اصبري على ظروف زوجك ومولازم تطلعين والنفاس اقعدي ببيتك .. يا اختي حرام من وين يجيب وهذي ظروفه .. وتراها ما تضيق الا وتفرج من ربك .. لا تجيبين الا الضروريات ووسعي صدره لا تحسسينه انك في حاجة لشيء .. هذا واجبك تجاه زوجك ابو عيالك .. ولا تنتظرين منه يشكرك على قيامك بواجبك.
لو كنت في ضيق وهم ماتحبين ان زوجك يكون جنبك ؟؟
ونفسيته تعبانة من ديونه .. احتسبي الاجر في زوجك واشتري الاخرة ترى الدنيا ماتسوى.  

استغفرى على طول وربى كريم

الصددددددددددددددددددددددقه تزيد الماااااااااااااااااال و اكتي قوقل و شوفي قصص البركة في المال بببسب الصدقه
و انا نفسي شفت كيف
•(( من ذا الذي يقرض الله قرضا حسنا فيضاعفه له أضعافا كثيرة والله يقبض ويبسط و اليه ترجعون ))

حبيبتي مشكلتكم في تنظيم الصرف ، راتب زوجي الحمدلله فية خير ، بس والله ان حالتنا عجيبة ديون وفواتير متجمعه علينا وغير كذا ما ني راعية صرف يعني السوق اروح له في المناسبات ، وعيالي تمر سنة ماراحو للملاهي ولا شي . غير كذا ما عندي ولا قطعة ذهب كله راح .
وكنت اقول خله يتعلم من نفسه بيتسنع ويصير يعرف شلون يصرف ، بس مافيه فايده ... المهم جلست وياه واتفقت استلم الراتب كله وانا الي اصرفة ، وفعلاً حطيت لي دفتر وكتبت كل شي علينا ، وكتبت المصروف الشهري ، وتسديد الفواتير ، حتى له اعطيه مصروف واقوله ما يتعداة ، والمقاضي اروح لبندة واشتري كل شي رخيص حق شهر عشان ما نحتاج البقالة الي ذبحتنا ، وكان عندي طفلين صغار كانت اغراضهم من الصيدلية بدين ، وكل شي رتبته في هالدفتر ، وسميته دفتر الميزانية ، ولا تستعجلين النتايج ، انا تعدل وضعنا بعد ٨ شهور ، مع انه كان علينا دين ١٥٠ الف ، طبعاً ماخلص الدين في هالمده بس عرفنا كيف نتعايش معه ، الحين الحمد لله ماشين تمام ،، واقوله خلاص طفشت من الراتب استلمة انت بس يحاول فيني اني انا الي اصرف لأنه عارف نفسه مايقدر يمسك الفلوس ، ،
اهم شي ياقلبي لاتستخسرين حتى الريال في الصرف لازم يكون كل شي تصرفينة بحساب ، والاهم من هذا كلة لاتضغطين على زوجك وتحسسينة انك صابرة ومن هالكلام لأنه بيغرق نفسة في الديون اكثر ..صدقيني
واخيراً الله يرزقك من واسع فضله ياااااااااارب .  

عن القاسم بن محمد ، عن عائشة رضي الله عنها : ( هل سمعت من رسول الله صلى الله عليه و سلم دعاء علمنيه قلت : ما هو ؟ قال : كان عيسى بن مريم يعلمه أصحابه قال : لو كان على أحدكم جبل ذهب ديناً فدعا الله بذلك لقضاه الله عنه اللهم فارج الهم كاشف الغم مجيب دعوة المضطرين رحمن الدنيا و الآخرة و رحيمها أنت ترحمني فارحمني برحمة تغنيني بها عن رحمة من سواك قال أبو بكر الصديق رضي الله عنه : و كانت علي بقية من الدين و كنت للدين كارهاً فكنت أدعو بذلك فأتاني الله بفائدة فقضاه الله عني قالت عائشة : كان لأسماء بنت عميس علي دينار و ثلاثة دراهم فكانت تدخل علي فأستحي أن أنظر في وجهها لأني لا أجد ما أقضيها فكنت أدعو بذلك فما لبثت إلا يسيراً حتى رزقني الله رزقاً ما هو بصدقة تصدق بها علي و لا ميراث ورثته فقضاه الله عني و قسمت في أهلي قسماً حسناً و حليت ابنة عبد الرحمن بثلاث أواق ورق و فضل لنا فضل حسن .).