فعلا كلامك انا ما احب اخفف عن اي احد في اي مشكلة الا اذا هما جو و فضفضولي مع اني ما كنت اعرف اخفف عن احد بس دحين صرت ممتازة

طيب انا بقولك متزوجه من3سنين وحملت 3 مرات واجهضت صارو يقولون رحمك خلاص مابيمسك طفل تعود ع الاجهاض وكلام كثير خليها ع ربك بس انا متاكده ان ربي بيرزقنا بس يختبر صبرنا يارب ي كريم يرزقني ويرزقك وجميع المتاخرات

شوفي يا بنت الحلال والله ما فيه احد مرتاح
القوي اللي يدوس على قلبه و لا يخرب جلسته و جمعته عشان كلمة
دوسي على قلبك و انسي واذا ما جوك عيال احمدي الله على النعم الباقيه لا تدفنين نفسك في قبر و سجن
والله الموضوع صعب و اللي تقولك عادي ما عندها ساله لكن انسي انسي تقبلي الواقع خلي املك بالله يمكن يجي الفرج
لكن ما هي حياة كذا عشان ثنتين تشمتوا تنكدين على عمرك كذا
الله اذا ما رزقك مو عشانهم ! ثنتين ظالمات ما اتوقع ان لهم حيز من التفكير واصلا ما يستحقونه
انا اعرف ناس محرومين اللي من العيال واللي من المال واللي من الزوج
تفكرين حالتهم حلوه؟ قسم بالله نفس دموعك واكثر لكن الى متى ؟ الله ما يترك احد
تصبري يا اختي اعجبني حالك انك ما تشكين لكن ما ابي لك الهم و الحساسيه على كل كلمة
لانه ما يفيد والله
ابكي عند الله عسى يستجب لك و يحقق امانيك
ذكرتيني باللي تصبر الفقير بقولها تراه وصخ دنيا هالفلوس والاثاث والبيت
كله رفع معنويات لا يقدم ولا يؤخر والله يرزقك الخلفه

اسال الله ان يرزقك الذريه الصالحه ويفرح قلبك انتي وكل من تتمنى الذري

موضوعك جاني على الجرح كثير اتعرض لموقف هاذا واخر موقف قبل يومين جلست وحده تسالني ليش ماتروحين للدكتوره الفلانيه او الممرخه ماحد بينفعك بكبرك غير الاولاد وكلام كثير وربي ماقدرت ارد عليها غير بكلمة ان شاء الله ورب العزه وصلتني لحد الباب وهي روحي وروحي اصبحت لما اروح جمعة حريم اخاف يفتحون موضوع الاطفال وربي مو ناقصه او مثل ماقلتي لما يقولون لكي احمدي ربك ماعندك ماورا العيال غير الغثاء او كلمة انا لو ابقى احمل اقدر احمل بس موقفه لين يكبر الي عندي مدري هو اعتراض على حكم الله لازم الوحده تحمد الله انو ربي اكرمها بنعمة الامومه والحمل مو شطاره منها هذا كرم من الله وانا عدت على للحين22سنه وربي ماكتب لي الحمل بس لازال عندي أمل انو ربي راح يعوض صبري خير ربي يرزقك ويرزقني ويرزق كل محرومه بـ بضنا
يـــــــــــارب