متى آخر مره كلمتي امك ....؟

الملتقى العام

السلام عليكم ورحمة الله وبركاتة


اليوم الصبح تخيلت نفسي كبرت وصارو اولادي بالمتوسط والثانوي ودخلت جو مع الدور تخيلوا انفسكم انتوا كمان ...


تقومين قبل الظهر وترتبين البيت وتطبخين الغدا وتنتظرينهم يرجعون من المدرسه ويجون يدخلون واحد يرمي جزمته واحد يرمي شماغه والبنت ترمي عبايتها وشنطتها تناديين عليهم يرفعون اشيائهم ماتلقين الا طيب ومادري متى تجي طيب هذي تقومين وترفعين الاشياء وبعينك دمعه مخنوقه....
يدخل ابوهم وينادي على الغدا بسرعه تركضين على المطبخ وتحضرين الغدا ويتجمعون وياكلون ويقومون وتبقين انتي والسفره ماحد كلف نفسه يساعدك تشيلينها وبعينك دمعه مخنوقه ....
تخلصين شغل المطبخ وتطلعين الصاله وتحسين هدوء فضيع ووحده ماكانك خلفتي سته والا سبعه تتمددين تريحين حسمك وبعينك دمعه مخنوقه....
يجي العصر وتقومينهم للصلاه هذا تسحبينه وهذي تدقين عليها الباب وهذا خارج التغطيه ولااحد حولك وتروحين لابوهم تصحينه ......مره عندهم ومره عنده اخرشي يصيح عليك يووووه خلاص سمعنا......ترجعين لاولادك ومافيه امل يقومون تطلعين وتطالعين ساعتك تاخر وقت الصلاه لا انتي اللي صلى الصلاه بوقتها ولاهم اللي قاموا للمسجد تتوضين وتصلين وبعينك دمعه مخنوقه....
تروحين تجهزين الشاي والقهوه يجي كل واحد باخذ فنجاله ويروح يذاكر والا يجلس على الكمبيوتر وابوهم يطلع يشوف له شغله وتبقين انتي والصحون قدامك تشربين قهوتك وبعينك دمعه مخنوقه ..
يجي وقت العشاءوكل واحد يتعشى ويرجع لغرفته او يجلس على التلفزيون ماعنده وقت يسولف لك لانه يتابع برنامج مهم تتابعين معه بصمت وبعينك دمعة مخنوقة...
يجي وقت النوم وينتهي يومك بكل تعبه بدون ماتحسين بقيمتك وبدون ماحد يقولك شكرا ....تحطين راسك بس وين النوم
وبعينك الف الف الف دمعه مخنوقة....


متى آخر مره كلمتي امك ....؟
متى آخر مره ساعدتيها بالمطبخ وشغل البيت....؟
متى آخر مره سلمتي على راسها ويديها وقلتي جزاك الله خير تعبتي كثير عشانا...؟؟
متى أخر مره جبتي لها هدية....؟؟؟


اجل صار لازم نسوي يوم للام على الاقل نجبر انفسنا نتذكرها ولو مره بالسنه بهديه تفرحها.....

وش رايكم بكره كل وحده تجيب هديه لامها حتى لو صينيه حلا او علبة شكولاته واللي بعيده تكلمها وتسال عليها...
20
1K

يلزم عليك تسجيل الدخول أولًا لكتابة تعليق.

تسجيل دخول

اليمامــة
اليمامــة
يا سلام انا اول وحده ترد

يعطيك العافيه حبيبتي موضوعك رائع

الله يعطيهم العافيه وطولت العمر ان شاء الله ويكتب لهم الاجر
شكرآ لك لتذكيرنا في واجباتنا التي غفلنا عنها
سؤال
مين بيسوي لنا يوم الام ؟
همم فوق القمم
همم فوق القمم
مشكورة على التذكير





أمَّاهُ عُذْرًا....
فَهَذا يَومُ عِيْدِك...!!!

