعد وحده بهالعالم .. يالله وش وجه زميلاااااااااااااااتي اللي يحلفون اني ما راح اتزوج ؟ والا الجارات اللي كل يوم وحده والثانيه تحش فيني يقولون والله ان اتزوجت لنحلق شعورنا .... هاهاهاهااااااي والله ودي من زمان انخطب مو للزواج لا بس نذاله ابشوف قرعاتهم خخخخخ الله لايبلانا
.. ياجماعه لا تحسبوني أحلم .. زي يوم كنت مديرة .. لا لا لا للمخدرات عفوا لااااااا للتحطيم والا الله تعالى كريم وما يعجزه شيء ,, طبعا كللللللللللللللكم تسألون من وين جا العريس ؟ ومن اللي دله على بيتنا ؟
هذا الله يطول عمركم في يوم من الأيام وانا غايبه عن المشغل .. كم يوم .. جات لنا أم جود تتذكرونها الله يذكرها بالخير الغاليه >>> بدت بالمصلحه المهم انه جت تزورنا وتسأل ليش منسيه ما عاد تجي ؟ قالت لها امي اني طفشت من كثرة الزباين واني اصبت بنوع من الزحمه في مخي واحتاج الى اجازة استحمام .. عفوا استجمام عشان افضي مخي شوي من الغبار .. طبعا ام جود بغت تموت من الضحك .. قالت أجل الزباين بيتذابحون عليها ؟ طيب .. واللي يجيب لها زبون صدق بينذبح على ما توافق تزبط أمورة ؟ قالت لها امي والله اني اخاف ان أمورة زابطه وتخرب بنتي .. زيتون يديني وانا اعرفها (بالله شوفوا امي ما قالت جبن والا قشطه على الأقل .. شبهتني بالزيتون ما فيه أمل تعطيني رتبه اكبر من كذا غير المقدوس وهذا في حاله كنت محرجه ) المهم وانا جايتهم بذيك القهوة السنعه .. وعند الباب اسمعها تقول لأمي .. انه وحده جتها للمشغل يوم من الأيام اللي كنت غايبه فيها ( وجع مالقيت اغيب الا في يوم وحده تدورني فيه ؟ لولا اني طحت في وحده تخاف الله ( ام جود) كان مداها اخذت العريس لبنات خواتها .. المهم قالت انها سألت عني قالت لها امي يابنت الحلال لايكون يبونها شغاله والا تخوف الورعان ؟ اما زواج فلا ااااااااااااا ما أظن ... ياشينك يمه يوم تكرهين الناس فيني الحين الآدميه راضيه انتي ليش زعلانه ؟ قالت لا والله انها قالت تبيها عشان تزوجها اخوها .. وانا من الفرحه طاحت الصينيه من يدي ورحت جري على ام جود وانط عليها واتحضنها بحرارة واغني ورافع الراس سعودي وشايل الكاس سعودي
.... الحرمه جاها تشنج في رقبتها يوم اني انطنط عليها من يوم دخلت بالقوة هدتني قالت اما اتركيني والا بقول للحرمه ما عندنا بنات للزواج .. انا لااااااااااااااااااا والله أتوب وأعقل خلاص .. بعدين طالعت فيني من فوق لتحت ( اعرف هذه الظرة نظرة اعجاب طبعا بلبسي لأني ما احب انزل للناس الا وانا في احسن منظر ) طبعا انا كنت لابسه جلابيه ذهبي مطرزة بفضي تدرون لزوم الشياكه والهدوء صعبه كل ما رحت عند احد والا جيت وانا لابسه لبس مبهرج بزياده والا وش رايكم ؟المهم ولميت شعري على فووووووووووووووق وخليت الباقي كله مفرود مثل عبسي يعني ما شاء الله عليه طلعت قمر 29 ( دايم يقولون 14 بس احس انه قليل عشان كذا اخذت اكبر عدد من الشهر ) مدري حسيت ان الدنيا تلف وتدور فيني ليش ؟ ما ادري اظنها جتني عين اظني انحسدت يوم اني انخطبت لكن ما طحت خسارة بغيت اسوي اني ناعمه لكن ما زبطت معي المهم .. قالت امي خليني اسأل البنت وأبوها وارد عليكي انا قلت لها وانا موافقه .. امي بغت تاكلني بعيونها قالت ابوك باقي ما كلمناه قالت الحرمه عاد من اليوم لين تجي الحرمه (متأكدة اننا بنوافق ) لازم تعتنين بنفسك قلت يعني آكل زين واتروش كل اسبوع ؟ صعبه .. قالت الا تروشي كل دقيقه خل هالريحه تروح لا ينحاش العريس قلت لها اذا ريحتي ما تحبينها وش تحبين فيني؟ ضحكت و قالت والله لو ما اعرف ان قلبك ابيض ما جيتك لكن اسمعي ضبطي امورك نتفي يدينك وسيقانك وزبطي شعرك وامورك كلها قلت طيب ليش انتف قالت عشان ما يلخبط بينك وبين اخوك صالح ( ياربي الحين من يلقط وجهي ؟) ودعتنا الحرمه وراحت .. وهي تضحك وانا معها لين خرجت مع الباب حتى اني بغيت ألبسها جزمتها >>>>>>> مصصصصصصصصصلحه برضه ..
