رسيل :

الجزء الثاني: ولااااااادة على الأرض في هذي اللحظة.. لقيت أمي داخلة علي الغرفة هي وأخوي الصغير (في ثاني ثانوي).. وتقول يا الله بسرررعة امشي..(زوجي متصل عليهم وشرح لهم) وأخوي يمسكني من تحت كتوفي ويشيلني وأنا أبكي.. أحس أني روعته فعلاً.. وأمي تسمي علي وتقرا علي.. يوم توي طالعة من غرفتي .. وأمشي في الممر.. وأصرررررررررخ.. حسيت الراس بيطلع قاعد يدفع بقوة:eek: .. والله أنا ما أدفع.. لكن غصب عني هو بيطلع سبحان الله.. وأصرخ وأقول وقففففففف.. بأولد.. وأمي يا عمري تمسكني.. تبي ترفعني من الأرض.. وانا أبي أجلس على الأرض (خايفة البيبي يطيح وأنا واقفة يموت).. وأمي تسحبني ميب مصدقة أني بأولد.. تقول اصبررررري! الحين توصلين السيارة.. أقول لها لااااااااااااااااااا والله العظيم بأولد.. الراس بيطلع!!!! وأضمها وأنزل على الأرض وأصيييييييييييييييييح.. وامي تصرخ على أخوي رح جب طبييييييييييييييييييييييييييييية بسرعة!! قام طلع طيراااااااان مسكين.. وأنسدح.. وأحس أن شي يطلع مني.. قامت أمي قالت افتحي رجولك.. وافتح رجولي.. وأقول يمه طلللللللللللللللللللللع.. أمي من الروعة مسكينة تطل تحت ملابسي تقول ما فيه شي! (هههههههههه) ما تشوف زين لأن العباة تحتي سوداء والبيبي راسه أسود مب باين.. وأنا أقول والله العظييييييييييم طلع أحس فيه.. يوم دفعته كله سبحان الله.. ويصيح.. شافته أمي.. قالت إيه هذا هو!! (والله كل ما أذكر أنا وأمي نضحك.. مدري كيف ما شافته؟!) سحبته أمي.. لكن الحبل السري قصييير.. وما قدرت تحطه في حضنها لأن المشيمة ما طلعت.. خافت الحبل ينقطع.. وجلست أمي مسكينة ماسكته بين رجولي وهي محدبة ظهرها يا عمري.. مهي قادرة لا تتركه على الأرض الباردة السيراميك.. ولا هي قادرة تشيله تخاف ينقطع الحبل ويموت البيبي لا سمح الله.. وأمي تصرررررررررررخ على أخوي الثاني يوم دخل علينا.. رح جيب طبيبة.. راح يدور على طيبية.. ودق على أبوي راح يدور على طبيبة.. وامي جت بتأذن في أذن البيبي.. ما قدرت.. تقول والله نسيت الإذان.. وتقول لي.. وش بعد التكبير.. أقول لها (وانا زي السكرانة) لا إله إلا الله.. والله مواقف تضحك إذا ذكرتها..تقول امي نسيت الأذان بأتذكر لو شي منه ما ذكرت.. أنا في ذيك اللحظات أحس اني كنت في غيبوبة.. متكية على جدار ورا ظهري.. وأصيييييح.. وكان الطلق والألم لازال معي (علشان المشيمة).. ومن الصدمة.. كنت أصيح.. وأشوف الناس تتكلم وتركض وأنا بدون إحساس.. كأني غايبة عن الوعي بالضبط.. وبعد شوي دخلت خالتي (وعمي كان برا أشوى ما دخل).. أنا في ذيك اللحظة قمت أفكر.. كيف بيتي كذا يفشل قدامهم محيوس ومب مرتب؟! وش راح يقولون عني الحين؟ ومسكينة ارتاعت يوم شافتني واستحت راحت جلست في الصالة.. وعمي راح يدور على طبيبة.. (فرقة بحث كاملة 3 أخوان وعمي وأبوي كللهم يدورون في المستوصفات على أي ممرضة أو طبيبة تطلع للبيت ما لقوا).. والبيبي لفته أمي بشرشف (جابته بنتي).. وأنا قمت أرجف من البرد.. وأقول سكروا الباب.. يقولون مسكرينه.. بعد شوي.. جتنا فكرة نتصل على الإسعاف.. قامت أمي اتصلت على الدفاع المدني 999 خخخخ (أشوى ما اتصلت على مكافحة الإرهاب بعد) قالت الحقوا عندنا وحدة والدة!! قالوا اتصلي على 997 الإسعاف.. واتصلت أمي عليهم بس ما عرفت توصف لهم البيت.. عطتني الجوال أوصف.. وأوصف له البيت وأنا أبكي.. خخخخ ثاني لفة.. رابع بيت .. إهئ إهئ.. (خخخخ) وطلع عمي متصل عليهم.. وأخوي متصل عليهم.. بعد شوي.. دخل زوجي.. هو من الصدمة .. ما شافني.. دخل راح يسلم على أمه.. وأنا مرمية على الأرض بحوستي ومويتي.. ما شافني..

الجزء الثاني: ولااااااادة على الأرض في هذي اللحظة.. لقيت أمي داخلة علي الغرفة هي وأخوي الصغير...

رسيل :

خخخخخ أهليييييييين بنات معليش منسجمة بأنزل القصة كلها وأتفرغ لكم.. مشتااااااااااااااااااقة لكم مر مرة مرة.. وحدة وحدة.. والله لا يوريكم اللي شفته يا رب العالمين..

خخخخخ أهليييييييين بنات معليش منسجمة بأنزل القصة كلها وأتفرغ لكم.. مشتااااااااااااااااااقة لكم...