بالنسبة لي قبل كم سنه كنت من فئة اللي يحلفون انهم مايقدرون يعيشون من دون شغاله
وفعلا كنت اجيب شغاله ورى شغاله
ولما سافرت الاخيره قررت اجرب اعيش شوي من غيرهم
مع اني معلمة وعندي 4 اطفال
اول شي جبت غسالة صحون وغسالة ملابس اتوماتيك ونشافه
وبكذا انـشـال هم ثلاثة ارباع شغل البيت
بناتي من اول معودتهم يرتبون غرفتهم وغرفتي بعد ويطبقون الملابس لما تطلع من النشافه
الحوش فيه هندي نتصل عليه 5 دقايق وهو جاي يكنس الحوش وقدام الباب يخلي المكان يلق افضل بكثير من كنس الشغاله وب10 ريال بس
لو بغيت انثر البيت في يوم زميلاتي مايقصرون كل وحده منهم تحلف تجيب لي شغالتها الله يكثر خيرهم مايقصرون
لكني جوالي مخزنه فيه رقم كم شغاله من اللي يجون باليوميه
دقيت قبل كم يوم على وحده صوماليه بيتها قريب وزوجها إمام مسجد عندنا ما تقصر تجي على طول تخلص شغلها وتروح
ان بغيت اعزم احد عندي بعد ارقام حريم يسوون حلا وفطاير بجميع انواعها ماشاء الله شغلهم مرتب ونظيف اقدر اعبي سفره طويله عريضه ب100 ريال بس
وللامانه انا احب اسوي هالاشياء بنفسي لكن لو مثلا انزنقت في مره اتطمن ان هالموضوع محلول امره

بالنسبه للاطفال 2 في المدرسه والصغار دخلتهم روضه انبسطوا فيها كثيرررررررررررررر
نرجع كلنا البيت نتغدى والكل ينام للعصر مو مثل قبل ناس تصحى وناس تنام


الطلعات لو معزومه اوديهم يا عند اهلي او عند اختي ينبسطون فيهم او اوديهم مركز ضيافة الطفل قريب برضو من بيتنا يفتح من العصر لين 10 بالليل تقريبا يلعبونهم وينتبهون لهم لحد ما ترجع الام وتاخذهم.. كل العاملات فيه سعوديات .
واحيانا اذا المشوار قريب اتركهم في البيت بنتي الكبيره ماشاء الله طالعه خامس ابتدائي تنتبه للباقين اعتمد عليها هي واختها اللي بعدها كثيرررررر وطبعا اترك لهم جوال اتطمن عليهم كل شوي واوصيهم اذا صار شي لا سمح الله يدقون على جارتنا تحت او ينزلون عندها واقفل المطبخ وافتح لهم التلفزيون او اخليهم عالنت يلعبون

والحين لي اكثر من سنه بدون شغاله والحمد لله مرتاااااااحه كثير ماخذه راحتي في بيتي وبلبسي تحررت كثير في اللبس خخخخخخخخخ وزوجي ماخذ حريته يدخل المطبخ ويطلع مو مثل اول لازم نشوف له الطريق اذا بغى شي من المطبخ
بناتي احسهم ارتاحوا نفسيا وانا تطمنت عليهم ان محد بيضربهم او يعذبهم في غيابي
حتى في السفريات قلت مصاريفنا كثير
وفي اغراض البيت سبحان الله اقتصدنا كثيررررررر لان الشغالات يسرفون في المنظفات وفي اغراض المطبخ وفي المويه

والحمد لله ماشاء الله تبارك الله الحياة ماشيه من غير شغالات

كلام من ذهب حتى الوحده لماء تتشغل فى بيتها لها اجر وتنظف من قلبها

موضوع ممتاز

ياليت كل وحده تكتب نظامها بالبيت عشان الكل يستفيد

انا الحمد لله فتره طويله وانا ما عندي خادمه لكن تعبت جدا واهملت نفسي لاني دائما اخدم في بيتي وتعبت اكثر بعد ابني الاخير دائما يبكي ولاينام وفوضوي الله يهديه الان افكر في الخادمه حتي ارتاح لو قليل لاكني خايفه جدا منهم

انا اكره الشغالات كره العمىى
مع اني بيت اهلي كان عندنا شغالات
لما تزوجتالحمدلله تسهل شغل البيت
لاني
اسوي جدول وقرب النوم ارددالله اكبر والحمدلله وسبحان الله
عندي طفلين والحمدلله عايشه حياتي ولاانكر انيامل بعض الاحيان بس الحمدلله ربي سهل
وانا مااحب اجمع الشغل
يارب اعطنا الصحه والعافيه ولاتحوجنا لشغالات وقرفهم