:16:
السلام عليكم ورحمة الله وبركاته
خواتي بنات حواء
لي صديقة عزيزه علي وايد واحبها واحترمها يعني الخلاصه اشوفها مثال احب اقتدي بها واكون مثلها بكل شي يعني هاي صديقتي ماشالله عليها عاقل وتحب زوجها وعيالها ودايما تصرفاتها مع زوجها وعيالها تعجبني وتشد انتباهي ازيد على هذا ان زوجها يحبها موووووت :) ولا يقدر يستغنى عنها ونفس الشي بالنسبة لاهله واهلها الكل يحبها حتى الجيران والمعارف وصديقتي هاي بالاضافه لجمال شخصيتها جميله ايضا بشكلها وكل اللي كان يعرفها او شافها يتمنى تكون شريكة حياته :27:
اوكي لين هنيه مافي مشكله بس المشكله اللي عرفته منها واعترفت لي فيه من فترة بسيطه :(
صديقتي هاي مادري شنو اللي خلاها تدش شات وتفتح المسنجر وتعرفت طبعا على بنات وشباب اصغر منها وقامت تكلمهم يوميا وتعيش بقصه وبشخصيه غير شخصيتها الحقيقيه معاهم يعني تمثل عليهم انها بنت صغيره ومو متزوجه وفي واحد من الشباب هايم فيها ويحبها ويبي يتزوجها :mad: وهي فرحانه بحبه لها وتكلمه بالتلفون بعد !!!!!!
واللحين هي ماتدري شتسوي بعد مالاحظت ان هالشاب متمسك فيها لاخر درجه يعني تبي تتخلص منه بس كل ماتنهي علاقتها فيه ترجع له مره ثانيه وبنفس الوقت خايفه انها تنكشف ويعرف زوجها او يعرف الشاب انها تكذب وتمثل عليه
تخيلو ان صديقتي اعترفت لي بهالشي لما لاحظت انا عليها انها متغيره ومتضايقه وبصراحه طاحت من عيني بس هي تقول لا يغرك زوجي صح يحبني وييحترمني بس زوجي دايما مسافر ولا يدري عني وحتى ما يفكر في يوم انه يسوي لي مفاجاه يعني هديه او طلعه او حتى يقولي كلام حلو من غير مااطلب منه او تكون له حاجه انه يقوله :(
يعني تقول انها كانت تعيش ضغط نفسي وفراغ عاطفي خلاها تسوي اللي سوته كانت محتاجه لاشباع عاطفي وكلام يملى لها قلبها وحياتها ويعيشها سعيده وينسيها هم العيال ومشاكل الشغل وبعد زوجها
بصراحه انا طاحت من عيني لما قالت لي هالكلام :16:
يعني توقعت تقول لي اي شي الا هالكلام المصيبه انها ممكن تدمر حياتها بيديها يعني حياتها اللي الكل حاسدها عليها بتضيع بسبب مراهقه و غلطه لا يمكن تصدر من وحده مثلها !!!
اللحين هي تقول ندمانه بس ماتعرف شتسوي :44: لانها حاولت كم مره تقطع علاقتها مع الشاب بس ترد وترجع له مره ثانيه وتقول ان زوجها ولا حاس فيها وانها قعدت وكلمته كذا مره وحاولت تلمح له انها بحاجه لوجوده وحنانه وعواطفه بس هو مو حاس فيها ومعطيها الثقه كامله ولا يسألها عن شي او يحاسبها على شي
خواتي شرايكم فيها انا فكرت اني اقطع علاقتي فيها بس خايفه ان هالتصرف يخليها تفقد صديقه تعينها على انها تقطع علاقتها وتنهي اللي تسويه
والله محتاره وصرت ماعرف كيف اكلمها ولا كيف انصحها وااثر عليها مع العلم انها هي اللي كانت دايما تنصحني وتحل مشاكلي وتقول لي اللحين لما احتجت لج تتخلين عني ولا تساعديني :29:
ملاحظه كل اللي بينها وبين هالشاب مجرد كلام بالتلفون وبالمسنجر بس يعني لا شافها ولا يعرف الا اسمها الاولي بس وهو طبعا مو اسمها الحقيقي
غرشوب رعبوب @ghrshob_raabob
محررة برونزية
يلزم عليك تسجيل الدخول أولًا لكتابة تعليق.
سنوبس
•
المسالة جدا خطيرة وين اللي تقولين انها عاقله؟؟؟؟اذا كان هذي عاقلة وش نقول عن المرجوجين؟الله يعافيها ولايبتلينا::::انصحيها وقولي لها خافي ربك تراك متزوجة وعندك عيال واحسن لك اهتمي بزوجك وبيتك واولادك ولاتخربين بيتك بنفسك واتركي عنك خرابيط المراهقين عيب والله عيب ولو درى زوجها ممكن مايكتفي بالطلاق فقط ممكن يفضحها عند خلق الله وتصير سمعتها شينة وممكن ينتقم منها لانها دنست شرفة::::قولي لها ان هذا الموضوع خطير جدا:::::واذا شفتيها ما سمعت كلامك ابتعدي عنها ترى الشر يعم الجميع.