وطلعت بعدها غرفتي وأنا اتمرجح وانقز على الدرج وأغني واهني من شاف زولك يانوال وانتي ترقصين ... وللللللللولي وابويه خارج من غرفته .. ليشه الصياح كله وهالخبط في الدرج وش فيه طاح شيء ؟
انا ..
قلت بابا .. انا ..
انا
.
.
انا
.
.
آآآآآه انخطبت وحتجوز قريب عقبالك ان شاء الله
..قال نعم ؟ وبدا ينزل العقال عاد انا شفت يده انمدت للعقال على طول راح الدلع والغنا وبدت الرجفه وما دريت وش اقول قلت واحد شافني وحبني وجاء يخطبني من امي .. ( جبت العيد ) الا عيونه بغت تطلع
ونزل العقال صدق الا وربي انقذني بأمي مسكت يده قبل ما يمدها علي واستغليت الفرصه وما تشوفون الا غباري مع الدرج..طبعا امي فهمته الموضوع وقالت له كلللللللللللللللللل شيء ..
عاد انا دخلت غرفتي وانسدحت على السرير وما تذكرت الا شيء واحد ..:arb: خطيبي ..
وبديت افكر في فستان الزواج كيف يكون شكله ؟ طبعا لاااااااااااااااااازم يكون فستان ابيض وفيه بروش وردي من فوق مثل فستان ليدي بالضبط ياااااااااااااااااالله من اول يوم شفتها فيه الا اليوم وانا احلف يكون فستان زواجي مثل فستانها ..
ويكون شعري اصفر ومفرود والتاج ذهبي يااااااااااكبرة على راسي .. وتكون السياره عبارة عن عربه بيضاء مرصعه بالكريستال ويجرها حصانين مثل هذه
( احساسي يقول انه بيجيني بلكزس سوداء ياسلااااااااااام ).. حصانين؟ والا حرام والله ما يمديهم يجروني لوحدي يمكن يبي لي فيل يجر العربيه .. والجزمه شفافه وتبرق مثل جزمه ساندريلا ..أما العريس فهو أشقر .. طويل .. ابيض .. عيونه خضر .. اهم شيء نحيف ما احب المتين .. غني رومنسي خفيف دم مثلي .. ويعرف يركب على الخيل عشان يعلمني .. يتكلم انجليش وفرنسيش و هنديش ما يدخن وما فيه مرض من الأمراض المعديه وما يتروش كثير ( بس عشان المويه ما تخلص ) بس كفايه ..
