بصراحة حيرتيني معاك بيت اهلك على حسب شرحك بصراحة ماينفع لوحدة نفاس تبغالها راحة وهدوء واهتمام واكل وترتيب ونظافة وبصراحة بيتك انسب شي وماعليك من كلام الناس انتي التعبانه والنفاس مو الناس يعني لا تسوين حساب للناس وخليك في بيتك اريح لك وجيبيلك شغالة عشرة ايام لين تتحسن حالتك وبعدين صرفيها ومن ناحية الاكل بصراحة المطاعم ماخلت شي من اكلات شعبية لاكلات عربية واجنبية ومطاعم للاكل الصحي وانا عن نفسي بغربة لا اهل ولا احد عندي بجيب لي شغالة الفترة الاولى والاكل اتفقت انا وزوجي يجيب لي من برا لين تتحسن حالتي واقوم اطبخ ع الخفيف وربك كريم

الله يعينك يا ختي
ماعندي راي لك للاسف

اجل شقول عن حالي بغربه ومالي احد غير زوجي
وماعندي من يقوم له ويقوم لي
الله المستعان

انا اشوف انه الغرفه اللي فيها البطانيات طلعي البطانيات فوق وحطي فيها مكيف او نزلي مكيف غرفتك فيها وحطي لك سرير وخليك فيها على الاقل بتكونين قريبه من امك لو احتجتي شي ...او اذا الناس اللي يجونك في النفاس قليل يعني مو كل يوم يعني مرتين مره في الاسبوع اجلسي بغرفتك اللي فوق افضلك بعيد عن الازعاج واذا جاكم احد انزلي بشويش مع الدرج وخليك جالسه شوي عندهم بعدين اطلعي غرفتك وحريم اخوانك وخواتك اذا جو يطلعون عندك انتي لاتنزلين ...وسالفة الطبخ اتفقي مع خواتك وحده منهم تنام عندكم اسبوع بعدين تروح وتنام الثانيه اسبوع او اذا عندهم بنات كبار يجلسون عندك يطبخون لك اكلك وانتي بعد اسبوعين تقدرين تطبخين او تعلمين شغالتك وتشرفين على طبخها يعني حبه حبه حتى تتعلم ....والافضل انه من الحين تعلمين شغالتك يعني يوم علميها كيف تسوي المرقوق وقولي لها بكره سوي مرقوق عشان تعرفين اذا فهمت او لا واليوم اللي بعده علميها العصيده ....وبكذا تتعلم وتفهم وشجعيها جيبي لها اي هديه ...والقهوه وشاي النفاس سهل اكيد راح تتعلمه بسرعه ...واكتب لها جدول بمواعيد اكلك عشان تعرف الوقت وماتتأخر وانتي ماتجوعي .....الله يسهلك ويسهل ولادتي على خير

الله يكون بعونك شوفي انتي وين بترتاحين واجلسي
لان الراحه النفسيه مهمه

ربنا يقدملك اللي فيه الخير