حبيباتي عضوات عالم حواء..

أنا عندي قناعة أنه الشيء على ما تتصوريه..
يعني لو حطيتي في باللك أن الشغالة شر لا بد منه<<مثل مايقولون
أو أن الكرف والشغل مايخلص
وغيره من العبارات والكلام المميت اللي دائما نسمعه راح يتسرب لنفوسنا الكسل والملل ونحس بالتعب ونعيش دور الضحايا للبيت وشغلها..

8 8 8
جتني ضيقة صدر بس من الكتابة..





لكن تعالوا معي
لو كل وحدة منا أستشعرت المتعة أثناء شغلها ببيتها
راح فعلا تحس بالمتعة.. مثل الأخت اللي حاطة تجربة كوب النسكافيه ربطت العمل بالاسترخاء..

لو نحط ببالنا حجم الإنجاز بدل حجم العمل
بإذن الله يدفعنا للعمل أكثر..

وفيه طريقة رائعة وهي طريقة الحوافز.. لو تكافئي نفسك على كل عمل تنجزيه مثلا تدخلي النت أو تشربي كوب قهوة أو تسترخي بالسرير.. وغيره كل عمل واللي يناسبه

الجدول طريقة جدا رائعة..
تخلي البيت دائما متجدد..

وفيه استراتجية جدا مهمة وهي أنك ماتقومي من مكان إلا وهو مرتب بالذات أماكن تواجدكم..
أنا دخلت لبيتي مخدومة-عند أهلي شغالة-وكنت كارهة الشغالات كره العمى فتعبت جدااااا في البداية وصرت ألاحظ السنعات وحركاتهم ولقيت هذي صفة مشتركة بينهم
وصرت أطبقها وماأبالغ لو قلت أنه 70%من الشغل خف علي
وعلى فكرة ترا ماتأخذ وقت إذا تعودتي عليها

وفيه نقطة ألاحظ كثير ناس لاغينها وهي تشغيل الأبناء-سواء بنات أو أولاد-ليش الوحدة تكرف عمرها ومستوليه على كل المسئولية.. بحجة أنها ماتبي تكرف أعيالها أو ترحمهم بالعكس الطفل متحرك متحرك بالخير أو الشر،و من تعويده على البر أنك تدخليه بشغل البيت .. قولي لهم يالله ننظف قبل لايجي بابا يشوف الدنيا حوسة.. وخليهم يلعبون مثلا يغمضون عيون أبوهم ويفاجؤنه.. وسوي لهم حوافز بدال الكب عليهم على الفاضي خليه على المليان..

وماأنسى أننا ذوات تستحق الرفاهية
يعني كل شيء يريح ممكن أجيبه للبيت
مثل الغسالة الأتومتك والمجفف الحراري وغسالة الصحون وغيرهم..
وفيه أشياء تخفف الحوسة مثل صناديق الأطفال ، أدراج بالصالة ، شبك غسيل قريب للحمام -أكرمكم الله-
اللي نقدر عليه
نجمع المصاريف هذي أهم من أشياء كثيرة نكب عليها الفلوس..

وطريقة ترتيب البيت أحيانا تخليه متعب
إذا كبير نحاول نختصره بتسكير غرف ودورات مياه
الأثاث نغير حسب اللي يريحنا
مثلا الأطفال الأدراج أحسن لهم من الدواليب ويكون مكانهم جنب المجفف
ممكن تحت الدرج يتسكر ويكون تحته علاق وأرفف للملابس اليوميه والشنط وجزم المدرسة..
وهكذا

ولا أنسى ومهمة جدا الأذكار قبل النوم التسبيح33والحمد33والتكبير34لها دور بانشراح الصدر وبركة الوقت والجهد

والحقيقة اللي مايمكن أنه أحد ينكرها أن كل وحدة منا تجيها فترة تطفش وتمل
فالمفروض لما نمر بهالفترة نحاول نغير بطريقة الترتيب أو ندخل النت نشوف أفكار السنعات وهكذا لحد مايرجع النشاط من جديد
المعذرة طولت وأكثرت لكن كلنا هنا لنستفيد ونفيد

[جزاكم الله خيرا
ماشاء الله عليك ياعروب افكارك جدا رائعه

لما نبدا نشتغل نحاول نقسم الوقت بترتيب الشغل ---

ونحاول نشغل اطفالنا بكرتون مسلي يتابعوه او نقولهم الي يرتب العابه ويرتب الصاله اجيب لك

حلاوة او شي يحبوه---والطريقة هذي مجربه--

افكاركم حلوه
وانا كمان مااحب الشغالات ابدا
بس اهم شي انه نخلص الشغل اول بااول عشان مايتراكم
لانه اذا تراكم صعب اننا نشتغل او حتى راح نتكاسل اكيد
وفي طريقه مهمه وهي التغيير يعني ممكن تغيري اماكن الاشياء او تعيدي ترتيبها بطريقه جديده راح تفتح نفسك للشغل
ومشاركة الاطفال بشغل البيت كمان شي مهم عشان يتعودوا على الترتيب من صغرهم

ماشاءالله

ياجوهره جده وغروووووووووووب
افكار حلوه الواحد مايتعب عمره لزم يشرك الاولاد
انا عنى نفسي احيان اقول لهم الي يساعدني اعطيه مكافئه بسيطه
في اي وقت عشان يزيد حماسهم ولااذا طلبومنك شي قولي لهم انكم
ماساعدتوني ذاك اليوم الي ومرتكم فيه عشان يحسون بقيمة الشي
ويعطيكم العافيه ع الموضوع الحلو

السلام عليكم..

وانا كمان من اللي يكرهون الشغاله..وبيتي دورين ومسويه جدول امشي عليه ومخليه يوم

السبت اجازه ما اسوي شئ..والترتيب والجرد كل فتره..يعني تخلصي من كل شي زايد وما

تستخدمينه..واولادي صح صغار بس يفرشون السفره..ويجيبون علب العصير والكاتشب..الخ

وكمان بعد مانرجع من رحله او تمشيه اعطي ولدي فوطه مبلله بماء وصابون واخليه يمسح

بوته وبوت اخته_اكرمكم الله_...

وتنظييم طلبات البيت مره اسبوعيا,,ووضع جدول للاكل..

يعني ربه البيت اذا كانت لاتريد الخادمه راح تتدبر امورها ..

واكيييد الاذكار قبل النوم..