اهلين اختي
الله يوفقك ويكتب لك الي فيه الخير يارب

اختي انا مادري اذا انتي من السعوديه او لا
لان طبايع كل بلد تختلف


بس بقول الي عندي والله يكتب الي فيه الخير

اعتقد الان قريتي ردود البنات وكل وحده تكتب الي تبغاه حتى انا
بس اغلب الردود شفتيها كانت مركزه على جوانب غير جوانب اخرى
وهذا اخذ من طابع كلامك عنه وعن الي صار

انا ابكتب لك الي عندي واحاول اجيب من جميع الجوانب الي اعرفها

اولا قبل كل شي اعيد كلام بعض الاخوات لك

استخييييييييييييييييري في كل وقت وفي كل صلاة حتى ومن قلب وادعي ربك يكتب لك الي فيه الخير

تناقشي مع اهلك في الموضوع جلسه هاديه

خلي الوالد يسال عنه ويتقصى هذا مستقبل وحياتك انتي الي مربوطه فيه مو حياته بس
واذا الوالد متردد خله يسال حتى لو كان مو مرتاح يمكن لمن يسال عنه يكتشف شي مو لصالحك او يزول هل توتر الي في والدك ويرتاح له

لابد من السؤال عن الشخص يااختي مو لانه ولد فلان تقبلين فيه بل لازم تشددين على مطالبك والسؤال عنه

ثقيييي في نفسك وفي عزوتك وفي سندك وظهرك هم الي راح يحمونك ويوقفون معاك لمن لا قدر الله يصير لك شي معاه

انتبهي لنفسك اختي وفكري بعقل مو بالدنيا
اختي انتي وافقتي لاجل اسمه بس مادري هل استخرتي قبل لا يشوفك وتشوفينه او لا
هل حسيتي بالراحه ام لا

الاسم والعايله مو كل شي

انتي لازم توافقين على الرجال لذاته مو بس لعايلته

استخيري وادعي ربك واسؤلوا عنه وتقصوا كل شي حاولوا تسالون كل الناس لا تتركون احد لانه مستقبلك

لا تتملكين بدري نصيحه اختي الا لمن تتاكدين من كل شي ومن الرجال حتى تقدمين على الخطوه وانتي مقتنعه فيه كله مو لاجل العايله بس
لانك ان سويتي كذا راح ترتاحين نفسيا وتتطمنين

وبالنسبه لاهلك يعني اذا ما تبغين تسوين زواج كبيره سوي زواج صغير واعزمي كبار العايله مو لازم كلهم حتى ترضين اهلك وترضين نفسك وبعدين سوو زواره او حفله بعد شهر العسل حتى بعد تبعدين العين عنك والحسد

وبعدين على حسب المعروف والاصول انه الملكة تكون عندكم مو في المكان الي يبيه هو
الا اذا انتم الي سألتم واخذتم رايه عاد غير
بس المعروف انه اهل العروس هم الي يحددون مكان الملكة ومين يجي فيه

الاصول اصول اختي مو لانه ولد فلان تتنازلين عن كل شي
بعدين يمكن ياخذ فكره غلط عنكم يعني يقول مثلا ما صدقوا اني خطبت بنتهم
لازم تفكرين في كل شي

وبعدين اختي امسك الموضوع حبه حبه
لا تفكرين بالعرس الان
فكري الان بالرجال اول واسالوا عنه واستخيري
واذا ارتحتي وكل شي تمام وسالتوا وتقصيتوا وعرفتي تفكيره وطريقة او اسلوبه في الكلام يكون افضل

بعدين فكري بالتجهيزات وبالملكة ولاتنسين الاصول
وانتي حددي متى الملكة او خلي الوالد هو الي يحدد عشان يعرف ان وراك اهل يوقفون معاك وحتى ما يتهاون فيك

وزي ما قلت الافضل انك ما تستعجلين في الملكة
انا اعرف بنت شيوخ اوكيه وخطوبتها كانت تقريبا سنه واكثر وكانت على اتصال فيه وما اعلنت الخطوبه الا بعد فتره بعد ما ارتاحت له وعرفت تفكيره وكل شي
وتملكة قبل الزواج باسبوع تقريبا او اسبوعين
وهي بنت شيوخ يعني لا تبكرين في موضوع الملكة

وبعدين فكري بالزواج او اذا الزواج عليكم انتم الي متكلفين فيه فكري فيه بعد ما ترتاحين له وسالتوا عنه حتى تقدمي على الخطوه وانتي مرتاحه

