اهلين بنات كيف الكل ان شاء الله بخير
انا متابعه لكم من زمان وانقطعت فتره عن النت وهذاني اليوم راجعتلكم مالي بعد الله الا انتم ابيكم تشورون علي بمشكلتي مع زوجي اللي مو راضي يفهمني ابي من كل وحده تحط نفسها بمكاني وتقولي هل انا مضخمه الموضوع وهو مايستاهل والا معاي حق :(
ببدا لكم باختصار واذكرلكم نبذه عن حياتي معه عشان تكونو بالصوره(اعذروني على ضعف اسلوبي اول مره اكتب مشكله تخصني بالنت ) وانا ماكتبتها الا اني واثقه انكم ماراح تقصرون معي
طبعا انا صارلي ست سنوات متزوجه وعندي بنت والحين حامل بالشهر الثامن (الله يتمملي ان شاء الله ولاخواتي المسلمات)
ساكنه بمنطقه بعيده عن اهلي واهله بحكم نظام عمله ومانجي لاهلنا الازيارات فقط
وزوجي نظام عمله يتطلب منه يداوم باليوم اربعة عشر ساعه
يعني يجي من الدوام على طول يتعشى وينام وكل يوم على هالحال واذا حصلنا فرصه اجازه ننزل لاهلنا زياره
المشكله ان زوجي مايجلس معي الا ساعه او ساعتين بالكثير احس انه عايش عالم ثاني غير العالم اللي انا عايشته طول ماهو جالس معي يكون ساكت وسرحان اواذا تكلم كل كلامه عن دوامه المشكله ان كل الكلام اللي يقوله كل يوم يتكرر
حاولت اني اتكلم اغير جو عن اي شي عن بنتي عن برنامج عن البيت عن حملي احس انه مايعلق يكتفي بهز راسه او السكوت و النظر الى التلفزيون صرت اكره الجلسه معه احس انها كئيبه
واحيانن مايتحمل مني ادنى تصرف اقول كلمه عفويه ينقلب علي ميه وثمانين درجه
حتى حملي احس انا اللي فرحانه فيه لوحدي اروح للمستشفى لوحدي والله يابنات اراجع بالمستشفى لوحدي من بداية حملي ينزلني ويروحواذا خلصت يرجعلي يقول انا مااحب الانتظار:angry2:
نفس الشي اذا رحت للسوق ينزلني ويروح يتقطع قلبي وانا لوحدي امشي بالسوق حاولت انه يتعود لكن انا اللي اتعودت مو هو حتى اغراض البيت اشتريها لوحدي اذا بغيت شي من الصيدليه يجلس بالسياره يقول انزلي جيبيها وتعالي احس انه يكره انه يشاركني باي شي يبي كل واحد منا يعيش لعالمه
فاتحته بهالموضوع اكثر من مره يقولي انا مظغوط من الدوام مابي انظغط بالبيت بعد:angry2:
وانامو مقصر عنك بشي والله يابنات صحيح هو مايقصر معي من ناحيه الماده يعطيني كافةاحتياجاتي
بس الفلوس مو كل شي انا احتاج انسان يشاركني حياتي الماديه والمعنويه وانا مو طالبه رومنسيه
الرومانسيه هاذي غاسله يدي منها :(
انا ابي انسان يحس فيني وش ابي وش مابي
والله تمر الايام وماعمره سالني وش تفكرين فيه ؟
احيانن تتعب نفسيتي خصوصا وانا بعيده عن اهلي وعاطله عن العمل وماعندي احد اتكلم معه لا جيران ولا صديقات ولا يحزنون
اجلس لوحدي طوال اليوم ابكي من قسوةالغربه ومن قسوة الانسان اللي عيشني بهالغربه ابكي لحد
مااتعب وامسح دموعي واحاول انسى واتصبر
لمايجي خلاص احس مابي اتكلم معه احس اني تعبت اجلس ساكته يسالني ليش ساكته مو حب في
سواليفي بس مستغرب
لما انام واصحى ارتاح احاول اتكلم معه اناقشه ليش كذا يعاملني ليش مهمشني يقولي اللي بينا اكبر
من كذا واني انا مكبره الموضوع يابنات لو طبعه كذا كان اقول يمكن مايقدر يغيره لكن لو تشوفونه وهو يكلم احد من اهله والا من زملااه شاق الضحكه طول بعرض ماتقولون هذا الانسان اللي قبل شوي كانه بعزا
حاولت اضحك معه اذكرله موقف يضحك يكتفي بالابتسامه او انه يتحمد الله على العقل
