السلام عليكم ورحمة الله وبركاتة

أنا سجلت مخصوص عشان هذا الموضوع :)



أختي أنا عاذره صدقتك .... والاخوات اللي قاعدين يلومونها .. ما صادهم نفس الموقف اللي انحطت فيه صديقتك المسكينة..

أختي أتوقع ان هذه فترة عصيبة يبي لها وقت وراح ترجع صديقتك لرشدها ولعقلها ... المسكينة صادها إحباط ونقص ..


أسمعي أختي

أنا صادني مثل صاحبتك بالضبط

انا تزوجت وكنت صغيرة بالسن يادوب خلصت الثانوية وتزوجت ... بعد 5 سنوات زواج اكتشفت ان زوجي متزوج علي بالسررررررررر

تخيلي أختي أن زوجي اللي أحبه واوثق فيه ثقه عمياء وأحافظ عليه وعلى سمعته

يخوني

ويخوني مع من ؟؟؟؟


مع زميلتي بالعمل :44:



ماتتوقعين الصدمة اللي صادتني يوم عرفت ... تخيلي هو ما كان يبي يعلمني غير صادته ظروف اجبرته انه يقول لي ...


تخيلي الصدمة


حسيت إني ولا شي

حسيت إني مو مثل كل البنات


تحطمت

وحطمني بكلامه


بدل ما ياخذ بخاطري


كان يهددني

تخيلي على شنو يهددني


يهددني بالطلاق ... إذا تهورت وقلت حق أهلي أو أهله أو اي أحد إنه تزوج وبالسر

تخيلي قعد متزوجها بالسر حوالي ثلاث سنوات..

تخيلي معاناتي ومأساتي .... تخيلي نفسج لما يجبرج زوجك إنك تطلعي الحين من بيتكم وتروحي لبيت أهلك .. عشان حضرتها صاحبة السمو راح تجي البيت ..

تخيلي أنهم ينامون على سريري أنا ؟؟؟؟؟؟؟؟ :06:



اشياء وأشياء سواها لي زوجي

اثرت على نفسيتي حيل


رحت لطبيبة نفسية

زادت الطين بله

عطتني أدويه مخدرة .. كنت طول النهار ( آكل , وأنام ) تعبت نفسيتي أكثر



حسيت إني ولا شي

تعرفت على شخص

صرت أكلمه بالهاتف

بس بالهاتف .... هو اللي وقف جنبي
هو اللي حسسني إني أنثى وأني ما زلت مرغوبة


ظليت معاه .. أكلمه بالهاتف حوالي سنتين


وبعدين صرت أكلمه بالثلاث شهور مره

بعدين بالأربع شهور مره



والحين قررت إني أقطع علاقتي معه

عشان خاطر أولادي



وإلا زوجي ترى ما يستاهل





الله يهدي صديقتك إنشاء الله

وأزمة وتعدي

أم الشفاء ...

الله يوووفقك ويسعدك .. من جد قصتك مؤثرة .. ما أدري ايش اقوول لك عن تصرف زوجك ..

بس أهم شيء عليك أبناءك .. وإلا ناس تخونك و تتزوج وتعاملك بـ مذله وو و .. ربي رحمك وتطلقتي منه

وماشاء الله عليـــك في إتخاذ أخر قرار لك .. بالتوووفيق
تحياتي

السلام عليكم


أختي ..... عندي إقتراح آخر =====> بحكم الخبرة :42:

خليها تلهي نفسها باي شي تحبه

خل تروح معهد ... أو تكمل دراستها الجامعية

لأنها حالياً تحس إن عندها فرااااااااااغ وهذا الفراغ هو اللي يقتل الوحده وتحاول إنها تشغل فراغها بأي شي ....

خليها تدور لها على شغل حتى لو كانت مو محتاجه على الأقل تتعرف على صداقات جديدة وتلهي نفسها.

أو تسوي مثلي ... أول ما تزوج علي ... دخلت معهد تحفيظ القرآن الكريم وقعدت أدرس التجويد حوالي سنتين ..

