متضايقة حيل...ساعدوني

بنات أنا متضايقة حيل...أنا وحدة ما فيني أي ثقة بنفسي و الله يسامح إلى كان السبب و أحس أن أكون واثقة من نفسي صعب....أنا وحدة اشوف شكلي الخارجي مقبول جدا و فيني جمال و حلاوة لما أشوف المرايا....المهم يا بنات أنا دايما صوري أشوفها تطلع غير عن المرايا عيوبي كثيرة في التصوير و لا مرة ضبطت معي الصور و أطلع أزفت وحدة بالتصوير...المشكلة يا بنات أشوف نفسي كيوت و ملامحي حلوة في المرايا بس لما أشوف الناس أستغرب ..في يوم زواجي و لا حد قالي أني حلوة و كان احساسي مكسور...أغلب إلي في المشاغل ما يخمنون إني انا العروس..كان هذا يكسر الخاطر و أقنعت نفسي أني مو حلوة أبدا و إني إلي أشوفها بالمرايا هو يمكن تخفيف من الله أني أنصدم بشكلي الخارجي....


نأتي إلي المشكلة الحقيقية...لما تزوجت أمي دايما تقولي تعدلي و سوي كذا و البسي كذا و خلي زوجك يسوي لك كذا ...وين رحتي وين جيتي ...أنا الوحيدة إلي تقولي كذا و لا تدخل في حياة أخواتي رغم أنهم مو من النوع إلي يتعدل دايما و يلبس....أمي تحسسني أن زوجي ما يبغاني و أن لازم أسوي كذا عشان لا أتطلق ...يا بنات ليش كذا أمي تعاملني و تجرحني و تدخل بحياتي أنا بس؟ هل أنا فيني حالة بحيث أشوف شكلي غير بينما في الصور و الناس ما تحس بالجمال إلي أشوفه...

بنات أنا مو همي الزواج إذا قالي زوجي ما يبغاني خلاص راح أطلب الطلاق و أنسحب من حياته و يختار فتاة أحلامه...بس أنا وين أروح ؟ مصيري أرجع لأمي إلي راح تنكدحياتي؟ أريد أجيب و لو ولد واحد و أستقل بحياتي و أشتغل لين الله ياخذ روحي ..و إذا كان زوجي يبغي يتزوج وحدة ثانية بالعافية عليه و الله يسعده بس أتمنى الله يهديني و أموت والله راضي عني و ما أتعذب في الآخرة مثل ما تعذبت نفسيا في الدنيا....