صرت احس اني ناقصه عن الحريم لما اشوف مره وزجها الله لا يغير عليهم يمشون بالسوق والا بالمستشفى مع بعض
مع اني والله
مو مقصره معاه باي شي ياكل احسن اكل ويلبس ارتب ملابس بشهاده منه هو
انا عارفه ان هذا واجبي بس عشان محد يقول يمكن مقصره معه في شي
بتسالوني عن اهتمامي بنفسي يمكن ماتصدقون لو اقول لو كشخت والا ماكشخت عنده واحد
يعني مايفرق هذا اذا رفع عيونه وطالع فيني اصلا
تعبت وربي تعبت من التفكير في حياتي معه ماكان كذا ببداية زواجنا
يمكن البعض منكم يقول يمكن الدوام ماخذ كل طاقته انا اتفق معكم بالنقطه هذي لكن فيه شي
ماذكرته لما اجي عند اهلي وهو معي ينزلني مايذكرني الا اذا جا بيرجع لدوامه
ماانكر انه يكلمني بين فتره وفتره لكن انسى انه يدق علي يقول نبي نطلع نغير جو مع بعض
ولو طلبت منه يتهرب يا معزوم والا بنام مانمت والا طالع مع الشباب عندنا مشوار
احيان اعتزل الناس واجلس لوحدي ابكي ليش كارهني لها الدرجه ومو مستحملني
مدام مايبيني ليه تزوجني
احيانن مااستحمل وارسله رساله على جواله عتاب يرد علي انتي دايم تلوميني انتي ماتحسين
بقيمتي الا بعد مااموت 0000 طيب وانا مين يحس بقيمتي ؟؟
حاولت ابعدعنه فتره اجلس عند اهلي وهو يسافرللدوامه
ابيه يحس بقيمتي من ثاني يوم يكلمني يقول بقصلك تذكره ابيك تجين
انا مااعيش بدونك انا اصدق واحجز واجي ولما اجي نفس الاسلوب نفس المعامله نفس
البرود انا ابصم بالعشره انه مافقدني كمشاعر ولكن فاقدني كــ اله تشتغل وتجهز اغراضه
لا غير
احس انه ببروده هذا صرت انسانه مااحمله اي مشاعر لا احبه ولا اكرهه بس ابي ابعد
عنه مثل ماابعد عني
الحين انا جالسه عند اهلي صارلي خمس ايام بختم قصتي باخر موقف صار بينا وتفارقنا عليه
طبعا قبل خمسه ايام نزلني عند اهلي وانا تعبانه من الحمل احس بثقل عجيب
ووعدني باكر يوديني مشوار نجهز للبيبي اغراضه
طبعا انا مااصدقت مستغربه بيني وبين نفسي اقول يجي
بكره ونشوف لما جا وقت الموعد اللي بينا دق علي يعتذر يقول انه معزوم عند واحد ومايقدر
يعتذر وقالي قولي لاخوانك يودونك سكت وقلت خير ان شاء الله وقفل وانتهت المكالمه
قلت انت اللي بديت بطرح الفكره وكنسلتها وشوله اروح مع اخواني
المهم اليوم اللي بعده كان معزوم عندنا على الغدا وجا وانا كنت مواصله من امس مانمت احس باعراض غريبه الم بالظهر ومغص حسبته طلق وماقلت لاحد من الخوف تغدا عندنا وراح
امي حست اني تعبانه سالتني وقلتلها على الاعراض اللي احس فيها قالت ان ماخاب ظني هذي
المشيمه نازله انا خفت على طول رحت ارسلتله مسج وهو طالع من عندنا قلت بعد الصلاه ابيك توديني المستشفى
رد علي بعد المغرب انا الحين مواعد رجال
يعني لا سالني ولا قال سلامات ولا اي شي من ذلك رديت عليه قلت اقولك مستشفى تعبانه قال
ماضايع شي بعد المغرب:30:
رحت انا من القهر ابكي لحد مانمت لاني مواصله من امس لما صحيت العشاء احس ظهري
بينقص من الالم واحس شي بينزل مني
لقيته جاي عندنا بالبيت ويقول يلا بوديك وكلت امري لله ورحت لما وصلنا المستشفى انا اتمسك
باللي امر فيه من المغص وهو يمشي قدامي ولا لف علي اصلا
لحد ماوصل الاستقبال وحجزلي وجاني وقالي انا بمشي واذا خلصتي دقي (تخيلو )انا هنا زاد المغص
عندي بغيت اطيح بالارض سكت ورحت وجلست بالاستراحه وهو حرك وراح وانا جالسه انتظر مادريت الا اخوي يدق علي يقول انا عندك بالمستشفى اذا خلصتي دقي علي هذي الصدمه الثانيه لها الدرجه مو مستحمل اي مسؤليه لا تقولون مشغول مااعنده اي شي مهم وماعنده دوام يمكن استحلى جلسةالشباب واشتاق لهم
