مثال لوجبات الكيتو

الكيتو يفترض مافيه سناك
ومع الايام يفترض تختفي الرغبه بكثرة الاكل وتحسين بالشبع لفترات طويله وتكتفين بوجبتين في اليوم فقط
اما بخصوص اقتراحات الاكل انصحك تاخذين وقت على الاقل اسبوع بيدك دفتر وقلم وتتفرجين على مقاطع وصفات كيتو واكتبي ملاحظات ووصفات متنوعه تناسب ذوقك ثم ابدأي اكتبي قائمة بالمواد والمقاضي اللي تحتاجينها لكل هذي الوصفات لان الاستعداد النفسي والفكري والتجهيز المسبق يسهل عليك الاستمراريه في الكيتو


وعلى سبيل المثال لا الحصر انصحك تتفرجين على هذي القنوات باليوتيوب


Hayas World - عالم هيا
- YouTube


Keto Girl Q8
- YouTube





Arabic Keto
- YouTube

واكيد اذا لقيتي الخبز بيسهل عليك تلاقين الاكل
انصحك تختارين كل مره وصفه معينه للخبز او التورتيلا او التوست وتجربينها وتحتفظين بالباقي بالثلاجه


مثلاً شوفي طريقة بديل الخبز وتعتبر الافضل للكيتو لانها خفيفه بالسعرات





وهذي عجينه مختلفه ممكن تستخدمينها للفطاير والبيتزا





وهذي نفس العجينه السابقه لكن باللوز الكامل مع طريقة حفظ العجينه مفروده بالثلاجه



وهذي طريقه مختلفه لمناقيش الزعتر والجبن واللحم



وصفة خبز بالسمسم بطريقه مختلفه



طبعاً العجينه بشكل عام لازم تحسبين كم الكارب فيها و لا تكثرين من اكلها خاصة في البدايه اول اسبوعين
وممكن تستخدمين عجينة اللوز بشكل عام في حشوات السبانخ والاجبان المسموحه والبيتزا والزعتر واللبنه واللحم بالعجين او التونه او اي حشوه من اختيارك

الفطور
ممكن تاكلين البيض اما مسلوق 3 بيضات ثم تشوحينها في زبده وممكن تضيفين رشة فلفل اسود وملح
وتاكلين معاها زيتون وسلطه خضراء بزيت الزيتون


او ممكن بيض عجه بالكوسه وزيت الزيتون وجنبها سلطه خضراء
او ممكن بيض مع لحم مفروم وجبن شيدر بحيث يكون بالمقلايه شوي لحم مفروم مشوح بالزبده والفلفل الاسود والملح ثم تصبين فوقه طبقه من البيض المخفوق وتغطينه ينضج ثم تحطين على الوجه جبن شيدر مبشور وتاكلينه مع خس
او ممكن تسوين زعتر او لبنه بالزعتر او سبانخ وتاكلين جنبه سلطه خضراء


اما الغداء والعشاء فالاختيارات كثيره
ممكن تسوين رز بالقرنبيط المفروم تشوحينه مع زبده وفلفل اسود وملح وتغطينه ينضج بالبخار ثم تقدمينه مع لحم او دجاج او سمك او روبيان او تونه او ممكن تسوينه مثل الكبسه تطبخين اللحم او الدجاج الى ان ينضج بمويه قليله ثم تحطين فوقه القرنبيط المفروم وتغطينه الى ان ينضج بالبخار واكيد تاكلين جنبه طبق سلطه خضراء
او ممكن تسوين مصقعه باذنجان او اي نوع خضار من المسموحات تدهنينه زيت زيتون وتحطينه بالفرن ينضج ثم اجمعيه بصينية الفرن مع لحم مفروم او دجاج مفروم مطبوخ واضيفي له اجبان على الوجه
او ممكن تسوين لك ستيك لحم مع مشروم بالزبده وشوي كريمه
او ممكن تسوين بيتزا القرنبيط وتحطين على الوجه المكونات اللي تناسبك دجاج لحم تونه خضار او اي شي وتاكلينها مع سلطه خضراء


سبق نزلت موضوع عن بيتزا القرنبيط وبداخله فيديو لطريقة التحضير اذا حابه تشوفينه
https://www.hawaaworld.com/%D8%A8%D9%8A%D8%AA%D8%B2%D8%A7_%D9%84%D9%84%D8%B1%D8%AC%D9%8A%D9%85_%D8%A8%D8%AF%D9%88%D9%86_%D8%B7%D8%AD%D9%8A%D9%86_%D9%88%D8%A8%D8%AF%D9%88%D9%86_%D9%86%D8%B4%D9%88%D9%8A%D8%A7%D8%AA-4806594/


هذي مجرد امثله ولو تتابعين قنوات اليوتيوب اللي تتكلم عن الكيتو بتلاقين عندهم وصفات واختراعات كثير سواء حلا او موالح او معجنات

هذي فيديوهات مختلفه لطريقة رز القرنبيط اللي اقصده

ربي يسعدك ياعواطف ويعطيك حتى يرضيك ..
انا سبق وطبقت الكيتو وكنت اسوي خبز للحميه واستخدم الكريمه والأجبان بالبدايه نحفت بعدين وقف وزني يمكن لأن ماعندي الخبره الكافيه ..
عشان كذا قررت ابدا الكيتو من جديد بدون مخبوزات وحركات بعطيك امثله وشوفي اذا كانت ضمن الكيتو
الفطور
بيضتين مسلوقه سلطه خضراء خياره طماطه خس م زيت زيتون ..
الغداء ربع دجاجه وسلطه خضراء
العشاء
تونه وسلطه
القهوه كريمه ونسكافيه بدون سكر او سكر ستيفيا
اشرايك