تَذَلّلتِ الكلماتُ وأنْخَتْ مَطَاياها بِبَابِك
وَ جَاءَت الأحْرفُ خَجْلى تَتَهَاوى بِمِحرَابِك
تَئِنَّ أنِينَ طِفلِِ مَكْلومِ الفُؤاد
يَبْكي شَاكِيًا سُوءَ أفعالِ العِباد

يَقُولون: ... الأمُّ مَدْرَسَة...
فلها يَومَ عِيدٍ في غَيْرِه تُنتُسى

بِدَعٌ تَبِعناها
وَ قُيودٌ وَضَعنَاها
حُقُوقٌ نَسَيْنَاها
وَ بِكُلِّ جَهْلٍ تَوَارَثْنَاها

أيَكُونُ نَصِيبُ الأمِّ مِنَّا يَومُ عِيْد
تِلكَ التِي حَمَلت وَ أرْضَعَتِ الوَليد
وَ تَفَانَتْ بِبَذْلِ الرُّوحِ سُقْيًا لِلحَصِيد

وَ نأتِي بِكُلِّ جَهْلٍ لِنَقُول:
اليَومُ عِيْد.....!!!

بِمَعْسُولِ الكَلامِ نَأتِي .... مَع هَديَّة
جَذَّابَة الشَّكْلِ .... مُعَطَّرةً نَدِيَّة
قَسَاوَةُ القَلبِ فِيها سَجِيَّة
وَ فُنُونُ الهَجْرِ وَاضِحَةٌ جَلِيَّة

أأُخَيَّ .. دَعْكَ مِنْ هَذَا الهُرَاء
وَ اسْعَ لِلأمِّ بِرًّا فِي كُلِّ حِين
وَ انْبذْ فُنُونَ البِدَعِ عَلى سَواء
و قَبِّلْ يَدَ الأمِّ .. وَ مَرِّغِ الجَبِيْن

أمَّاهُ .. عُذْرًا
أبْكَتْنِي الكَلمَاتُ المُحْتَرِقَةُ بِدَمْعِي
أسْكَتَتْنِي العَبَرَاتُ المُخْتَنِقَةُ بِذَنْبِي

لَكِ اللهُ يَا أمِّي.....
كَمْ عَانيتِ وكَم تُعانِي
أثُمَّ نُكَافِئُكِ بِيَومِ عِيْد....!!!

أمَّاهُ....

ما أحْبَبْتُ يومًا سواكِ....
و لا شَمَمْتُ عطرًا كَشَذَاكِ

فَمَتَى ألقَاكِ يَا قرَّة عيني
يَا شَمعَةً تَحْتَرقُ لِتُضِيءَ أيَّامِي
لَكَمِ اشْتَقْتُ إليكِ ........

لَكَمِ اشْتَقْتُ لِحُضْنِكِ الدَّافِئ
يَا رَوْعَةً مَا مِثْلها القَمَرُ حُسْنًا
وَلا يُضَاهِيْهَا البَحْرُ حَنَانًا
أمِّي.... وَهَلْ فِي الكُونِ مِثْلُ أمِّي

موقع طريق الإسلام

والله إني مقصرة في حق أمي الله يحفظها ويطول عمرها في طاعته
جنوبية وبس
جنوبية وبس
جزاك الله خير

ما كنت منتبهه ان يومياتي تعيسة كذا...

تعودت عليها بمرها والأمر من مرها!!

الحمد لله على كل حال ...

الام... دائما تعطي وتعطي وتعطي .... ولا تنتظر مقابل .

وانا اقول لأمي ,, الله يجزاها كل الخير ,, ويطول لنا في عمرها ,,
ويحفظها من كل سوء ,,ويمتعها بالصحة والعافية ,, هي والوالد
نوره 12
نوره 12
الله يعطيكي العافيه صدق احنا في غفله
داايم دووم !!
داايم دووم !!
الله يرحمها امي

لي 17 سنة ماكلمتها !!!


الله يغفر لنا تقصيرنا بحقها

بجد موت الام يكبر الانسان حتى لو توة صغير عمر

مشكورة ,, موضوعك مميز