دخلت على الدكتوره طمنتني ان الطفل كان ماخذ وضع الوقوف ورجوله هي اللي مسببتلي الالم واللحين يحاول يعدل نفسه والحمد لله طلعت ودقيت على اخوي ومشينا لما وصلنا البيت دق علي مارديت لا تلوموني من صدمتي فيه مااقدرت ارد دق على اخوي وساله عني اخوي عطاني الجوال انا رديت سالني قال هاه وش طلع فيك ؟(عن قولة اني سالت)
قلتله مافيني شي لولا الحيا من اخوي كان قلت له وش دخلك وانتهت المكالمه المهم سافر لدوامه وانا عند اهلي لي يومين من بعد مااسافر مادق الا مره ومارديت عليه من بكرة اليوم اللي وصل فيه ارسل رساله قال مادقيتي تسالين انا وصلت والا لا ووش سويت داومت والا لا لانه كل مايسافر ادق
اتطمن عليه المره هذي طافح الكيل عندي مادقيت (ياكبر شرهته قاطني بالمستشفى ولا الح علي
بالسؤال وش كان فيني ويبيني اسال عنه ) :30:
رديت عليه قلت له زين والله ذكرتني احسبك ناسيني بالمستشفى ايه صح يمكن يوم داومت تذكرتني
رد برساله قال انا ماداومت رديت عليه برساله قلت مايهمني لاتلوموني يابنات من حر مافيني
وانتهت المرادده بالرسايل صار اذا يبي يسالني عن مكان شي بالبيت يرسل رسايل ومايدق
وعلى هالحاله :(
ادري ان طولت عليكم بالكلام وكلامي مو مرتب المعذره بس ابيكم يابنات الله يجزاكم خير وجهة نظركم
مين الغلطان انا والا هو انا بحاجتكم يابنات لا تخلوني انا من النوع اللي ماايقول للناس عن مشاكله
لا لخواتي ولالامي ابيكم تشورون علي ولا تستحون من النقد اي وحده تشوف اني غلطت بشي تنورني لانيمهما كان انسانه ومو معصومه من الغلط
انتظر ردودكم

AL7LOH @al7loh
عضوة جديدة
يلزم عليك تسجيل الدخول أولًا لكتابة تعليق.

Posy007
•
حبيبتي احمدي الله
بعرف انك متأزمة و كل واحد همه عقده
بس مشكلتك مع زوجك كتير بسيطة بس عليك تغيري اسلوبك شويشوي معه
انا بجد ما بعرف شو احكيلك في ازواج بخلا
في ازواج عصبيين
في ازواج بيمدوا ايديهم
في ازواج بيخونوا
حبيبتي احمدي الله
و اطلبي منه العون
و ضلك استغفري
استغفري في اليوم اكتر من الفين 3 الاف مرة و صلي عالنبي اكتر من الف مرة
و بعدين
ما تعيدي عليه انت مش مهتم فيه و هاملني مرة ثانية
اشغلي نفسك بشي
عندك بنت و ان شا الله بيجيك اخ او اخت لها
اهتمي فيهم و في بيتك و في نفسك حضري من الان جدول تعمليه وقت النفاس
خليك ترجعي عروس المنتدى مليان مواضيع
خليك دايما حلوة و جميلة و مرتبة و كشخة انت وولادك و خلي بيتك دايما من احلى ما يكون الساعة الي بيرجع فيها
لما يدخل خلي بنتك تقرب منه و تكون مرتبة وورجيه البيبي
قابليه بابتسامة
و لا تطلبي منه يقعد معك او يكلمك
اذا كنت زهقانه سلي نفسك بأي شي
نسي اقلك خلي عندك هواية مارسيها
شوفي انا ما رح اقدر اعطيك خطة تقرب زوجك منك
لكن البنات ممكن يفيدوك
بس بقلك
استغلي الوقت الطويل الي بتقضيه لحالك في تطوير نفسك عندك الكمبيوتر يعني بتقدري توصلي لاي شي بالعالم
و نمي لك هواية و طوري نفسك فيها
و يا حبيبتي
طبعا ما بدي اوصيك بالقرآن لطرد الشياطين من البيت
و الدعاء حسبي الله لا اله الا هو عليه توكلت و هو رب العرش العظيم
و الصدقة على نية ان الله يقرب بينك و بين زوجك
و ما تحملي هم انت حامل
صدقي بس الموضوع انت شايفاه كبير لكن من شافت مصيبة غيره هانت عليه مصيبته
