............. لا تذكروني بالشغالة اللي راحت ....... اعوذ بالله
تصدقون الى الآن تجيني كوابيس منها رغم هي ما جلست عندي الا شهر وعشر ايام لها قريب الشهر من فارقت بيتي
لا احد ينكر ان شغل البيت وتربية الاولاد فيه تعب جسدي ......... بس الله المعين

من الاذكار اللي تعين على النشاط
اللهم اني اعوذ بك من الهم والحزن ومن العجز والكسل ومن الجبن والبخل ومن غلبة الدين وقهر الرجال ( اذكار الصباح والمساء)
قول سبحان الله 33 الحمد الله 33 لا إله إلا الله 34 قبل النوم

السلام عليكم ورحمة الله وبركاته

أنا الحمدلله افتكيت من الخدامة وما أفكر اجيب غيرها

و الله العظيم انها هم و انزاح اللهم لك الحمد . . .

اولا استهبال و عناد و الحلف بالكذب بالكيلوووو خخخخخخخخخ

تخريب اجهزة و ملابس و ما عندها شي اسمه ترتيب عفانا الله

طلعت جوال بدون علمي و بعدها سرقت بطاقة ( شريحة ) أختي و قعدت تتكلم منها

وهذا كله و هي ما تطلع من البيت ( بس مرات ترمي الزباله و انتوا بكرامة يوم نكون عند اهلي ومرا ت البقاله )

و هذا من غير التيلفونات اللي تجيها مره اختها ومره بنت خالتها ووو

المهم اني افتكيت منها ..

شقتي 3 غرف و صالة و مطبخ و حمامين ( وانتوا بكرامة )

عندي ولد عمره سنه و 3 شهور الله يحفظه و ادرس . . .

احط ولدي عند امي وقت الدوام .. و الغدا مرات اطبخ ومرات من عند اهلي

ارتب جدول بالاشغال اللي ابغي اسويها و ابتدي بالأهم ..

و الحمدلله مرتاحه نفسيا و وماخذه راحتي ببيتي البس اللي فخاطري

اغراضي اعرف مكانها و كل شي مرتب بطريقتي .. اللهم لك الحمد

و نصيحتي لكل أم انها ما تترك عيالها عند الشغالة لان الكل عارف بلاويهم

هذا من غير السحر و الزنى و القرف،، الله لا يبلانا

وعليكم السلام ورحمه الله وبركاته


موضوع حلووو

انا قررت اني ما اجيب شغاله

واستأجر وحده تجيني بالاسبوع او بالعشره ايام مره

والحمد لله ارتحت الحين لي شهرين بلا خادمه بعد ما كان عندي خدامه اربع سنوات

وراحت وجبت ثانيه جلست سنه وسفرتها

وبعدها كرهت كل الشغلات وحتى الجنسيه كرتها

والحمد لله الواحده تقدر تدبر امورها

وتشتري اشياء تساعدها وتنظم بيتها

بس تدورن وين المشلكه فيه ؟؟؟؟!!!


بالمجتمع ايه بالمجتمع

كل ما شافتني وحده قالت يوووووووه ما عندك شغاله

ما رضى زوجك يجيب لك << والصراحه هو ما قصر بس انا ما ابي عن قناعه

واللي تقول وشلون عايشه

وهذي تقول وش مسويه مع الكرف


ووحده اعزمها تقول ما اجيك ما عندك شغاله

ومن هالكلام

شي غريب ما عندي شغاله

وكني صرت قضية الشرق الاوسط

وكل وحده اقول لها انا ما ابي الشغاله

والله ييسر لي واعيش من دونها للابد

...........

يكفي من ايجابياتها ان بنتي صارت تساعدني شوي

طبعا بالبدايه بالمطاق و اللحين اهون شوي <<< عمر بنتي 6سنوات

وصرت اعرف كل نقظه في بيتي من والى

ويارب عونك واما احتاجهم

الله يعين وتسافر شغالتي وانا وعيالي بخير

كل ماقربت روحتها كل مابلاويها تزيد

وانا ما اكلمها اقول كلها شهرين وبتطس اخاف تسوي لاحد منا شئ

لو الكل استغنى عن الشغاله ورتب وقته وترك الكسل كان صار الموضوع عادي

بس الشغاله عندنا صايره موضه او الناس تعتبرها من الاساسيات

وهي الخراب ودمار البيوت واستهلاك مادي ونفسي ومعنوي

الجدول اليومي مهم