متزوجة وتعيسة ابي حل الله يوفقكم

هذا مدخل من مداخل الشيطان يوسوس لك

تعوذي من إبليس

مدام زوجك يعاملك بما يرضي الله ولا فيه سبب قوي يخليكِ تطلقين

احمدي الله على النعمه اللي انتي فيها

يكون بعلمك مو الكل مرتاح بنات أو متزوجات أو مطلقات أو أرامل كل وحده عندها هم مايعلم فيه إلا الله سبحانه

متضايقه علشان زوجك يحاسبك على الطلعه ترى الاستئذان واجب وحق

وأكيد هو مو حابسك

لاتزعلين من كلامي

هاذي ماعتبرها مشكله

الله يشرح صدرك ويوفقك يارب

حبيبتي كلنا كنا هلون ببداية زواجنا واذا عندج وقت دشي علي مشاركاتي القديمة وشوفي حالي اول ماتزوجت. صدقيني عقب فترة بيرجع لج حبج حق زوجج وبتستقر امورج بس نصيحة اختي حاولي انج ماتضيعين هالفترة لاني صج تحسفت عليها وطبعا بتحسين بهالشعور لانج بحالة تغيير كبيرة بحياتج ولانج هديتي اهلج وصرتي بشور ريال وقبل كنتي حرة روحج وكنتي براحة وماعليج مسؤليات الله ايهدي سرج وبالج امين

شغلي سورة البقرة في بيتك
لاتقارني نفسك بأحد ترى الرجال منو سوى
حاولي تستمتعي بأيامك سوي حفلات صغيره بينك وبينه
العبي مع بنتك خصصي يوم في الاسبوع تطلعي انتي وياه
وبنتك عيشي حياتك اهم شي انه محترمك ويعاملك بما يرضي الله

بس علشان اذا جيتي طلعتي تاخذين اذنه تبغين تتطلقين 
هالسبب سخييفه ومعليش اعذريني على الكلمه 

احمدي ربك غيرها زوجها يضربها وغيرها يخونها 

كلنا تجينا حالات طفش اكيددد يعني وملل بعد 

كلنا كنا قبل الزواج فرحانين ومستانسين وفله ولا كنا نعرف الطفش 

تزوجنا وصرنا لحالنا في بيوتنا بعد
ما كنا ببيت اهالينا بالجمعات والمناسبات 

وعادي خذي اذن زوجك 

انا اخذ اذن زوجي بالعكس ولي الفخر ومبسوطه اني اخذ اذنه احس بفرح وانا ادق عليه واقوله بروح 

لكن انتي ما ادري وش تفكيرك صراحه 

احنا الحريم نزعل اذا ازواجنا ما قالو لنا وين رايح 

وش تقولين اجل عنهم 
راجعي نفسك 

هههههههاي نفس تفكيري اول ماتزوجت كرهت الزواج وحسيت اني انحرمت من اهلي والوناسه والجمعه واللمه واني توي صغيره وكنت افكر بسلبيه ع لكن الحمدلله مسكت بيتي واستقريت بعد ماكنت طول وقتي ع اهلي واهله وتغيرت حياتي.الحين مستقله ولي حياتي وبيتي وهذي نعمه من الله لاتفرطي فيها جربي تغير جو ع اهلك سافروا اذا تقدروا وكمان اذاؤانتي كثيرت جيت وروحت لاهلك خففي امسكي بيتك وبعدها تحسي براحه اهتمي بنفسك طنشي طنشي لاتفكري بسلبيه والاشياء الخطاء فيك عدليه ماعليك من الانتقدات السلبيه ترى هذي حياتك ولازم تسعدي نفسك مو معقوله بتعيشينها ع طول كذا لازم تتغيري للافضل .ادري اني طولته ووتفلسفت بما فيه الكفايه بس اتمنى افدتك