بعرف انك متأزمة و كل واحد همه عقده
بس مشكلتك مع زوجك كتير بسيطة بس عليك تغيري اسلوبك شويشوي معه
انا بجد ما بعرف شو احكيلك في ازواج بخلا
في ازواج عصبيين
في ازواج بيمدوا ايديهم
في ازواج بيخونوا
حبيبتي احمدي الله
و اطلبي منه العون
و ضلك استغفري
استغفري في اليوم اكتر من الفين 3 الاف مرة و صلي عالنبي اكتر من الف مرة
و بعدين
ما تعيدي عليه انت مش مهتم فيه و هاملني مرة ثانية
اشغلي نفسك بشي
عندك بنت و ان شا الله بيجيك اخ او اخت لها
اهتمي فيهم و في بيتك و في نفسك حضري من الان جدول تعمليه وقت النفاس
خليك ترجعي عروس المنتدى مليان مواضيع
خليك دايما حلوة و جميلة و مرتبة و كشخة انت وولادك و خلي بيتك دايما من احلى ما يكون الساعة الي بيرجع فيها
لما يدخل خلي بنتك تقرب منه و تكون مرتبة وورجيه البيبي
قابليه بابتسامة
و لا تطلبي منه يقعد معك او يكلمك
اذا كنت زهقانه سلي نفسك بأي شي
نسي اقلك خلي عندك هواية مارسيها
شوفي انا ما رح اقدر اعطيك خطة تقرب زوجك منك
لكن البنات ممكن يفيدوك
بس بقلك
استغلي الوقت الطويل الي بتقضيه لحالك في تطوير نفسك عندك الكمبيوتر يعني بتقدري توصلي لاي شي بالعالم
و نمي لك هواية و طوري نفسك فيها
و يا حبيبتي
طبعا ما بدي اوصيك بالقرآن لطرد الشياطين من البيت
و الدعاء حسبي الله لا اله الا هو عليه توكلت و هو رب العرش العظيم
و الصدقة على نية ان الله يقرب بينك و بين زوجك
و ما تحملي هم انت حامل
صدقي بس الموضوع انت شايفاه كبير لكن من شافت مصيبة غيره هانت عليه مصيبته

صح انا معاك وضعك يقهر ويرفع الضغط
لكن انتي تكلمتي من ناحيتك انتي فقط
يعني معقولة ماجلستي جلسة مصارحه مع زوجك !!!
عشان يعرف انتي ليه زعلانه عليه
وانتي يصير تسألينه عن سبب تصرفاته
ترا مشكلتك كثير من الحريم يعانون منها خاصة بالسنوات الاولى من الزواج
حاولي تجلسين معاه وتفهمينه
وترا شغلة الرسايل على كل شي مب زينه حاولي تكلمينه وتتفاهمين معاه
يعني الايام تعدي ولا انتي اللي تفاهمتي معاه وارتحتي ولا انتي اللي مرتاحه ببيت اهلك
صارحيه بكل شي يمكن يكون عنده كلام يبي يقوله لك وانتي منتي داريه عنه
والله يعينك
لكن انتي تكلمتي من ناحيتك انتي فقط
يعني معقولة ماجلستي جلسة مصارحه مع زوجك !!!
عشان يعرف انتي ليه زعلانه عليه
وانتي يصير تسألينه عن سبب تصرفاته
ترا مشكلتك كثير من الحريم يعانون منها خاصة بالسنوات الاولى من الزواج
حاولي تجلسين معاه وتفهمينه
وترا شغلة الرسايل على كل شي مب زينه حاولي تكلمينه وتتفاهمين معاه
يعني الايام تعدي ولا انتي اللي تفاهمتي معاه وارتحتي ولا انتي اللي مرتاحه ببيت اهلك
صارحيه بكل شي يمكن يكون عنده كلام يبي يقوله لك وانتي منتي داريه عنه
والله يعينك

AL7LOH
•
منبت الطيب
هو يقول انا احبك وانتي مكبره الموضوع بس مابيك تتشرهين علي باي شي لاني مو مقصر عنك بشي اللي منكد علي حياتي عدم مبالاته بالمسؤليه
انا شاكره لك ردك والله يجزاك خير على ابداء الراي
وانتظر الردود من البقيه
هو يقول انا احبك وانتي مكبره الموضوع بس مابيك تتشرهين علي باي شي لاني مو مقصر عنك بشي اللي منكد علي حياتي عدم مبالاته بالمسؤليه
انا شاكره لك ردك والله يجزاك خير على ابداء الراي
وانتظر الردود من البقيه

الصفحة الأخيرة
وانت وشطارتك هو يحبك استمري بتذكيرة وتشرهى عليه وذكريه بانك تحبينه اكثر من الدنيا ومن هالكلام