اختي مشعله انا مجتمعي مقارب لمجتمعك بس مو لهدرجه يعني 20 الف لا
يعني حدودهم 5 الاف مو اكثر الا الالماس عاد هذا غير حدث ولا حرج
بس شوفي انا عندي طريقه اسويها ما لي شغل بكلام الناس فيه لبس اخصصه لروحات لهلي وبس طبعا يكون عادي جدا حتى انه مو ماركات
وفيه لبس اشتريه من الماركات الي سعارها معقول يعني ادور الفيصليه او المملكه او صحاري واختار شي حلو مو غالي حدودي للقطعه 500 ريال لي ولاطفالي
والله بنتون عنده اشياء حلوه مو غاليه ومانغو هذا اخليه لطلعات العاديه مثل زيارة احد من الصديقات او اهل زوجي وزي كذا
اما المناسبات فغير لانه يجتمع الاقارب كلهم لازم اشتري شي كشخه مو غالي وبعد اذا تبين الصدق ما اذكر اني شريت اغلى من 4000 ريال وكان عشان زواج اخوي بس
وكذا بتكونين كشخه بدون تبذير ونسيت اقولك ان مناسباتنا قليله جدا تقريبا كل سنه او سنتين مره
اما الي ما اطيق اشوفه وينرفزني اذا شفت قريبنا عشان الموضه قامو يتعرون مره تقولين لبنانيات والله عيب بنات الحمايل قامو يسوون كذا عشان يرضون الناس وفعلا اكثر وحده تتعرى اكثر وحده كشخه ( اللهم لا شماته)
مشكوره على الموضوع الرائع

بنات حواء ليش مستغربين من الفستان اللي ب20 الف
فيه محل اسمه -----اقول ولا ممنوع اذا انسمح لي بقول اسمه
المهم هذا المحل يبيع فساتين سهره ب20 و30 وبالتقسيييييييييييييييييييييييييييييييييييييييييط
والبنت تشتري الفستان وتكشخ واخر شي تسدد على اشهر او سنوات
وهذا المحل في السيركون

ايه يامشعلة.. وفيه بعد محل ثاني بممكلة المرأة اول ماتدخلين على اليمين! اكيد عرفتيه.. هههههههههههههههههههه

بس انا بصراحة مااحب اشتري فستان سهرة بهالسعر حتى لو بيدي ثمنه!! مدري بس احس ربي بيعاقبني..

يعني المبلغ اللي ممكن اوصل له.. بحدود 8 آلاف:27:

بس عاد اللي مريح بالي اني مااروح عروس ابدا.. لاني مااحبها..

بس اللي صدق اموت فيه.. الساعات.. وتدرين عاد عن اسعارهم.. تجنن!! بس على الاقل اسمها ساعة.. :17:

الساعات روعه بس المشكله اذا دفعتي فيها دم قلبك ولقيتي على احد تقليدها طبق الاصل
وحده اعرفها على قد حالها طلعت من النفاس وقالها زوجها وش تبغين يادلال هديتك قالت ساعه ب15الف شفتها ونفسي فيها
الرجال ماقصر تسلف وشراها
المشكله وييييييييين
انا شفت هالبنت في مستشفى وقاعده تزور وحده وهالبنت لابسه ساعتها الجديده ومشخصه
نفس الوقت دخلت خالتي هند (مليونيره )مشالله ولابسه زي ساعة البنت بس تقليد
تدرون وش صاااااار
يوم طلعواقالو الناس شفتوا ساعة هند تهببببببببل وشفتوا دلال لابسه التقليد لانهم عارفين ان دلال على قد حالها ما توقعوا انها تلبس ساعه بهالسعر
عاد وحده نصابه قالت ايه باين انها تقليد
وانا انقهرت وسكت وتذكرت دلال ياعمري اللي بازه بساعتها والناس يقولون انها تقليد

اسفه على الاطاله

ههههههههههههههههههههههههههههه

صادقة يامشعلة..

الناس يقيمونك من مستواك كله..

يعني لو لبستي ساعة بـ 20 وسيارتك كلها على بعضها بـ 60

بيقولون تقليد

أما لولبستي تقليد بـ 200 ريال وسيارتك فياجرا ولا بي ام جديد

بيقولون وااااااااااااااااو ساعتها تجنن.. على الموضة.. توها نازلة..