بعدين شفت الفراغ بيذبحني

دخلت الجامعه وقررت إني أكمل دراستي الجامعية ( فترة مسائية )

بالإضافه إلى إني موظفة :)

أنا لاحظت نفسي .. إذا أكون فاضية نفسيتي تتعب أكثر ... يكون تفكيري منصب على زوجي وعلى زوجته الثانية ويصدني الوسواس وتزيد المشاكل ..

على فكرة أختي يوم يتزوج علي زوجي كان عمري 25 سنه :)

حسبنا الله ونعم الوكيل :44::44::06:

T_O_T_Y

أهلا وسهلا أختي اشكرك على ردك :)


واشكرج على تعاطفك معاي

والخافي أعظم :44:

تخيلي أختي بعد ثلاث سنوات من الزواج السري

اخيراً قرر إنه يعلن زواجه ..


طبعا هو سوه حلفة زواج كبيرة عشان خاطر العروس الثانية

تخيلي أنا شنو كانت نفسيتي

تخيلي إني كتمت حزني بنفسي .. حتى أهلى وخواتي وصديقاتي ماقلت لهم

كتمت كل هذا بقلبي طيلة هالسنوات اللي مرت ... ماكنت أحب إني أضايق اي أحد من اهلي أو أقرب الناس لي .... كنت اقوم مفزوعة من نومي ... القى نفسي افز نومي اصرخ وأصرخ

تجيني كوابيس وأحلام فضيعه .. أتخيله متزوجها و و و و

تعرفي لما يسمعني اصاراخ واقوم من نومي مفزوعه شنو يقول لي ؟؟؟


يقول .... أووووووووووووه ليمتى بتصيري كذا ؟؟ ترى زهقت منج كل يوم تقومين مفزوعه :(

بدل ما يطبطب علي ويقرأ علي المعوذات ... يهاوشني عشاني أقلت نومه :06:

هلا والله اختى ام الشفاء بصراحه مشكلتك صعبه جدااااااااا الله يكون بعونك ويخليك لاولادك بس الوحدة منا تقدم دائما الخير لزوجها لاولادها ولبتها واذا شافت ان زوجها مايستاهل خلاص ترفضه من حياتها للابد وتعتبرة واجهه اجتماعيه لان في بلادنا العربيه الرجل مهم جدا للمرآة يعتبر كانه حجاب حاجز يبعد عنها الذئاب المسعورة يعنى انت موظفه وأكملت دراستك والحمد لله انا بصراحه لو حصلى هالموقف امسحه من حياتى للابد بس مااخسر دينى وربي وأعرف ان ربي راح يعطينى اجر لتحملى الحياه علشان اولادى واستمتع واتلذذ بالشكر لله واشطب على الزوج واعتبره سواق بس للاغراض المنزل اما انى اخون وارتكب معاصى معاذ الله بس حقرانى له يعتب اكبر عقاب له والله يعينك بس صديقتى صارت مسعورة من شاب لاخر بصراحه انا من داخلى اقرف منها اذا قالت لى انها استمتعت مع هذا وهذا سوى كذ احتقر نفسي انى اسمع لها واخاف من عقارب ربي وان الارض بتنقلب علينا المهم بصراحه انا مالى وجهه اقبل اختها بعد الوقف اللى صار وبنتها مااقدر احط عينى بعينها اكيد بقرارة نفسهم يتصورون انى مثلها ويحتقرونى انا بعد المه الرجال سوبر فايز بآرامكو انها بعد ضرب الاخت له بمضراب الهريس وكتفه تورم ووجهه ويقول لاهله انه طاح بالشغل ولمى كلمته صديقتى غير ارقامه ومايرد على مكتبه وهى تبكى وتقول وشلون تخلا عنى ومايرد على هذا همها بس فضيحتها عند اختها وبنتها ماهمتها المهم الرجال هرب واستحى على وجهه وهى مازالت تلاحقه بالجولات واختها مقاطعتها وبنتها راحت تسكن عند خالتها
اكملكم التطورات وش صار مع صديقتى اذا عرفت