يالله متى يجي ذاك اليوم اما راح ارقص رقص ما يعلم به الا الله جميع انواع الرقص عربي وغربي
( اما ذي كثري منها باليه قال انا ليتني امشي على رجولي زين بس الحمدلله )وهندي وجاوي وبنغالي بس يجي ذاك اليوم ..وانا في عز افكاري الا ينقطع حبل افكاري على صوت دبج الباب ( دبج يعني ضرب الباب بقوة ) ودخلت امي .. قامت تقول وانا امك .. من اليوم ما فيه أكل .. ما فيه مضاربات مع العيال ما فيه روحات وجيات عالبقايل مثل البزران ما فيه الا نعومه ورقه .. انا قلت يمه احرميني من كل شيء لكن علميني كيف اكون رقيقه ؟ قالت امي .. اسمعي وانا امك اهم شيء تتكلمين مثل الحريم قلت كيف ؟ قالت والله ما ادري بس حاولي تتدلعين قلت كيف ؟ قالت الله يغربلك ما ادري .. لكن شوفي التلفزيون وقلدي الممثلات .. عاد انا ما عجبني الا وحده نعوووووووووومه قمت اقلدها ونجح التقليد الا وامي جايبه لي وحده معاها قالت لي هذه تبي تسوي لك تنعيم وتنتف .. انا قعدت ابكي
لااااااااااااا يمه الله يخليكي لاااااااااا وامي تسحبني كني رايحه للإعدام لا يمه خلاص والله ما عاد ازعلك وامي تقول يابنت لازم عشان اذا شافك يقول وش هذه البنت الناعمه اللي تهبل قلت هاه ؟ ( امي ضربت على الوتر الحساس ) قلت طيب بس ما تعورني ؟ قالت لا ..وبدت الحرمه في عملها واول ما حطت الحلاوة الا وااااااااااااااااااااااااا وآخذ يد الحرمه واعضها بقووووووووووة قالت والله ما اقعد وامي راضتها ووعدتها بالزياده وبالقوة رضيت وجلست تنتف وانا ابكي قالت امي وش قلنا قلت طيب طيب ,, والحرمه تقول ايش هذا انتي قرد والا بنت ؟ المفروض انك تعتنين ببشرتك اول بأول مو تجلسين لين تطلع هالغابات هذه .. وانا صابرة ومستحمله .. وهي تهزئ وانا اطالع امي وامي تغمز لي ( يعني اسكتي ) والله حرام مو كفايه انها تعذبني وباقي تهزئ ؟ وانكتمت وما خلصت الا وانا طالعه طماطه محروقه من تحت يدينها حممممممممممممرا دجاجه منتفين ريشها حتى هي تقول لأمي لو حطيتوها في نتافه الدجاج كان اسهل وياهي طلعت لي حساسيه قمت احك جلدي مثل الجربانه واخواني ميتين ضحك وانا قمت اضارب قالت امي هاااااااااااااه ؟ قلت ايوه صح .. وبدلع قلت الله يسامحكم ... يالله طلعت من فمي كأني فضه قلبها ابيض هذا التقليد الصح والا بلاش عجبتني وهي تتدلع قمت اقلدها ... كله عشان خيال الفرس اللي بيجي وياخذني على... حصانه الأبيض قالوا والله ليبنشر حصانه وما ياخذك الا في شاحنه ..
انا ارتفع الضغط عندي بس استحمل وساكته ..
وبعدها سألت امي قلت وش ألبس ؟ قالت يوم الشوفه هو اليوم اللي لازم تكونين فيه احلى بنت في العالم .. لازم تطلعين بأحلى لبس .. قلت بس أنا لبسي قديم لازم اروح اشتري ..
واتصلت على وحده من صاحباتي اللي في المشغل ( اجنبيه) ونصحتني يكون لبسي هذا اليوم كلللللللله اغراء انا قلت واخزييييياه يشوفني وانا مغراة قالت هذا عشان يطيح في حبك وماعاد يفكر يروح مرة ثانيه ..قلت شورك وهدايه الله .. قالت لبسك رح يكون ....... واعطتني التفاصيل بكل دقه ...
والله اثريها قويه ماهي سهله ..
ومر وقت وانا على التجهيزات وما امشي الا كذا
.. تبون تعرفون جهازي ؟ والا اقول خلوه في المرة الجايه ان شاء الله
الجزء الجاي ان شاء الله الجزء الأخير .....
لذا اتمنى تردوا ردود حلللللللللللللوة ياحلوات ....