ربي يعطينا خيرهم ويكفينا شرهم

مشكورة ياعسل ع الموضوع

والله الحمد لله من اول يوم بعد الاختبارت والشغاله راحت بسلامتهم اختي الكبيره المطبخ والملابس وانا البيت كامل مع الحمام وانتم بكرمه واختي الصغيره تساعدنا والطبخ انا لان انا اموووووووووووووووت في الطبخ والحمد لله وافكر ان اقول لامي لا تجيبينها الا في الاختبارات واذا عندنا مناسبه عشان اذا عندنا مناسبه :icon28:الحاره واهل كلهم عندنا وانا ايش اسوي القهوه ولا الشاي ولا اشوف هذا والا هذا :angry:وانا النحاس بعد مايروحون الناس عشان انا كذا افضل الشغالات وما افضلهم مع كذا بدونهم احس ان حياتي له هدف صح ولالا

انا بيتي مساحته كبيره ماشالله و6غرف وصاله و3حمامات و3احواش ماشالله
وزوجي فوضوي وولدي بعد فوضوي وحامل بالسادس
والله تعبببببببببب البيت واحيانا كثيره امل واتمنى الشغاله بس الله لايحيجني لها يارب

انا منظمه شغلي ووقتي واحس التنظيم هو احسن حل
ثاني شي زي ماقالت الاخت عروب استمتعي بعملك واعتبريه انجاز
او اعتبريه عمل واشتغلي ايام الاسبوع وخلي خميس وجمعه اجازه

اولا
لما اصلي الفجر واجي بانام احاول بقد ماقدر مانام الا واي شي متخربط تحت عيني ارتبه
وبعدها اروح انام الين الساعه 11 وزوجي يجي من الدوام 2 الظهر
ولما اصحى الساعه 11 اول ماصحى ارتب غرفه النوم قبل لااطلع منها ثم
ابدا بالحمامات الله يكرمكم اغسلها
وانا مجهزتلها من قبل علبه كبيره اخلط فيها .. مسحوق تايد .. داك بالبخور .. جل التمساح الاخضر .. ومويه .. وبس اجي اكبه بالحمام واغسله بسهوله

ثاني شي
احط الملابس بالغساله اذا كانت فيه ملابس .. لان احب اغسلها اول باول واتخلص منها
ثم اروح وامسح مرايات البيت كلها ..
وبعدها اذا حسيت اني نشيطه اخذت خلطتي الي هي .. فيري ..كومفرت ..مويه .. واحطها بعلبه رشاش .. وامشي وارش عالجدران وامسحهم وانا ماشيه يعني شغل عشوائي
وامسح الطاولات والبيبان واي شي قدامي

بعدها اذا البيت محتاج كنس كنسته وغالبا يكون مو محتاج لاني اكون كنسته بعد العشا فمايتوسخ والافضل الوحده ماتنام الا وكانسه بيتها

وطبعا قبل كل هذا انا افتح الدرايش لان الهوا والشمس تعطيني انتعاش عشان انظف

وهذا كله واخلص
وطبعا
احيانا الحمامات ماتحتاج تنغسل كل يوم ماعدا الحمام الي نستعمله دائما
الملابس اغسلها اول باول وارتاح احيانا يومين منها
البيت مو كل يوم امسحه كله اذا حسيت اني تعبانه امسح الاجزاء الباينه
وغرفه الضيوف لان احتمال يجون فجاه

المطبخ كل يوم وانا اطبخ اجلس انظف فيه واذا خلصت اغسل المواعين والغاز واكنسه وامسحه الثلاجه ومااطلع منه الا وهو نظيف
كذا اريح لان التاجيل يتعبني واحس هم على ظهري

وبما ان ولدي صغير عمره ثلاث سنوات توه مكملها فما يعرف ينظف معي
بس علمته كيف يلف العابه وجبتله سله وحطيت الالعاب فيها يلعب واذا خلص يرميها بالسله
وخلصنا
وطبعا اخلي زوجي يساعدني لان مو كل يوم اكون نشيطه
بس مع هذا كله ماحب اطبخ يوميا لان اتعب من المواعين واكره ماعندي غسيل المواعين
يارب اتنشط واصير اطبخ كل يووم واتسنع بس مع الحمل ماظنتي
الله يعيننا بس

ملاحظه
طريقه الخلط بالعلب تعلمتها من المنتدى ومررره مرتاحه عليها الحمدلله

ياحبيلك يامووون
ماتوقعتك سنعة كذاااا ماشتاء الله تبارك الله..
بالنسبة لي بيتي كبير دورين وعندي أم زوجي ويجيني ضيوف كثير
فأحس صعبة أستغني عنهااااااا الله يغنينا من فضله..

والصحيح أختي الغالية أن التكبير يكون أربع وثلاثون كما وصى عليه الصلاة والسلام إبنته فاطمة رضي الله عنها وزوجها علي بن أبي طالب كرم الله وجهه عن علي رضي الله عنه ، أن رسول الله صلى الله عليه وسلم قال حين طلبت منه فاطمة رضي الله عنها خادمًا: (( ألا أدلكما على ما هو خير لكما من خادم ؟ إذا أويتما إلى فراشكما ، أو أخذتما مضاجعكما ، فكبرا أربعًا وثلاثين ، وسبحا ثلاثًا وثلاثين ، و احمد ا ثلاثًا وثلاثين. فهذا خير لكما من خادم ))