هذا الي عندي والله يوفقك اختي ويستر عليك

وكل شي يجي بالتاني حلو
لا تستعجلين
ارفعي راس اهلك وثقي فيهم ولا تقللين من قدرك
انتي يمكن تحسين بالنقص لانهم اعلى منك بس يمكن لانك بعد ماحتكيتي فيهم وانتي اخذتي بالمظهر الخارجي بس فكري انك في يوم من الايام القادمه راح تدخلين حياتهم وراح تصير حياتك مثلهم ان ما كان اعلى منهم

استخيييييييري وتوكلي على الله والي كاتبه ربك راح يصير
الاصول لا تنسينها ولا تقللين اهلك وخلي راس الوالد فوق يعني لا تنزلين وتحقرين من اهلك والوالد
واسالوا عنه
حطي عقلك في راسك ولا تخلي الهوى والفرح يغريك الان فرحتي لانه تقدم لك بس اثقلي شوي وبيني له انك مو مطيوره عليه لانه ولد فلان

وو احب اقولك ترى في شباب ما يخافون ربهم ويتزوجون بس عشان رغباتهم وبعدين يطلق
عشان كذا ركزي واسالوا عنه

ويمكن كلامنا يخوفك او يحطمك او يحزنك
بس ما تدرين يمكن لو سالتوا عنه راح ترتاحين وتفرحين اكثر وطبعا بعد الاستخاره

تاني اختي

والله يكتب لك الي فيه الخير

معليش حبيبتي يمكن اكون قاسية معاج بس اسمحيلي انا استوقفتني عبارة انكم من سمعتوا اسم العائلة وافقتوا
يعني ايش هم شيوخ وناس مهمين
اهم شي انه يناسبج فكريا ودينيا وما يكون من اللي خبرج الله يهديهم
ولا تحسسينه انه هو افضل منج من الناحية المادية
عندج انا ابسط مثال خطيبي من اسرة حاكمة في دولة مجاورة لكن اهلي ما كانوا راضيين في البداية لازم يسالون عنه وقعد شهرين بس ينتظر الموافقة وبعد باخليه ينتظر سنة كاملة للملجة لاني مو مستعدة نفسيا للزواج
واحنا حاليا حالتنا جدا عادية بالنسبة لهم لان احنا كنا بخير ولكن حسبي الله على اللي كان السبب بمعنى ان فيني عز الغنى وذل الفقر (( ما وصلت للفقر))
بس اعامل خطيبي معاملة جدا عادية ولا احسسه اني ما خذته علشان اسمه بالعكس انا خذته لانه كفو وشيخ الرجاجيل وبالعكس هو اللي له الشرف انه ياخذ بنت ناس لامن طروا اسمهم قالوا والمليون نعم
الفلووووووووووووووس مو كل شيء
واهم شيء خلج واثقة من نفسج ومن اهلج واحترميهم بزيادة علشان تفرضين عليه احترامهم
وخلج على طبيعتج واللي يبيج بيبج مثل ما انتي بلا ايتيكيت ولا خرابيط تراهم حالهم حالنا بس اذا حسسناهم انهم احسن منا راح يركبون فوق روسنا
وربي يوفقج حبيبة قلبي

عزيزتي مااقدر ازيد عن الاخوات مشاء الله ماقصرو لكن مااقول غير الله يوفقك ويتمم لك على خير ان شاء الله

لاتستحين من اقاربك ابدا
هم عزوتك ياحبيبيتي
الله يتمملك على خير

استخيري الله مع كل صلاه
اسألوا عن الولد وخذوا وقتكم في السؤال
انتو حددوا موعد الملكه والمكان اللي يناسبكم
واذا كان ببيتكم ماراح تضطرين تعزمين ناس كثير سواء من اهله او من اهلك
اما الزواج شي ثاني
عزي نفسك عشان ولد الناس يعزك
وانتبهي انتبهي تستعجلين في الامور خوف انه يطير من يدك
لان الله يريد لك الخير في كل اللي راح يصير معك
ذكري نفسك دايم ان ايام الخطوبه والملكه هي من اجمل الايام ولايمكن ترجعين لها فلا تضيعينها في القلق والحذر بالعكس استرخي وتوكلي على الله
وبالنسبه للاتيكيت وهالامور
اذا انت ماعندك درايه تعلمي من الحين
وخليك رسميه معاهم بالبدايه الى ان تشوفين
هم كيف يتصرفون وطريقة تعاملهم مع بعض
وبعد تقدرين ايام الملكه تعرفين منه بذكائك اشلون حياتهم
اخيرا الله يوفقك وييسر امرك ويسخره لك ويكتب لك كل خير وسعاده