السلام عليكم ورحمه الله وبركاته
عندي مشاكل واتمنى من الفاهمه والعاقله تنصحني عالشي الصح ..
المهم انا متزوجه مشاءالله من 4 شهور طول الفتره دي كل يوم الاحظ زوجي متغير اهتمامو قل خوفو على زعلي قل لغايه ما سار عادي عندو يجرحني ويبكيني كل يوم مدري ليه!!
قبل كل شي هوا اكبر مني ب 10 سنين ، يحب يحارشني عالصريخ والنكد اتغير مره كنو مسحور وشاكه انو يعرف وحده وعندي اسبابي تخليني اشك أولا جوالو ممنوع افتحو والوتساب والرسايل شايل اشعاراتها ولما اقلو ليش كده؟ يقلولي في الدوام اصحابي ملاقيف! انا مو مصدقه دا اللي اتزوجتو مو مصدقه كيف في 4 شهور سار انسان نكدي وحق مشاكل ، ايام الملكه كان مسوي طيب ويخاف على زعلي دحين مو محترمني ونا سرت حقيقي ما اقدر اتحمل دايما اكسر في البيت واسبو وحتا بسب اهلو غصبا عني دايما واقف في صف اهلو عندو اختو اسلوبها جاف مره معايا لما اروح ازور اهلو بلقوه تقولي اشربي القهوه اشربي وتزن كم مره ومره في العيد رايحه الحمام الله يكرمكم اعدل مكياجي تقولي ايش عندك في الحمام وايش معاكي في الشنطة !!!! ولما قلتلو على اختو بعد فتره طويله لاني ما قدرا اتحمل اسلوبها يقولي الحل لا تكلميها ولا تكلمك بله داا حل؟! ايش فيها لو وقف معايا وبس قلي كلام طيب ليش يحسسني من يوم ما اخد اللي يبغاه مني اتغير ؟ دا غير لما احتاج شي زي اروح مستشفى ولازم اخلف كم ضرس ما يوديني الا بلقوه ، قال انو حيدق على بابا ويقلو انا ايش بسوي بس ما دق لسا .... يابنات انا حقيقي تعبت منو ودحين انا عند اهلي جابني ولا فكر حتا يدق او يسال و مو اول مره يجيبني ولا يسال ..معليش طولت عليكم بس انصحوني ايش اسوي وكيف اتعامل معاه وشكرا.
fooofa229 @fooofa229
عضوة جديدة
يلزم عليك تسجيل الدخول أولًا لكتابة تعليق.
وعليكم السلام ورحمة الله وبركاته
صلي على النبي حبيبي واستهدي بالله
اول شي مرة مو عشين مقفل الإشعارات ومقفل جوالو ومايبغاكي تمسكيه يعني يخونك وعندو مصيبة
انا نفسي اعمل كدا مره اكره احد يمسك جوالي حتى بنتي الصغيرة اخبطها على يدها ازا مسكتو وازا قمت دقيقة واتزكرت اني ما قفلتو أرجع بسرعة اقفلو هل دا يعني اني بعرف واحد على زوجي لا سمح الله !!!
طبعا لا بس خلاص احس جوالي عالمي الخاص ليش يشوف جوالي وأشوف جوالو اصلا !
و ي بنتي لسا دوبكم من 4 شهور متزوجين ايش الله حاوجو يتزوجك لو بيخونك في دي المدة الي ما شاف خيرك من شرك فيها
تاني شي وضحيلي ايش يعني ما يحترمك هل هو يضربك يسبك ويسب اهلك يسكتك ازا اتكلمتي يمد يدو عليكي ؟! دا عدم الاحترام الي اعرفو !!
تالت شي موضوع اختو دحين بالله زعلانه عشين قلك لا تكلميها ايوا لا تكلميها من جد يعني تبغيه يمسكها يرنها علقة ولا يسبسبها ولا يسلك لك ؟!
