متى تضعين المكياج لزوجك؟

والله انا غالبا احط الماكياج"ويكون ماكياج خفيف وردي او خوخي..بدون كحل سايل وماسكرا"احطه قبل لايرد من الدوام بس مو عاد كل يوم كل ثلاثه ايام كذا علشان يصير له شكل..
واحيانا لي تحممت وحطيت كريم ومشطت شعري برضه احط ماكياج خفيف..
ولو كنت راجعه من مكان برى البيت ما ازيل الماكياخ اخليه حتى لو كان ثقيل شوي حسافه خليه عاد يوم حطيته..
وساعات عاد لي صرت مروقه والبزران لاهين عني او نايمين احط ماكياج رايق وكحل وظل بس برضه عالخفيف لان الرجال ما يحبون الماكياج الثقيل..وبعدين لانك راح توسخين الدنيا اذا كثرت الماكياج..
وترى كل الرجال يقولون ما يحبون الماياج بس انتي ما تلاحظين اذا حطيت ماكياج يقولك الله وش ذا ..والا ساعات يقول وين بتروحين..معناه انه عاجبه..
بالعكس الواحد تحط وتحط..اجل وشلوه هالماكياج والالوان الرايقه والهاديه..اهم شئ لاتنوم فيه..ولا تحط كريمات اساس وهالشغلات الثقيله..وسلامتكم..

السلام عليكم ورحمة الله وبركاته

عن نفسي احط الوقت اللي يعجبني بس كل يوم على آآخر شياكه من لبس ونظافة وعطر وشعر اما المكياج على حسب الوقت اللي رايقه فيه لأن الحمد لله ماحتاج مكياج وزوجي يعجبه شكلي طبيعي مع الترتيب ولا عمري لبست جلابيه :17:
لأني ماحبهم مرات مايحب احط مكياج بس يتقبل اذا جبتها مني ومني (بس هذا يكون اذا بطلع طلعه فيها نسباي المحارم من الذكور)علشان غيرته وخوفه من الحسد طبعا زوجي غيور لأقصى درجة بس غيرة طبيعية(يعني مو مثل اللي يتسأل ويشكك .....لالالا ابد ) بس مايبي حد يزين حلاتي غير عينه نسباي مايرضى اتكشخ قدامهم بداك الزود بس غيرته حلوة احس انه يموت فيني اذا غار مثل ماقلت لك مو حلو كل يوم من فترة لفترة وخاصة اذا كنت زعلانه مادري ليه اتعدل وتمكيج على آآآآآآآآآخر انتكه وينهبل هو بس أظل متغليه عليه ليمن يجي ويراضيني ههههههه بس عندي مو كل يوم في اوقات مثل:
معصبه وزعلانه
طالعه معاه
اذا كنت مع اهله او اهلي (مو دايما)
في المناسبات الخاصة
في اوقات الروقان (ويحلاتها من اوقات)

تحياتي

كل يوم بعد ما اخلص شغل والعشاء اروح اسبح والبس لبس حلو احط مكياج


صديقاتي يقولون لي لا تحطين الى زوجك كل يوم بعدين يمل بس خلاص تعودت

وبعد علشان عينه لا تروح يمين ولا يسار

مع إن زوجي كلش ما يحب المكياج

وسوري على الاطالة

انا من النوع اللي مااثقل مكياج ابدا الا بالمناسبات الكبيرة.. مثل الزواجات

وعادة مكياجي متوسط وخفيف.. عشان كذا مايختلف شكلي كثير بالمكياج!

طبعا اهم شي عندي اللبس والعطر والدخون والمخلط..

أم المكياج.. مااحطه يوميا.. أكتفي بالجلوس..

وزوجي سفراته كثيرة.. ودايما استقبله بمكياج خفيف وألبس كأني بطلع زيارة:17:

وأحيانا.. أفاجأه واحط مكياج واضح.. عشان مايمل:24:

الحقيقة اني ما احط مكياج ابدا لاني الصراحة ما بحتاج يعني الحمد لله جمالي واضح مع انو زوجي يطلب مني احط مكياج بس انا بعد ما تزوجت سبحان الله كرهت المكياج كليا !!
يعني بدون مكياج مش خالصة من عيون الناس ما بالكم لو احط مكياج .... كان الله بالعون