رسيل :

السلام عليكم.. شأخباااااااااااااااااركم بنات؟ أنا الحمد لله بخير وعافية.. والبيبي بخير.. يا الله لك الحمد.. وآسفة أني خوفتكم.. لكني مريت بظروف الله به عليم.. أشكركم جداً لسؤالكم واهتمامكم.. والله أني عاجزة عن الشكر.. وما عندي شي أوصف فيه مشاعري تجاهكم.. وتجاه كل من سألت عني واهتمت باللي صار لي.. أحبكم كلكم :luvkiss:.. وخواتي اللي اتصلوا وأرسلوا وسألوا خففوا عني الكثير.. وحسيت أن آلام الدنيا كلها ممكن تروح مع إحساس الإنسان بأن هناك من يحبه في الله ويهتم فيه ويسأل عنه.. أدري الحين الكل يبي يعرف وش اللي صار لي بالضبط.. تعالوا أجل.. كل وحدة تجيب لها كيس فشار وبيبسي :f226:.. وإلا شوية فصفص.. وتصرررف عيالها.. وتجلس بهدوء.. علشان فيلم الآكشن الهندي.. ولااااااااااااااااادة رسييييييييييييييييل... واللي راح أقصه لكم على أجزاء أو حلقات.. تابعوها!!

السلام عليكم.. شأخباااااااااااااااااركم بنات؟ أنا الحمد لله بخير وعافية.. والبيبي بخير.. يا...

رسيل :

