متزوجه من ٥ شهور وعشت مع زوجي بس شهر !!

السلام عليكم اخواتي حبيباتي انا بكتب لكم موضوعي كاملا واتمنى لو ساعدتوني بشي بسيط ...تزوجت شخص وخطبني على انو ملتزم ومطوع وكنت فرحانه كثير لان بتزوج مطوع يساعدني على الالتزام والله يعلم بنيتي المهم تقدم لخطبتي فوافقت وكنت فرحه جدا وبين خطبتي وملكتي فقط اسبوعين عملت حفلة وجمعت صديقاتي واقاربي وجيراني انا طبعا عمري ٢٥ و زوجي ٢٨ لما عزمت الكل على ملكتي جلس زوجي معاي اكثر من خمس ساعات والانظار كانت علي و كانو يتكلمون انو يابختها من الحين متعلق فيها علما باني والله العظيم مااعرفه و تزوجته عن طريق خطابه وبعد الملكه باسبوع كانت اختي زايرتنا من منطقه ثانيه وجلست معها وفي هذا الوقت كنت اجهز للزواج لكن زوجي نشبه يتصل فيني ويبغاني ع طول فاضيه اكلمه المهم قلت له ان اختي جايه عندنا وتقول كلها فتره واروح منكم وانتي لاحقه ع زوجك وقلت له كمان اني قاعده اجهز للزواج ماني فاضيه للجوال والله ياخواتي انه قام عطاني حظر بالواتس وقمت اتصلت في امه قلت لها ليه فلان عطاني حظر مايبيني خليه يطلق قالت لا ضغوطات عمل ومن هالكلام وقامت تتعذر لولدها .ونمت وتحلمت بفوط نسائيه اكرمكم الله في حمام مهجور وكنت كارهه زوجي من بعد الحظر واصبحت بينا مشاكل مرت الايام وتقابلت مع زوجي من دون علم اهلي وهو يعرف ان اهلي متشددين فصارت مشكله بيني وبينه وكان يهددني يقول تجين عندي واربيك وعلمت اخوي الكبير لمن علمته قام تهاوش مع زوجي وكبرت المشكله وقاله زوجي لو فيك خير وينك عن اختك لما طلعت معاي من وراكم !! حسبي الله ونعم الوكيل المهم صارت مشكله كبيره وانصلح الحال وتزوجنا يابنات في اول ليلة زواج تهاوشنا ونام وتركني جوعانه ويقول المطاعم مسكره وعديتها ونمت و سافرنا بعد ثلاث ايام لما سافرنا صار كل مانمر من عند حيوانات او شي بشع يقول هذا اخوك فلان وهذا فلان وقمت اعامله بالمثل واقوله لا والله هذا اخوك فلان المهم رجعنا السعوديه مع تزوجت في شهر ١٠ ورجعت لاهلي في ١١/٢٩ طبعا زوجي ماخذ جوالي ومايبيني اتواصل مع اهلي ابدا وجاء يوم من الايام وترسل له اختي قالت ياقلان اختنا وين ابوي يسال عنها قالها بخير و جوالها خربان وراح اعطى اختي حظر بالواتس واهلي شكو ان فيني شي جوالي مقفل و زوجي عطاهم حظر !!!! جاء اليوم الموعود تاريخ ١١/٢٨ وتتصل اختي الكبيره في ام زوجي قالت والله لو عمل ولدك باختنا شي الشرطه بينا واخوي ماراح يسكت و كلمتني اختي وقلت لها يافلانه ترى زوجي ماخذ جوالي و حابسني ويسبكم خلي ابوي يتصرف وشوي ويجي زوجي قالت له امه ان اهلي كلموها وقام قال لامه خواتها مو محترمات وقذف خواتي قمت لاشعوريا ضربته قلت خواتي اشرف منك وصارت مشكله وضربني وتقوم اخته تتصل باهلي تقول اسمعو نغمات بنتكم وهي تبكي ذبحها اخوي!! راح ابوي اتصل في عمه قال له خذ بنتي عندك لين اجيها ورحت عند عمه وحاولو يصلحون بينا انا مارضيت رجعت مع اهلي وجلست عندهم فتره شهرين واخذت تقارير من المشفى بالضرب وتقدمت بشكوى للمحكمه بعدين زوجي دخل مستشارين اصلحو بينا قلت ارجع له بس بشرط تاخذون عليه تعهد مايلمسني و يعطيني جوال ويحترم اهلي قام كتب التعهد وارسله له وخليته مع ابوي قلت احتياط لو رجع لطبعه نشتكي ؟! المهم رجعت جلست اسبوعين بس في ثاني يوم من رجعتي عطاني ابرة منع حمل مايبي عيال واتوقع مرجعني انتقام وقلت يالله امشي الحياه واتحمل وجاء الاسبوع الثاني ونتخالف ع موضوع تافه ويطلع من البيت وياخذ اغراضه وملابسه وثلاث ايام نايم عند اهله وتاركني لحالي بالبيت لا اكل ولا شرب واتصل فيه يعطيني حظر مكالمات واهلي يكلمونه ويطنش يوم جاء اليوم الثالث وماجاء قال ابوي نبي نشتكي يجون يطلعونك الشرطه لاتموتين لان اهلي بمنطقه بعيده عني وبلغت الشرطه وسمع زوجي اني مبلغه وخاف من اللي بيجيه قام راح للشرطه بنفسه وقال لهم ان زوجتي حابسه نفسها وتبغى تنتحر وماسكه سكين طبعا جو الشرطه اخذوني ورحت معهم وقالو له انت جيت لعندنا برجلك زوجتك مبلغه عليك من الصباح لكن مادلينا العنوان وضيعنا البيت المهم وقفو زوجي وجو اهلي خذوني بعدها رحت مع اهلي و زوجي طلع بكفاله ولما رجعت مع اهلي اكتشفت ان زوجي مشهر فيني عن اهل زوج اختي ويقول انسجنت و عشان كذا وديتها لاهلها وعمته تكلمهم تقول البنت فيها وفيها وفيها وولدنا مايبيها ومن هالكلام المهم الان انا شاكيه في المحكمه طلاق لكن زوجي ماارسل من يوم المشكله ولا دق ولا برر ولا هوندمان ولا يبي يطلق شلون اخليه يطلق بهدوؤ بدون مشاكل او وش تنصحوني ارسل له لان احس اني تعبت نفسيا من وضعي وتفسير احلامي تقول ان زوجي مسحور سحر تفرقه وانا خايفه فعلا يكون مسحور لان افعاله مو افعال انسان صاحي وبعقله قام يجاكر اهلي وكل يوم مشتكيهم بشي مره يشتكي امي ومره ابوي ومره اخواني ويقول سرقوني وسرقو جوازي وامي متهمها انها سارقه شيكات منه وش تنصحوني يابنات ولو انتو مكاني ايش تقررون ابي تجاربكمم انا تايهه جدااا الف فكره براسي تعبت تعبت مع اني احبه بس للاسف