غلا دبي
•
هلا اختي
لا تتركينها لشيطان صح لي سوته غلط ومليون غلط لكن لا تخلينها وحيده وتدمر
بيتها بيدها طبعا هيه مثل باقي البنات لما تتزوج تنصدم في الحياه الواقعيه وانها غير
عن التلفزيون وتبدأ الحرمه تشبع رغباتها النفسيه بالترهات ومواقع الانترنيت
الهابطه وتقول لانه هاملني وهذا عذرها عشان تتخلص من تأنيب الضمير
الله يثبتني ويثبتج ويردها للحق
نصيحتي لج لا تتركينها ف الخزي والعار راويها حجم الموقف لي اهيه فيه لو عرف
زوجها او اهلها او نظرة المجتمع لها طبعا الشاااااااات انا اقولج بعد موت تقدر
تتخلص منه لكن الامر يباله تتوكل على الله وتستعين فيه
وذكريها انه الرب سبحانه قال لموسى استعين بي حتى وانته تلبس خفك ..
هذا الكلام ينفع اذا هيه حابه تتغير او متندمه لكن اذا ماتريد وعاجبنها حالها
خليها عنج وادعيلها بس بالستر والثبات
لا تتركينها لشيطان صح لي سوته غلط ومليون غلط لكن لا تخلينها وحيده وتدمر
بيتها بيدها طبعا هيه مثل باقي البنات لما تتزوج تنصدم في الحياه الواقعيه وانها غير
عن التلفزيون وتبدأ الحرمه تشبع رغباتها النفسيه بالترهات ومواقع الانترنيت
الهابطه وتقول لانه هاملني وهذا عذرها عشان تتخلص من تأنيب الضمير
الله يثبتني ويثبتج ويردها للحق
نصيحتي لج لا تتركينها ف الخزي والعار راويها حجم الموقف لي اهيه فيه لو عرف
زوجها او اهلها او نظرة المجتمع لها طبعا الشاااااااات انا اقولج بعد موت تقدر
تتخلص منه لكن الامر يباله تتوكل على الله وتستعين فيه
وذكريها انه الرب سبحانه قال لموسى استعين بي حتى وانته تلبس خفك ..
هذا الكلام ينفع اذا هيه حابه تتغير او متندمه لكن اذا ماتريد وعاجبنها حالها
خليها عنج وادعيلها بس بالستر والثبات
خواتي سنوبس غلا دبي
انا رايي من رايكن وكل الكلام اللي قلتنه صح وهي مدركه حجم الغلط والمصيبه اللي حاطه نفسها فيها بس تقول انها تحاول تهرب لزوجها وبيتها وعيالها بس ترجع للشات والمسنجر وترجع تكلم هالشاب عن طريقهم يعني مو قادره تتحكم بنفسها الشيطان مسيطر عليها وملغي عقلها
وانا بالفعل بديت شوي ابعد عنها عشان احسسها اني مو راضيه باللي هي تسويه
انا رايي من رايكن وكل الكلام اللي قلتنه صح وهي مدركه حجم الغلط والمصيبه اللي حاطه نفسها فيها بس تقول انها تحاول تهرب لزوجها وبيتها وعيالها بس ترجع للشات والمسنجر وترجع تكلم هالشاب عن طريقهم يعني مو قادره تتحكم بنفسها الشيطان مسيطر عليها وملغي عقلها
وانا بالفعل بديت شوي ابعد عنها عشان احسسها اني مو راضيه باللي هي تسويه
انا اقولك خليك معاها عشان ما تكبر السالفه لكن اذا خليتها ممكن تغلط معاه
وخليها تعوض النقص اللى فيها بزوجها يعنى تتقرب منه اكثر عشان تنسى الثانى
ومتى ما سمعت كلمه حلوه من زوجها بيكون عندها حافز اكثر انها تترك الثانى
وخليها تعوض النقص اللى فيها بزوجها يعنى تتقرب منه اكثر عشان تنسى الثانى
ومتى ما سمعت كلمه حلوه من زوجها بيكون عندها حافز اكثر انها تترك الثانى
السلام عليكم :
والله انا من رايي انها تبتعد عن النت هاذي الايام يعني لو عندها كومبيوتر في البيت خل تفصل النت عنه وتحاول قد ما تقدر انها تتلهى بغير اشياء وبالنسبة للتلفون لو كان موبايل افضل انها تغير الرقم ولو كان خط بيت ارضي فمن رايي انها تخلي سماعة التلفون علطول مشغوله الى ان تقدر ترجع لزوجها وبيتها واولادها لانهم اولى بيها من هالكلام الفارغ
والله انا من رايي انها تبتعد عن النت هاذي الايام يعني لو عندها كومبيوتر في البيت خل تفصل النت عنه وتحاول قد ما تقدر انها تتلهى بغير اشياء وبالنسبة للتلفون لو كان موبايل افضل انها تغير الرقم ولو كان خط بيت ارضي فمن رايي انها تخلي سماعة التلفون علطول مشغوله الى ان تقدر ترجع لزوجها وبيتها واولادها لانهم اولى بيها من هالكلام الفارغ
الصفحة الأخيرة