متفشله من اقاربي :(

كيفكم يابنات

انا بدخل بالموضوع على طول ماعندى وقت وهم وقلق ماصرت اعرف افكر

انخطبت لولد شيوخ وناس مهمين بالدوله.وسالفه الخطبه طويله بعدين اقولها لكم

المهم انا سمعت اسم العائله وافقت على طول واهلى بعد موافقين بس المشكله
مادري شلون يسالون عنه ويتاكدون من اخلاقه كل مااقول لابوى اسال عنه احس محتار ومو مرتاح
تخيلوا قالي الملكه راح تصير بالفندق واجي انا وابوى واخوانى عنده:( وربي فشله حسيت ابوى تدمر

انا انسانه بسيطه جدا واهلى ناس بسطاء بس مو مره بس بالنسبه لهالعائله مره بسطاء وانا متفشله من اقاربي لانهم على قد حالهم
ومابي احس قدام خطيبي بالنقص
انا ماعرفت استانس خايفه يعيرنى بهلي واقاربي
انا هلى بسنعهم ((حنا مو عدم بس عادين))
وللحين مااتفقنا على شي بس هو شافنى واعجبته مره ((مشالله تبارك الله)) وربي انا خايفه مره مدري شسوى مااعرف الاتكيت واخاف اكون انسانه مؤقته بحياته
انا بصراحه ابي الاستقرار وحياه اسريه هاديه
ماودى اخسر هالخطيب لانه حلم اي بنت
بس فيه اشياء كثير مضايقتنى مانى مرتاحه مع ان كل صديقاتى وقريباتى طايرين فرح
ماانكر انا فرحانه بس مادري شلون بتصير حياتى لانها بتنقلب جذريا وماودى اقاربي يحظرون الزواج اللي بكون فيه اهل خطيبي وشلون اصرفهم
ساعدونى تكفون وادعولى بالتوفيق