يابنات انا زهقت من زوجي عجاز وكسول طول النهار نايم وبالليل يطلع لصدقاه حتى الويكند يطلع طول اليوم
مع زملاءه بالبر ويلطعني انا وعيالي لاروحات ولامساير وقسم بالله اني طفشت واذا طلبوه اهله يودي ويجيب عادي
ماعنده مانع انا ماهموني يجيب ويودي بس انا ليه مايودينا ويترك العجر عمي ابو زوجي عنده مزرعه وكارف زوجي
فيها مع ان عنده عيال بس متسلط على زوجي الموهم مو هذي السالفه ليه انا اذا طلبت مشوار يطفشني ويخاصمني
بدون سبب عشان اهون ماطلع ياما فاتتي جمعات وعزايم وطلعات عشان هالعجز
زنيت على زوجي يجيب سواق تشارك مع ابوه وجاب سواق منها يخدم ابوه ومنها يخدمني ماشفنا شئ منه وكنا
ماتشاركنا فيه عمي كرف السواق كرف ود وحط وشل ولما اطلبه يقول عنده شغل القهر انه عنده عمال بس حاط دوبه
دوب هالسواق
ان السواق طفش وقال مابي اشتغل انا جاي بفيزة سواق مو عامل مزرعه وراح السواق وعمي قال اصلا من قالكم اني بحاجة سواق عيالي بيخدموني وبيجبوني ويودوني طبعا جات على راس زوجي وانشغل عنا
والله اني اذا قلتله ابي اروح ابي اطلع بالسنه حسنه يطلعنا ويكون مستعجل ماحس معه بالمتعه يعني مثلا بنطلع نمشي الصغار نطلع نلعبهم وبسرعه وندخل مطعم وبسرعه ونرجع يخلينا ويروح للزملاءه يبي يفتك من المسؤليه
خاصه اني عايشه مع اهله يبي يفتك يخاف يصيده عمي ويقول جب وود دامك فاضي انا الضحيه وعيالي ماحسينا بالجو الاسري
تصدقون مره سافرنا للدمام جلسنا طول الوقت بالشقه الاخ نايم طول اليوم على المغرب يصحى ويمشينا العشاء راجعين وراجع ينام مره ثانيه يقول انا طالع بس عشان انام وافضى للنفسي شفتو كيف مأثر سكني مع الحموله
وكله كوم واذا عصب عليه عمي يجي يفرخ شحناته فينا والله اني صابره ومحتسبه الاجر بس شسوي الصبر له حدود
اقولكم امس عيالي جايهم مسبح هديه وفرحانين فيه ومأجلته لين يدفى الجو الموهم امس دفى الظهريه قمت وتفخته
وجيت ادور خرطوم المويه وسالت عمتي عنه وتسوي نفسها ماتعرف لما سالت شغالتها قالت لي وينه رحت وجبته ومليت المسبح طلعت عمتي وصارت تهاوش ليه تملينه مويه كان حطيتي شوي المسبح كبير وحرام تبذير المويه ومن هالكلام وقالت لي ترى هذا بيكفيهم اسبوع انا شوي وبنفجر بس تحملت
االمسبح مو كبير لهالدرجه بس عمتي عنها سياسة التحكم والتسيطر تحب انها تكون الرئيسه بكل شئ
انا ماقلت لزوجي لانه من النوع الي مايرضى عن امه وابوه بشئ
تدرون مشكلة زوجي بأهله يضغطون عليه بكل شئ ينتقدوني حتى تخيلو بلبس بناتي كل شئ يشفونه جديد يمسكون زوجي محاضره ليه وليه لين يطيرونه بالسماء يحسب نفسه كريم غير عن الناس حتى مره سألني قال اللحين انتم تلبسون غير الناس لاتشترين ولاتكثرين لبس للعيال
الاهل من هالنوعيه مايخافون دعوة مظلومه ومايحترمون كبرهم وينشغلون بالدنيا
تكفون ادعو لي اني انقل واستقل في بيت خاص تعبت والله ماستحمل ابي اعيش باقي عمري وينته لنا زوجي مو ينشغل عنا المسؤليه هدت حيلي مسؤله عن البيت وعن العيال وعن الزيارات المفاجئه من قرايب عمتي :44:
َمتفائلهََ @mtfaylh_19
محررة فضية
يلزم عليك تسجيل الدخول أولًا لكتابة تعليق.
لوتس 2009
•
يارب يرزقك السكن الخاص انا معاك السكن مع أهل الزوج متعب انا مارتحت إلا لما أستغليت بسكن خاص بعيد شفت حياتي صحيح حتى زوجي تغير من أول يقول مانبي نطلع أخاف أهلي يشوفوني وهكذا مافي أحلى من الأستقلاليه في كل شيء الله يفرج همك يارب
الصفحة الأخيرة