اصلا مفروض ما تروحي تتشكي عليها انتي ست بالغة لو كانت جارتك ولا صحبتك حتتصرفي معاها وتسكتيها ولا حتجي تشتكيها لزوجك كمان !؟
واخر شي حبيبتي ليه من البداية يقول لبابتك اش بتسوي وتدخلو اهاليكم بينكم انتي وهوا ناس كبار عقال مسؤولين حلو مشاكلكم بنفسكم قوليلو تعال ي فلان اجلس خلينا نتكلم ابغى حياتنا تكون كدا وكدا اتكلمي معاه صارحيه واسمعي منو انتو عايشين ببيت واحد ليه تدخلو طرف تالت بينكم ؟!
ترا يا حبيبتي كلنا مرينا بدّي الظروف من ناحية يتغيرو فعلا يتغيرو بعد الزواج بس دا شي طبيعي اول كنتي بعيدة عنو يبغى يكتشفك ويلفت انتباهك غير الحماس الفطري الي يكون عنده بس مو معناتو انو دحين يكرهك
وبالنسبة لتأخير الطلبات والمشاوير فحدث ولا حرج والله من لما اتزوجت ليومك دا وزوجي اطلب منو الشي 100 مرة واخر شي أسويه بنفسي حتى الأنوار محروقة رسلت الحارس يجيبها وجا طلع ركبها كسلانين مع وسام الشرف حبايبنا
ازا انتي دحين عند اهلك وزي ما قولتلك ما في سبب من الي فوق اتصلي عليه قوليلو اشبك حبيبي ما جيت تاخدني نسيتني ولا ايه ؟! 🤔 وخديها بمزح وضحك
وبليز بلاش زعلات كدا على اشيات صغيرة لا تخلي روحتك ع بيت اهلك زعلانة الا للشديد القوي
ضربك أهانك خانك ولا يتعاطى شي او لا قدر الله شاذ ولا حرامي او ما بيقوم بواجباتو الشرعية
اما مشاكل زي كدا دي سنة الحياة وشي طبيعي بين اي زوجين م في حياة تجيكي كدا سااااالكة انتي بس تعيشيها وتكون مثالية الا في بيوت الدمى بس احنا بشر
سوري حبيبي طولت عليكي بس يارب تتقبلي كلامي
والله يهدي سرك ويسعدك يار
صلي على النبي حبيبي واستهدي بالله
اول شي مرة مو عشين مقفل الإشعارات ومقفل جوالو ومايبغاكي تمسكيه يعني يخونك وعندو مصيبة
انا نفسي اعمل كدا مره اكره احد يمسك جوالي حتى بنتي الصغيرة اخبطها على يدها ازا مسكتو وازا قمت دقيقة واتزكرت اني ما قفلتو أرجع بسرعة اقفلو هل دا يعني اني بعرف واحد على زوجي لا سمح الله !!!
طبعا لا بس خلاص احس جوالي عالمي الخاص ليش يشوف جوالي وأشوف جوالو اصلا !
و ي بنتي لسا دوبكم من 4 شهور متزوجين ايش الله حاوجو يتزوجك لو بيخونك في دي المدة الي ما شاف خيرك من شرك فيها
تاني شي وضحيلي ايش يعني ما يحترمك هل هو يضربك يسبك ويسب اهلك يسكتك ازا اتكلمتي يمد يدو عليكي ؟! دا عدم الاحترام الي اعرفو !!
تالت شي موضوع اختو دحين بالله زعلانه عشين قلك لا تكلميها ايوا لا تكلميها من جد يعني تبغيه يمسكها يرنها علقة ولا يسبسبها ولا يسلك لك ؟!
اصلا مفروض ما تروحي تتشكي عليها انتي ست بالغة لو كانت جارتك ولا صحبتك حتتصرفي معاها وتسكتيها ولا حتجي تشتكيها لزوجك كمان !؟
واخر شي حبيبتي ليه من البداية يقول لبابتك اش بتسوي وتدخلو اهاليكم بينكم انتي وهوا ناس كبار عقال مسؤولين حلو مشاكلكم بنفسكم قوليلو تعال ي فلان اجلس خلينا نتكلم ابغى حياتنا تكون كدا وكدا اتكلمي معاه صارحيه واسمعي منو انتو عايشين ببيت واحد ليه تدخلو طرف تالت بينكم ؟!