يالله.. صلوا على النبي الأمي الأمين.. اللهم صلي وسلم عليه.. الجزء الأول: بداية الطلق أول يوم في رمضان كان زوجي دوامه ظهري يطلع الساعة 2 الظهر.. ويرجع 11 بالليل.. يعني يفطر في العمل.. وفي اليوم الأول لما راح.. كان متوقع أنهم راح يطلبون فطور لكن لما راح لقاهم اللي جايب معه سمبوسة واللي جايب شوربة واللي جايب لقيمات ومن هالخفايف.. وهو ما معه شي فانحرررررج مرررة منهم.. :( وقال لي لازم بكرا أعوض وآخذ معي شي يواجه.. قلت له ابشر.. وش تبي؟ تبي شي دسم للعشاء.. وإلا خفايف للفطور؟ قال لا أبي خفايف لكن شي زين يعوض فشيلتي أمس.. قلت له خلاص بأسوي لك بيتزا وفطاير.. وبأسوي بف باستري.. تخيلوا وأنا في التاسع ومثقلة وحالتي حالة.. من الليل وأنا أحوس وأجهز في المطبخ.. وبعدين طول الليل التقلصات تجي وتروح كالعادة.. ما قدرت أرقد زين.. الساعة 8 ونص قمت وأنا أصيح من التعب الألم في ظهري وحوضي وكلللي.. لكن كان في حدود المعقول.. قمت أجهز بنتي للمدرسة ويوم راحت جلست أعجن عجينة الفطاير والبيتزا.. ومعي جودة.. وكنت أحس بألم قوي يجي ويروح وأنا أعجن.. لكن ما كان منتظم أبددداً كان يجي كل دقيقتين.. عجنت.. وتركت العجينة تخمر.. ونمت شوي (ولاااا كان على بالي أن هذي آلام ولادة حسبتها تقلصات مثل كل يوم لكن أشد شوي).. قمت آذان الظهر الساعة 12.. وأسرررع أسوي البيتزا والفطاير وأدخلها الفرن على دفعات.. وزوجي قام الساعة 1 وكان مستعجل ويقول يا الله بسرعة تأخرت الطريق زحمة مرررة ولازم أطلع اليوم بدري.. أنا احتست.. أقول له اصبر .. قال خلاص شكلي بأروح وأخلي فطايرك وحلاك !! قلت له لا حرااااااام عليك تعبانة من الصبح وأنا أذّهر.. وتعبانة.. خذه معك.. اصبر شوي.. وكنت والله أتألم.. حتى أني أدخل الصينية الفرن.. وأجلس على ركبي في المطبخ من الألم.. ودموعي تصب.. وقال لي.. تبين أوديك المستشفى..؟ قلت له لا تو الناس.. الألم لا زال محتمل.. :( رح العمل وود الأكل واستأذن وتعال.. المهم.. أخذ الأكل.. وطلع.. وأنا أسررررررع أبي أرتب البيت قبل لا أطلع للولادة << توها تحس أن فيها ولادة.. :eek: بس ما قدرت.. الألم زاد.. وأنا أشوف المطبخ محيوووس ووسخ مع العجلة في الطبخ.. مع أني أمس في الليل غاسلته ومرتبته من أحسن ما يكون.. قمت أصيح من القهر.. أبي أرتب حجرتي.. ما قدرت من الألم.. :06: كلما جتني طلقة.. تجمدت وأنا في مكاني مقدر أتحرك.. سبحان الله زاد الطلق علي بعد ما طلع زوجي بربع ساعة بس.. وأتصل عليه أبيه يستعجل.. قال خلاص بإذن الله خمس دقايق أوصل العمل أوقع وأجي.. دخلت الحمام أتروش بسرررعة.. وفي الحمام.. حسيت البيبي بيطلع!! :icon8: ((يعني المسألة مش هزار!!)) وأمسك نفسي وأحاول آخذ نفس قوي علشان ما أدفع.. خلصت وطلعت بسرعة.. وأنا لافة علي بس الفوطة.. وأتذكر.. أقول لنجودة.. بسرعة افتحي الباب لأختك الحين تجي من المدرسة.. وراحت فتحت لها.. وأنا دخلت غرفتي.. يا ناس.. أبي ألبس ملابس.. مني قااادرة!! الطلق حرقني سبحان الله.. وأنا ألهث أحاول أمسك نفسي.. وأتخيل أني أولد وأنا كذا بدون ملابس واخزياه! خخخخخخ ما أدري كيف سحبت أقرب جلابية ولبستها.. وأجلس على السرير اتصل على زوجي بالجوال وأصييييح :icon33:.. تعال بسرعة بأولد.. هو مسكين حاس ما عرف وش يسوي.. قال والله هذاني جاي.. لكن الطريق موقفففففففف تماماً من الزحمة (يقول أن طريق الروحة ماشي لكن طريق الرجعة كان مسكرررر من زحمة المدارس والجامعات.. وقت خروج الدوامات).. قال لي.. اتصل على أبوي يوديك؟ قلت لاااااااااااااا أستحي:35:.. ما أقدر.. قال أبوك؟ قلت لا.. أستحي .. ما أقدر.. أبيك أنت..! وأصيح.. يوم سكرت الجوال.. وإلا بمممممممم.. :eek: انفجر كيس الموية! ويصب على الأرض.. وأتصل على زوجي وأبكي (بسرررررررعة البيبي بيطلع الموية نزلت!!).. هو من الروعة قفل الخط بوجهي..! وأصرخ أنادي هنودة.. (كانت توها جاية من المدرسة يا عمري).. بسررررررررعة جيبي عباتي :scream: (استسلمت خلاص قلت بأتصل على أخوي أو أبوي).. وتجيب عباتي وتلبسني على راسي وأنا ما أقدر أتحرك جالسة في مكاني.. وأقول لها جيبي نعالي أعزكم الله.. وتجيبهم تلبسني.. وإلاها جايبة كعب!! وأصرخ لاااااااااااااااااااا.. جيبي النعال الواطية.. وتروح مسكينة تجيبها.. وأقول لها جيبي الموية المقرية (أبي شي يخفف عني).. يوم جابتها بتشربني.. وإلا لطلقة تعصرني.. والموية انفجرت مرة ثانية على الأرض سبحان الله.. وصبت أكثر.. وأصرخ على بنتي مسكينة.. وخررررررررري عني.. ناظرتني.. وقالت.. يمه!! أنتي جالسة تولدين؟؟ :blink: وكانت صادقة.. كنت في اللحظات الحاسمة.. ونكمل في الجزء التالي بإذن الله..

يالله.. صلوا على النبي الأمي الأمين.. اللهم صلي وسلم عليه.. الجزء الأول: بداية الطلق أول...