اللهم استرنا ولا تفضحنا
اللهم اهديها واصلحها(ادعوا لها يابنات بالهدايه وجزاكم الله خير )

زواج زوجها عليها دون سابق انذار كان طعنة في الظهر ولو انه يحق له ذلك لكن الظاهر انه ما خبرها وفاجئها بالموضوع فهي ما تقبلت الصدمة والاحساس بالنقص وتساءلت مع نفسها شنو اللي مو موجود عندي وموجود عند الزوجة الجديدة ولما ما لقيت جواب حست بطعنة لأنوثتها فراحت تدور على اللي يحسسها بأنوثتها ويتغزل فيها وترجع تحس بالثقة بالنفس حتى بينها وبين نفسها فقدت الثقة فتلاقيها تقعد جنب المراية وتتمكيج وتطلع وتضحك بس من داخلها مطعونةوحزينه على سنوات الوفاء والحب والثقة العمياء اللي رجعهم لها زوجها بطعنه في الظهر هي أكيد غلطانه في اللي قاعدة تسويه بس مو راضية تعترف بينها وبين نفسها بالغلط ومحتاجه احد ياخذ بايدها ورجعها للطريق لذلك لا تتخلي عنها وخليج جنبها حاولي تقنعيها تغير تلفونها واطلعوا مع بعض للسوق وكل ما تشوفينها تطالع احد اشغليها بشي ثاني روحوا لدروس دينية ومحاضرات مفيدة وانتو في السيارة او اذا جات عندج للبيت شغلي قرآن طول الوقت وبصوت عالي بس حاولي ما تحسسينها انج تضغطين عليها لان ردة فعلها بتكون عكسية وغير ايجابية خليها هي تتمنى ترجع نفس اول وصدقيني مادام معدنها طيب أكيد بترجع
خبرينا بالجديد

الله يساعدج وبالتوفيق

اختج مغربية

شكرا للكل تعاطف مع موضوع صديقتى المحرومة من الحنان وربي كل الامور اللى ذكرتوها انا سويتها معاها انا كرست نفسى لها من رمضان الفائت وكان رمضان والعيد الماضى اسواء ايام مرت على وعليها وكنت دائما معها واقضى وقتى لها وتفرغت لها تفرغ كامل بس انا من جد تضايقت من تصرفاتها واذا ذكرت لها مشاكل بعض الصديقات اللى اسمع عنها وارسل لها بعض المشاكل اللى اشوفها بالمنتديات ونتيجة الاستهتار والبعد عن الله وانه لها اجر اذا تحملت بس تقول المتدينات الله هاديهم ويلقون متعتهم بالدين انا مااستغنى عن الاغانى والغزل والحب انا اذا مالقيت احد يحسسنى بااهميتى بحياته بنهار وراحت كم مرة لدكتور نفسانى واعطاءها حبوب ضد الاكتئاب وبصراحة انا من شهور ابتعدت عنها بس اعرف اخبارها من اخواتها واعرف انها تعرفت على مجموعه بنات يشجعونها على الافكار الاستمتاع بالحياه وانه ماتسويه شى عادى بس هى معدنها اصيل وطيب ودائما ترسلى مسجات انها بحاجتى وانها من داخلها كئيبه وحزينه ودائما طفشانه انا احبها بس هى ماتسمع كلامى واحيانا احس انها تقول طيب بس علشان اسكت وابطل نصائح من جد انا خايفه عليها لان ولدها باول ثانوى وبنتها بثالث ثانوي في مراحل حرجه بس وش الحل؟؟؟

اختي المهااا ... اذا صديقتك مو خايفة من ربها على الاقل تخاف على بنتها وولدها اللي بيكتشفونه تري مو شيء هين وبعدين عيالها جدامهم الدنيا لا تفضح نفسها وتفضحهم تري الفضيحة شامله الكل واكثر اللي بيتأذي عيالها وبنتها منو راج يتزوجها بعد ما يعرفون ان امها زانية والولد كيف يواجه الرجال وهو يعايرونه بامه... استغفر الله العظيم
اختي ربنا غفار رحيم يستر العيوب .. الافضل انها تستغفر الله فيما فعلت وتري زوجها ما سوي شيء غلط الزواج الثاني حلال بس بعض الحريم الله يهديهم مسوينه اكبر جريمة ... اختي قولي لها تتعوذ من ابليس وترجع لربها وتستغفر لذنبها وتربي عيالها تري الخير يخص والشر يعم واذا هي مو خايفة من العذاب بالدنيا تري عذاب الاخرة اكبر واشد .... الله يهديها ويهدي جميع المسلمين والمسلمات اللهم واستر عليها

شكراااا مرورك اختى فلانه بالموضوع وكلامك كله صحيح بس وشلون اقنعهااا بالهاكلام لانها اذا ناقشتها تكسر خاطرى وتبكى وانتم ماانتم فاهمينى انا بنهار والا يمكن يجينى مرض السرطان اذا أكتئبت وهى تتنقم من زوجها بان تنام في غرفه لوحدها بس حكايه صديقتى طويله جداا لانها تزوجت صغيرة ومااكملت دراستها ووهبت نفسها لبيتها ولزوجها وكانت نادرة الخروج او السفر واذا زعل زوجها كانت تحط يدها بيدة وماتنام الاوهو راضى عنها بس زوجها كان يرفض الرضا ويقفل على نفسه بمكتبه والحين هى تنتقم لنفسها منه وتتعرف على رجال وتقول انا شرطى اللى اتعرف عليه تكون حياته خربانه اصلا مع زوجته انا مااحب اخذ احد من زوجته الا اذا كان عندة مشاكل معها والان هى مع رجل موظف في شركة له اطفال وزوجه