ترا يا حبيبتي كلنا مرينا بدّي الظروف من ناحية يتغيرو فعلا يتغيرو بعد الزواج بس دا شي طبيعي اول كنتي بعيدة عنو يبغى يكتشفك ويلفت انتباهك غير الحماس الفطري الي يكون عنده بس مو معناتو انو دحين يكرهك
وبالنسبة لتأخير الطلبات والمشاوير فحدث ولا حرج والله من لما اتزوجت ليومك دا وزوجي اطلب منو الشي 100 مرة واخر شي أسويه بنفسي حتى الأنوار محروقة رسلت الحارس يجيبها وجا طلع ركبها كسلانين مع وسام الشرف حبايبنا
ازا انتي دحين عند اهلك وزي ما قولتلك ما في سبب من الي فوق اتصلي عليه قوليلو اشبك حبيبي ما جيت تاخدني نسيتني ولا ايه ؟! 🤔 وخديها بمزح وضحك
وبليز بلاش زعلات كدا على اشيات صغيرة لا تخلي روحتك ع بيت اهلك زعلانة الا للشديد القوي
ضربك أهانك خانك ولا يتعاطى شي او لا قدر الله شاذ ولا حرامي او ما بيقوم بواجباتو الشرعية
اما مشاكل زي كدا دي سنة الحياة وشي طبيعي بين اي زوجين م في حياة تجيكي كدا سااااالكة انتي بس تعيشيها وتكون مثالية الا في بيوت الدمى بس احنا بشر
سوري حبيبي طولت عليكي بس يارب تتقبلي كلامي
والله يهدي سرك ويسعدك يار
دكتوره رانيا انا زوجي اتزوجني وكان يبيلني حبو وحنانو ايام الملكيه وبعد الزواج بشويا بس بعد فتره سار يزعلني يبكيني يشوف دموعي اكوم ولا يهمو ليش تقولي يتغيرو بعد الزواج حتا لو كان ايام الملكه في وله ووحشه بس انا دحين جنمو المفروض اشوف حبو اكتر وليش طيب انا ما اتغيرت بلعكس انا سرت احبو اكتر مشاءالله دي نقطه التانيه هوا دايما محسسني انو اهلو اهم مني طيب ونا ؟ انا احتاجو انا سبت اهلي عشانو ورحت مدينه تانيه انا قايمه بواجباتو وشوؤن البيت ما اطلب طلبات فوق طاقتو ليش دي نتيجه حبي له؟ وبعدين بسالك منجد بعد الزواج كده تصير مشاكل؟ ولا بس انا هوا؟ نفسي يرجع زي اول انا لو مقصره معاه اقول بس والله على ما اقول شهد لا اتعلمت الطبخ عشانو مشاءالله اكوي وانظف ودا الاخر!!! وغير دا كم مره يجيبني عند اهلي ولا يتصل لما جابني دحين كنت انا وهوا وامي بنتفهم يقطع كلامي يحاول يوترني وعصبت قام مشي وراح اناديه مايرد امي قالتلي لا تدقي عليه دا عندو شي في راسو حتا لو يبغاني ما يقوم زي كده ويطنشني لكن ما اقول غير حسبي الله ونعم الوكيل
الصفحة الأخيرة
و نفس مشكلتك زوجي تغير مو مثل قبل اهتمامة لي بس احاول استعيد يعض الأشياء بالمعاملة الحسنة و الكلمة الطيبة والله يصلح الحال
انتبهي تصارخي عمر الصراخ و الزعل ما جاب نتيجة
و يمكن من كثرة الزعل و الصراخ خلاص مل من كثر ما يراضي ف أنتبهي على أي شيء تزعلين
خليك هادية ولا تجيبي سيرة أهلة أنا بمشاكل معهم بس ما جبت طاري لهم عندة أحياناً بتكلم عنده بس أمسك نفسي ،،
الله يصلح حالكم و يسعدكم