متحطمه من وزني

ايه والله وانا مثلك قبل الدورة باسبوع يزيد وزني....وباقي الايام انحف...بس ترى ماله داعي تتحطمين خليك عرجيمك ومن اول ماتنزل حتشوفي نزلتي كيلو او كيلو ونص...وازا تبغين ماتكسري رجيمك عالاخر بس كلي بهدوء....

ارتاحي بالدوره وبعدها كملي

باقي الدوره عليها خمس ايام السؤال الحييين هل استمر بالرجيم لحد نزول الدوره او بتعب على الفاضي وتجويع وماراح ينزل الوزن

تبغين تاكلين كلي مااحد رادك !!! تجمعون دهون سنين وتبونها تنقص باسبوعين !!! افهمي واقري بالانظمه واعرفي كيف تتعاملين مع جسمتس واكلتس ..... رجيمم صح او خطأ ؟؟ رجيم بدون رياضه وحرق اكبر غلط والميزان ماهو مقياس .... قيسي بالمتر والله يسهل لتس

وش نوع الرجيم اللي تسوينه ؟

بس احب اقول لكم شي بخصوص تخفيف الوزن أي رجيم تحسين فيه بالجوع اعرفي ان هذا غلط ومستحيل تكملين فيه واذا نزل وزنك كم كيلو بترجعينها دبل ومعها تساقط شعر وفقر دم

لانك حرمتي نفسك وجوعتي نفسك والجسم يرفض التجويع والحرمان ويبدأ يقاوم يخزن دهون ويبطء الحرق

افضل طريقه للتنحيف كلي بمزاجك من اللي متعوده تاكلينه دايماً لكن احرصي انه يكون بدون دهون وسكريات وبدون مايونيز وطحينه وزبدو فول سوداني وحلاوه طحينيه

والكميه خليها نص اللي كنتي تاكلينه قبل

مثلا الفطور بدال 2 ساندويش او 2 توست وملعقتين جبن وزبدة فول سوداني وكوب حليب وسكر // خليه 1 ساندويش واحشيه بأشياء ماتسمن مثل خس وخيار وطماطم ومسحه خفيفه جبن او احشيه بيضه مسلوقه او مخفوقه وحطي جنبه خيار وطماطم وخس واشربي معه نص كوب حليب قليل السكر او نص كوب عصير بدون سكر

مثلاً الغدا اذا تاكلين 10 ملاعق رز وصدر دجاج // خليه 5 ملاعق رز ونص صدر دجاج واضيفي جنبه كوسه او باذنجان او بروكولي او قرنبيط مطبوخ بصلصه حمرا او مشوي بالفرن وضروري جداً طبق السلطه الخضرا لان هو اللي راح يعبي بطنك ويشبعك

مثلا العشاء اذا تاكلين ساندويش شاورما او مشاوي كبير // خليه ساندويش صغير وابعدي عن المايونيز والطحينه واضيفي جنبه طبق سلطه خضرا

قيسي الامثله على كل وجباتك


وبين الوجبات ضروري تاكلين شي خفيف يشبعك ويسد جوعك مثل كوب او كوبين شوربه مثل كنور او ماجي سعراته خفيفه ومايسمن

او خذي لك حبه فاكهه

او طبق سلطه خضرا معه شوي باذنجان مشوي وملعقه زبادي

او كوب او كوبين فشار بالمايكروييف بدون زيت

ومره بالاسبوع او الاسبوعين اذا اشتهيتي شوكلاته خذي قطعه صغيره كبر علبة الكبريت او اصغر

وكذلك الشيبس اذا اشتهيتي خذيه مره بالاسبوع او كل اسبوعين

واكثري من شرب الماء طول اليوم


ممنوع تجوعين نفسك او تحرمين نفسك من شي تحبينه اكثر من اسبوعين


والرياضه والحركه اللي ترفع دقات القلب هي اهم شي للتنحيف سواء هروله او رقص او صعود ونزول الدرج ، رجيم بدون رياضه كنك تمشين فوق ظهر سلحفاه بطيء

وبالنسبه لثبات الوزن قبل الدوره شي طبيعي واذا نزلت يخف الوزن

لكن احذري من التجويع شوفي نفسيتك كيف تعبت بسبب الحرمان وتفكرين ترجعين تاكلين مالذ وطاب بدون مقياس