الله يكثر من امثالكم ❤️❤️❤️❤️
كتبتوا اللي عجزت اصابعي تكتبه
الله يسعدكم
ياليت الحريم كلهم يفهموا كلامكم ويبتعدوا
عن المواضيع الخاصه

عزيزتي
الحال من بعضه
أنا كمان متأخره في الانجاب
بس الظاهر انك مرررررره حساسه
أنا لومنك أطلع جوالي و ألعب فيه و لا كأن أحد يتكلم
ما أقول أنه الموضوع سهل
بس هذه ارادة الله لازم يكون عندك رضى و أهم من الرضا القناعة الداخلية
أنا لو بسوي زيك بانحبس في بيتي و لا بزور الناس
والله لو أقولك على موقف انحطيت فيه بس الحمدلله الي أعطاني قنااااااااعة و رضا إلين إلي حوالي صاروا يحسوا اني متبلده في موضوع الانجاب و يسألوني انتي تراجعي و لا لأ
يحسبوني مبسوووووطه على كدا و اني ما أبغى أطفال خصوصا اني شدييييدة مع أطفال العيله و موريتهم العين الحمره
المهم قبل شهر حضرت أربعين وحدة تقربلي و أنا مررررره حبيت نونتها على غير العادة و لمن انزفت الأم و النونو معاها رقصوا الناس و استقبلوها و بعدين قمت أنا شلت النونو و بوستها لأنها لزييييييزة مرة ربي يحفظها يا رب
و قامت وحدة قدام الناس تدعي الله يرزقك و يعطيك و الخ....
و عاد استلموني الحريم روحي عند الدكتور الفلاني و الدكتور العلاني
المشكله اني رحت لهم كلهم و نفس الكلام عقيييييم
و وحده تقولي روحي العطار و ما ادري ايش اشرب من الفجر المهم كلاااااام يجيب الصداع
وأنا أقول ان شاء الله اعطيني اسمه و مسوية نفسي مهتممممه و في داخلي اضحك و أحمد ربي على كل نعمة انعمها علي و استحي اعترض على نعمة وحده حرمني منها يختبر فيها صبري و يمكن يجازيني بصبري دا الجنه ياااا رب
المهم انتي لا تفكري و لا تخلي الناس يحسسوكي انك ناقصة أو ضعيفة
والله ثم والله انه لله حكمة في كل شي
ما تدري يمكن خيييير لي و لكي في تأخير الانجاب
خليكي مع الله و علقي قلبك بالله
و لا تتحسسي من كلام الناس هم في الأول و الأخير بشر يتأثروا
الله يكتبي و يكتب لك كل خير

while choko
ماشاء الله عليك انا من كثر الكلام
صرت ضعيفه ودمعتي قريبه ابكي بسرعه
مره كنت بجمعه حريم المجلس مليان
وحرمه جالسه جنبي ومعها بنتهاصغيره بس تفهم شوي تنط بنتها
عندي وتسألني انتي ليش ماعندك نونو 😱
والحمد لله محد سمعها وامها كانت تسولف مو منتبهه
والله ماتحملت استأذنت ورحت بيتي والسهره توها باولها
بس محد لاحظ سبب خروجي سويت نفسي ان جاني اتصال
ورحت بكيت

مو اعتراض على حكم الله بس مااحب
احد يتكلم بشي يألمني

كلامك حلو ولازم اقوي نفسي اكثر واقدر اواجه العالم
بقلب قوي بس والله من سنين احاول وماقدرت
يارب يرزقنا مشكوره

الله يرزقك بالحمل

صح كلامك ..
بس انتي كان ما رديتي عليهم و سكتيهم

فيه حريم كلامهم كثير في سوق بنك مستشفى

مجرد تجلسي جنبها تسأل عن خصوصياتك

باختصار كان قلتي ما عندي عيال

و اي سؤال ثاني كان قلتي لهم

اسفه هذا شي خاص فيني

بكذا ما تفتحي مجال لاي سؤال